قصة شفائي بفضل الله من الوسواس القهري

سلام عليكم ورحمة الله وبركاته .. مساء الخير لجميع الأخوان والأخوات .. اريد اكتب قصة شفائي بعد معاناة دامت السنتين تقريبا .. و والله اني شعرت وكأنها 20 سنه من شدة ماواجهت من وسواس قهري شديد شديد .. بدأت قصتي بعد معاناتي من فطريات في فروة الرأس .. بحيث كانت محاولتي لعلاجها طوال ال 8 سنوات وحتى الآن مازالت قائمة متعبه .. الفطريات هذي تسبب افرازات سميكه يحب علي كشطها يوميا في الفروه .. في يوم من الأيام بديت اتوهم بأن الإفرازات تنزل على الجبهة فإذا بي اصبحت امسح الجبهة ( احاول انظفها يعني .. علما بأنه فقط هناك افرازات دهنيه طبيعيه بسبب طبيعة بشرتي الدهنيه ) من اليمين الى اليسار او اليسار لليمين .. اهم شي ما ابغا اشعر بشيئ عليها .. فإذا بي اجد نفسي اكرر نفس الفعل القهري وامسح عالجبهة .. ازداد الموضوع معي صرت اذا جيت عالمرايه او ركبت السياره ادقق على هالمنطقه وصرت اول ما اطالع او اطالع على احد اشوف جبهته واسوي الفعل القهري .. تخيلو شدة المعاناه .. اصبحت غير قادر اني اتوقف عن الموضوع .. قبل اصابتي بالوسواس كان ربي فاتح علي الدعاء على قلبي ( كنت اعاني من ابتلاءات كثيره وشديده ومازلت معها ومن ضمنها الإكتئاب الحاد وكان وقتها احس دعائي قوي جدا .. طبعا هذا قبل اصابتي بالوسواس بشهرين ) بفضل الله .. بعد اصابتي بالوسواس وفي يوم وانا في شدة المعاناه كنت سهران الليل وفكرت قلت ليش ما اشكي الله همي وكنت والله يائس من الأسباب تماما لأني حاولت اطنش او اتوقف عن الفعل القهري بس ماستفدت .. المهم اتوضيت صليت ودعيت الله من قلبي وانا منكسر وبشده والله اذكر كنت رافع يدي واكرر يارب يارب مرات عديده وكثيره  .. والله فجأه شعرت بانشراح عجيب بالصدر والله حسيت وكأن الله استجاب دعائي .. المهم بعدها بيوم او يومين عمتي رأت رؤيا قالتلي هي وهي كالتالي ( انا كنت عطشان ابغى مويه من الوالده وقالتي انها مشغوله .. وحات عمتي وادتني مويه وشربتها .. انتهت الرؤيا ) .. طبعا وقتها انا مافهمت شي من الرؤيا لأنه كنت ادعي بالشفاء من امراض كثيره ومازلت فما كنت ادري انه الرؤيه تخص الوسواس .. بعدها صرت ابحث عن علاجات الوسواس في كل مكان بحيث اصبح التكرار عندي عشرات المرات والله اصبحت مثل المجنون .. المهم وقتها كنت اشتغل في مكان وامشي مسافه عشان اوصل للدوام مسافه طويله وطول هذي المسافه الفعل القهري والفكره مسيطره علي تماما .. تخيلو بعدها اتطور الموضوع صرت وانا امشي المسافه الطويل اعرق في الجبهة طبيعي زي اي شخص اصبحت عندما امسح العرق لا اعلم انا امسحه او قاعد اعمل الفعل القهري وقتها خلاص زاد الموضوع اضعاف .. صرت اخاف امشي عشان اعرق وثم ادخل في دوامة مسح الجبهة  .. المشكله كنت امسح العرق لكن ما ادري احس لازم امسح الجبهة عشرات المرات .. بعدها صار يجيني هلع شديد من المشي .. تخيلو خايف اروح الدوام وامشي عشان لايجيني الفعل القهري والتكرار عشرات المرات تحت الشمس .. تخيلو وسواس زي كذا ومنطقه في جسدك وطبيعي طول حياتك بتمسح العرق .. يا الله يا الله كم عانيت .. اقسم بالله حسيت انه بقعد طول حياتي كذا مصاب .. وقتها لقيت منتدى الخبير وفيديوهات كثيره في اليوتيوب وكل شخص له اسلوب علاج .. وين البدايه وين النهايه ؟ ماعندي علم .. شفت برنامج الخبير طبقته فشلت وبقوه تخيلو كيف اتجاهل اني امسح جبهتي وانا امسحها وقت الوضوء ووقت العرق .. طبقت التجاهل ومانفع معاي وجاني انهيار عشرات المرات واحس اني ابدا من الصفر بعد ما اطبقه بثلاث ايام واصلا الهواجس مسيطره علي .. طبعا غير الأفكار الإنتحاريه .. كنت اخرج من الدوام ابكي وانهار بالسياره واقول يارب لاتسيبني تكفى .. في يوم من الأيام رحت الدوام واول ماوصلت جيت ابا اشتغل جاني انهيار من الوسواس ماقدرت .. طلعت واستأذنت وشغلت سيارتي ( طبعا هذا الكلام بعد الدعاء بفترة اشهر ) ورحت عند الدكتور النفسي وانا غير مقتنع وشرحتله حالتي ( وقتها كانت عمتي تقلي روح لدكتور نفسي لما اقلها معاناتي بس لما كنت اكلم امي كانت تجهل عالشيئ وكانت فعلا مشغوله بالنقل للمنزل الجديد .. سبحان الله كما في الرؤيا ) وجا الطبيب وصف لي دواء اسمه زولندا وابدأ فيهبالتدريج واتابع معه .. اخذت الدواء وانا وصلت لحاله يرثى لها .. قلي الدكتور الدواء حيريحك من المشكله بعد اعانة الله وتنزل رحمته .. بعدها بثلاث ايام من بدئي بالدواء بدا وضعي يتغير تماما والفكره بدت تتلاشى يا الله تنزلت رحمة الله وجا الفرج .. والآن انا مشافى معافى بفضل الله واضحك لو تذكرت الوسواس وامس جبهتي براحتي .. كتبت قصتي ليعلم المصابين بأن الله قادر ان يشفيهم والله واقسم بالله في لحظه واحده سبحانه وتبارك وتعالى .. اطلب منكم طلب  فضلا لا امرا .. 1- التوجه الى الله لتفريج كربتكم 2- الدعاء لي بالشفاء من كل مرض اصابني وتحديدا من مرض التهاب دواعم السن وتسخير الدكتور القادر على علاجي .. والسلام عليكم ورحمة الله

السلام عليكم ورحمة الله
تهانينا لك اخي على هذا الشفاء
تمسك في شفائك ولا تنظر للوراء ابدا