طقوس متعبة

السلام عليكم و رحمة الله وبركاته 


شخباركم ؟ و شو أخبار الوسواس معاكم ؟ من زمان عن المنتدى 

أبا اقول لكم شيء هو الصراحه كنت أعاني منه قبل سنوات بس كان بسيط و اختفى او ما اختفى لكنه قل
لكن من أيام صاير بزيادة و مسبب لي ضيق و تعب و الصراحة ماعرف شو أٍقول 

تعرفون مثلاً الخوف من أن اذا سويت شيء راح يصير لي شيء أو العكس
أدري ان وسواس لأني قريت عن حالات مرضية ، كانو مثلاً يخافون يأكلون شيء معين علشان مثلاً محد يصيبه شيء


أنا أعاني من هذا الشيء و الصراحه ملازمني و معرقل حياتي 

كان بسيط لكنه كبر و تعبني نفسياً

صرت أخاف مثلاً أكتب في تويتر دعاء .. أو أي شيء
خوفاً من انه يكون اخر دعاء .. و أموت ويقولون كتبت و كأنها حاسه و الخ

مثلاً أعاني من طقوس اسويها كل يوم بشكل جنوني بس عشان ما أموت 
ادري ان الكلام سخيف و ما يدخل العقل .. لكني تعبت والله 

وكل هالاشياء لازم اسويها قبل لا انام يعني ما يصير انام وانا في طقوس ما سويتها 
او في تغريدات ما مسحتها اي تغريده بعد الساعه مثلا ١ لازم امسحها مايصير اكتب اي شيء ماعرف شو هالرابط لكنه متعب 

أحاول اكسر الروتين و اتجاهل و اقول اللي كاتبنه الله بيصير و بلا سخافات وبلا طقوس
لكن كل شيء اقوى عني :(

وبعد في شيء ، الوسواس ويوم الجمعه 
احس ليلة الجمعة كل الطقوس تزيد و العذاب يكون اشد

فوق الـ ٦٠ مشاهده ومافي ولا رد !!

شوفي طنشي الموضوع وكل شي مكتوب عند ربي ومحد يعرف يومه وبالعكس وش فيها اذ واحد حط دعاء ذا شي حلو وتاخذين اجر عليه  انا اقولك توكلي على الله وريحي بالك لاترهقين نفسك

يزاج الله خير ، شكراً على ردج 
كنت اتريا بس حد يرد علي و يطمني 
ما قصرتي ..

العفو ولو وانتبهي ذا من الشيطان يرهقك انبسطي وابتسمي ولا كأن صار شي