- غيداء كتب:
- المفروض اني جايه اقول انجازات لكن مدري وش اقول بصراحه انا مقتنعه ان ابليس اضعف مني ولا قدرت عليه كيف؟؟!
والله العظيم اني طفشانه واقول بتجاهل وصدق اجاهد والقاني فجاءه اضعف بشكل عجيب واسوي طقوسات غبيه ماكنت كذا تدمرت بشكل غير طبيعي بالبدايه وسواسي كان عادي الحين لا والله العظيم الواحد صار ينقرف من نفسه ويكرهها كيف مااكون قويه بسبب شي ضعيف ليش سكت له حتى وصلت لمرحله زفت زي كذا انا ماغثني الوقت اللي راح علي كثر ماغثني اني ليتي تجاهلت من البدايه لانه الحين صار صعب والتجاهل اصعب وصلت مرحله بدال ماانا اقوى نفسي صرت ابي احط سكيب والقاني فجاءه مخلصه منه وصلت مرحله ابي احد يساعدني كيف مدري بس وصلت اني احتاج احد صدق يقولي خلاص بديتي صلاة كملي لاتقطعين واذا قطعت يهوشني ويخليني اكمل ماتوقعت بوصل اني احتاج احد يساعدني شعور يقهر ماراح اسويه لكن محتاجته فعلاً واحس اني بحاجه لعلاج دوائي لاني وصلت مرحله خطيره ومرعبه بصراحه
والله مافي شيء صعب
ومثل كل الموسوسين، حتى اللي تعبوا لسنين السنوات، تعافوا، وانت ايضا
والله لداءك دواااء، مثلما قال عليه الصلاة والسلام
مافي مرض بيقعد معك للابد، والوسواس لا تتخيلي انك بتكبري معه
والله العظيم.. وتالله وهانذا احلف لك، لو اردت ان تتعافين وبذلتي السبب الصحيح والله سبحانه سيكون غالب على امرك وانت لا تشعري وتتعافين
ولو تبغي تتعافي اليوم لتعافيتي!
انا وانت وجميعنا عارفين كيف ترين الوضع صعب، ونعرف كيف ترين التجاهل صعب
لكن برايك ماذا بعد الصعوبة؟
هناء وشفاء وصحة وعافية وحياة…
صعوبة للابد؟
طبعا لا!
متى تزول؟
اذا صمدتي ليلة وحدة اضمن لك اندثارها!
ليش هذه الصعوبة؟
لانها من عدوك وعدو الله عشان يمنعك من التجاهل، فلو كان العلاج في فعل الطقوس لكان منعك منها!
ما تتحملي الصعوبة هذه؟
اذا ما تحملتيها هل ستتحملين الوسواس؟!
اذن انت في معاناة معاناة، فليش معاناتك ما تكون في سبيل نجاتك؟