- Memeyj كتب:
- اول حاجة مساء الخير ، انا اسمي ريم
قبل ٦ سنوات بالضبط اصبت بوسواس في العقيدة وعانيت ماعانيته بشكل جدًا ثقيل ومُتعب نوم مستحيل انام ، طلعات ماطلع حرمت نفسي من كل شي في الحياة والحمدلله مع مرور الخمس سنوات شُفيت منه ، لكن انا متاكدة اني ماشُفيت من الوسواس القهري بنسبة ١٠٠٪ لانو كانت عندي وساوس صغيرة واسويها واستهونت فيها لين الاسبوع الي فات فجأة صرت احس اني خايفة من ناس معينة وانا مني كذة ! مستغربة انا ليش كذة !
وفجاة تجيني نوبات هلع وخوف وقت النوم وكان الموضوع تدريجي الين ماوِصل الحال صرت اشوف متى قلبي ينبض بسرعة ومتى ينخفض ، لكن ادركن الموضوع وعرفت انو الغلط مني وماتاجاهلت ! وماطبقت البرنامج العلاجي ..
والي يضحك اني تخلصت من وسواس النوم في اقل من يوم بعد ماتجاهلته ولا عبرته وطبعا انا دحيت قريت البرنامج العلاجي للافكار المزعجة وحفظته زي اسمي واركان العلاج الثلاثة ومستمرة فيهم ! والحمدلله راحة مرة
لكن وانا اقرا العلاج لقيت الخبير كاتب اتركو كل السلوكيات الي تشكو انها وسواسية طبعا انا في مشكلة اعاني منها الي هيا ( الخيالات الوهمية مع اشخاص اعرفهم وماعرفهم واسوي سيناريوز واطبقها قدام المرايا لين ماوصلت اني اضحك وابكي على اشياء ماصارت يعني زي القصة الي اخترعها في راسي واطبقها على ارض الواقع قدام المرايا اجلس امثل لين ماصرت احس الموضوع قهري وياخذ وقت مني ٥-٦ ساعات في اليوم متواصلة عادي وهذا الشي انا مواصلة فيه من ٦ سنوات !!!!
ولمن قريت كلام الخبير وهو يقول لا تتردد في الاقلاع عن اي فعل سلوكي وسواسي ! هنا شكيت في وضعي ، جالسة احس بسلوك وسواسي ومستمرة عليع ٦ سنوات ليه !!! هذا امكن احد الاسباب الي خلت الشيطان يستدرجني ، وصرت مثلا لمن اروح اتمرن لازم اتخيل ناس قدامي واضحك واجلس معاهم وللامانة الموضوع ترى كان يسعدني واحس براحة بعد مااسويه لكن بعض الاحيان احس بتعب نفسي مرة !!
ف استفساري هل قراري صحيح في اني ابعد عنها ؟ وطبعا انا جازمة على البعد هنا لانها بتاخذ من وقتي وطاقتي على اشياء وهمية .
الشي الثاني ، استهونت في حركة معينة الي هيا اتاكد اني ماتركت شي في السيارة بعد مااخرج بعد ماامشي من محل اتاكد وكنت احسب عادي ، لكن جاتني وسوسة جديدة بعدها الي هي انظف الكبنين وانتم بكرامة او كرسي الحمام قبل مااجلس عليه عشان اخوية الصغير الله يهديه دايمًا يوسخه وتكون في قطرات بول عليه ، ف صرت حتى في الايام الي مااشوف فيها قطرات امسحه وانظفه وبعدها صارت عندي نوبات هلع وخوف من النوم يعني الموضوع جر بعضه وطبعا انا جالسة اقرا العقبات ووسائل الثبات وجازمة ١٠٠٪ الاقلاع عنه لكن احتاج توجيه بسيط هل كل الاشياء الي بعلمها دليل على اني بالطريق صحيح بعد ماوعيت على نفسي انه التخيلات الوهمية والاحتياط من غسل الكرسي حق الحمام والتاكد من عدم ترك شي خلفي لمن اخرج من محل او اطلع من السيارة ؟ طبعا التاكد وماالتاكد انا عارفة وسوسة لانو للخبير كاتب ممنوع منعًا باتًا مريض الوسواس من اخذ الحوط لانو طريق للشيطان يعيذ الموسوس لحالته القديمة ، لكن التخيلات الوهمية ذي هل الافضل تركها لانها اصبحت عادة من ٦ سنوات ولكن تشعرني بعض الاحيان بسعادة وبعض الاحيان احس بشي قهري وانو لازم اتخيل واخلق قصص
شكرًا لكم
الحمد لله الذي عافاك، والعقبى لك بالشفاء التام ان شاء الله
عندك عزيمة وطيدة ما شاء الله، وشفاءك (التام) سيكون سلس وسهل، وهذا واضح اللهم بارك
مسالة الخيالات والسيناريوهات اللي تتخيليها:
هذه امر طبيعي وتقع لغالب الناس، ياتي قبل ما ينام يؤلف قصة ويعيش احلامه، وهذا عادي، لكن اللي ليس عادي… انك تقفين عند المراة… هذا خطا، ولساعات… هذا اخطا اكبر
وهذا فعل ولو لم يكن وسواسي، لا بد تتركيه، لانه يضرك، ويفضي لك لتعب، خصوصا انك اعتدتيه لسنوات مثل ما ذكرتي، فالواجب عليك تجاه هذا الامر تتركيه، ولا تقفي عند المراة، ولا تمثلي، ولا تمكثي لساعات
مسالة التاكد من الاغراض في السيارة:
اذا خرجتي من السيارة اياك والعودة للتاكد، امضي سبيلك
مسالة الاحتياط في غسل كرسي الحمام:
اياك والاحتياط في غسله، اذا ما وجدتي بول لا تغسليه
دائما خذي الامور بكل رفق وهدوء، ولا تتوتري حينما يصيبك شيء ايا كان، اي شيء وايا كان، سهليه ويسريه، واجعليه بسيط وانك بامكانك تتخطيه، هذا بشكل عام في الوسواس وفي غيره
والحمد لله…
منتديات الخبير النفسي 2
موضوع: فضفضة واستفسار عن. قصتي 
