ممكن مساعدة الوسواس النظافة

انا عندي نفس المشكله هي وسواس النظافه احس كل شي حولي فيه فايروس
ما اقدر امسك اي شي في البيت الا بعده اغسل يدي كم مره ونفس الشي بالسرير ونفس الشي في النفايات هيه انهار اكثر
تعب من هذا المرض
اتمنى احد يجاوبنا

الأدوية لاتعالج الوسواس القهري هي مجرد مهدئات فقط عشان تخفف حدة الضغط

الوسواس هي افكار وعلاجها عن طريق العلاج المعرفي والسلوكي

ف عشان كذا اول شي لازم تعرفونه انه لمس الاشياء لو كان يضر كان ضر الناس اللي نشوفهم قدامنا يلمسون ومايغسلون .. وعايشين ومرتاحين

الفرق انكم رضختو للفكره وغسلتو وكررتوا الى ان صار الموضوع قهري وهم مكملين وحتى لو جاتهم فكره يحقرونها ويكملون 

ف الحل نرجع نسوي مثل اللي نشوفهم ومع التكرار بتتغير العاده اللي اكتسبتوها

واذا ماتقدرون تقطعون مره وحده ابدأو بالتدريج

يعني لما تلمسون شي لاتغسلون مباشره اصبرو من 10 الى 15 دقيقه
وبعدها زيدو الفتره مهما شعرتوا من ألم ومعاناه اصبرو فعلاج الوسواس في تحمل الألم

وبعد التدريج هذا ان شاء الله الموضوع بيكون اسهل

صحيح بس اقول هم مهملين ، ماسكين اشياء ناس كثير مسكوها وبعدها ماغسلوا يدهم
وبعدين يرجعون ويمسكون اشياء البيت فما اقدر امسكها لان اقول هم مو حريصين
ويجيني خوف يجيني امراض منها ولاشي واغسل يدي اكثر من ٣ مرات توصل للعشره
لان ما اقتنع ان من مره وحده تقتل اي فايروسات على يدي
واعتقد كورونا زادت علي الوضع اكثر واكثر

تكفون احد يرد علي الوضع عندي في ازدياد ومتعبني نفسياً جداً

Aa Sara كتب:

صحيح بس اقول هم مهملين ، ماسكين اشياء ناس كثير مسكوها وبعدها ماغسلوا يدهم
وبعدين يرجعون ويمسكون اشياء البيت فما اقدر امسكها لان اقول هم مو حريصين
ويجيني خوف يجيني امراض منها ولاشي واغسل يدي اكثر من ٣ مرات توصل للعشره
لان ما اقتنع ان من مره وحده تقتل اي فايروسات على يدي
واعتقد كورونا زادت علي الوضع اكثر واكثر

هم ((مو موسوسين))
لان نظرة الموسوس للأشياء مختلفه ويدقق بتفاصيل الاشياء
وبعد هذا يصنع سيناريو مرعب لنفسه 
ممكن يصير وممكن يجي  كذا

وهذا كله وهم بسبب الوسواس 


والدليل شوفيهم مسكوا كل شي وماجاهم الا العافيه

اجلسي مع نفسك بالبدايه واقنعي نفسك بإنه هذا كله وسواس 
وكله كذب وانه ماراح يجيني الا اللي الله كاتبه 
الخوف ماله معنى ولا يرد القدر وانا مؤمنه بالله وقضاءه

وبعدين قرري تقطعين كل الوسواس مره وحده

ولا تجلسين تفكرين او تحللين وامسكي كل شي وتحملي وبنفس الوقت لاتعطين نفسك فرصه بالتفكير وطبقي التجاهل بطريقه صحيحه وكله بينتهي

يعني لو لمستي شي وجاتك فكره ممكن يجيك مرض ممكن تنتقل لك جراثيم فايروسات 

لاتردين على الفكره لاتناقشينها لاتطمنين نفسك لاتسألين لاتشتكين لاحد لاتدخلين المنتدى لاتخافين ابتسمي  وبنفس الوقت انشغلي بشي ثاني يسحب كل تركيزك وانتباهك مثلا لعبه قراءه جوال اي شي المهم تنشغلين بشي ثاني 

والله يشفيك

ممكن ترد على سؤالي اتمشى في بيت أو المنزل كله وحطيت قدمين أمام ارجل الطاولة أو ارجل السرير عملت الوضوء في الحمام ونقط على سروال الماء أن اعمل تنظيف المكان السروال من الماء 
ممكن المساعدة كيف أخرج من هذا الوسواس

KaRaMOne كتب:

ممكن ترد على سؤالي اتمشى في بيت أو المنزل كله وحطيت قدمين أمام ارجل الطاولة أو ارجل السرير عملت الوضوء في الحمام ونقط على سروال الماء أن اعمل تنظيف المكان السروال من الماء 
ممكن المساعدة كيف أخرج من هذا الوسواس

السؤال غير واضح

انا كنت مثلك في هالشي بس تخطيته
ايش السبب تغير الملابس اذا لمست الطاوله. ؟

جربت اكلم نفسي واقنعها كثير ودايم اقول طيب صح انها وسواس
بس وش يضرك اذا غسلتي بعد ماتلمسين على الاقل تحمين نفسك احسن من انك تطيحين بعدين تقول ياليتني غيلت وما اصبت بهالمرض ..

Aa Sara كتب:

جربت اكلم نفسي واقنعها كثير ودايم اقول طيب صح انها وسواس
بس وش يضرك اذا غسلتي بعد ماتلمسين على الاقل تحمين نفسك احسن من انك تطيحين بعدين تقول ياليتني غيلت وما اصبت بهالمرض ..

لا تكلمين نفسك ولا تطمنين نفسك ولاتقنعين نفسك.. هذا عكس التجاهل
  

وكل اللي تسوينه من استجابه للافكار يبقي الوسواس ويزيده
لازم تتجاهلين كل الافكار وكل الوساوس كبيرها وصغيرها

ولما تتسلط عليك فكره عليك بالطريقة اللي علمنا اياها نبينا عليه الصلاة والسلام الاستعاذه والانتهاء وعدم الاسترسال 

واشغلي نفسك لما تتسلط عليك الافكار 
وترى ماراح يجيك شي من لمس الاشياء كلها مجرد افكار شيطانيه
توكلي على اللي اقوى منه توكلي على ربك
وقولي لن يصيبنا الا ماكتب الله لنا 
كل شي مكتوب الخوف ماله معنى

x