مااتذكر نفسي لما كنت طبيعيه

لي فتره اجاهد نفسي واتجاهل كل الافكار حتى لو مدري هي وسوسه او لا بسأل للي متعافين كيف كانت افكاركم ابي فكره عنها هي متحوره عن الدين بس ؟ مايهمني انا متجاهله متجاهله بس برضوا ودي اخذ فكره لان للاسف مااذكر اني قد كنت طبيعيه حتى يعني عالاقل اللي كان طبيعي يعرف يفرق انا للاسف ماقد كنت طبيعيه جاني الوسواس وانا صغيره مره حتى الآن فمعاد صرت اعرف ان حتى الافكار اللي ممكن تجي لاي بشر اتجاهلها وهي شي عادي ممكن وانا مدري الشعور صعب على النفس والله ماقد كنت طبيعيه مااذكر ولا جربت ولا عشت هالشي من غير اني كنت امر بأشياء تزيد الوسواس عندي فكانت افكاري اغلبها سلبيه اصلاً
انا ابيكم تعطوني امثله على ذي الأشياء الله يسعدكم عن افكار تجي بغير الدين الوضع صعب المجاهده صرت استصعب التجاهل التام بس استرسل مرات بالغلط ومرات عمداً لاني احسها افكار عاديه

اكرهه هالشعور لاني صدق اجاهد تصير مواقف عاديه واول مااشك انها شي عادي اناقش نفسي بفهم ثم اتفاجئ اني استرسلت وسرا الليل وحنا ماسرينا شعور خايس صرت مابي مشاعر غير عاديه حتى تدقيقي بفضل ربي معاد صرت اسمع له وقاعده اغصب نفسي اعيش طبيعيه زي غيري ولا افكر ابد ولا اتخيل ولا شي اعيش حياتي وبس ولا افكر لو صار كذا كيف بتصرف وهكذا الحمدلله مرا فرق بفضل ربي مع اني لي فتره بسيطه الحمدلله لكن مو مهم ذا المهم اني استمر واطلع بنتيجه عشان كذا انا منقهره ودي اتعامل مع كل شي تعامل واضح وافتك واخلص من كل شي صحيح اذا ناقشت نفسي مااستفيد بس مرات تكون افكار قويه مره ومب بالدين فاناقش بحاول افهم وش ابي وصدق تكون مو واضحه بعدين تتضح لي الحمدلله لكن اكتشف اني استرسل وممكن ذي تكون افكار وسواسيه بعد حتى لو هي مب بالدين وهذا شي يصدم اذا كانت ذي وساوس بعد كيف والوسواس يجي بالدين غالباً يعني معقوله جايني بأشياء ثانيه الله يعين

غيداء كتب:

اكرهه هالشعور لاني صدق اجاهد تصير مواقف عاديه واول مااشك انها شي عادي اناقش نفسي بفهم ثم اتفاجئ اني استرسلت وسرا الليل وحنا ماسرينا شعور خايس صرت مابي مشاعر غير عاديه حتى تدقيقي بفضل ربي معاد صرت اسمع له وقاعده اغصب نفسي اعيش طبيعيه زي غيري ولا افكر ابد ولا اتخيل ولا شي اعيش حياتي وبس ولا افكر لو صار كذا كيف بتصرف وهكذا الحمدلله مرا فرق بفضل ربي مع اني لي فتره بسيطه الحمدلله لكن مو مهم ذا المهم اني استمر واطلع بنتيجه عشان كذا انا منقهره ودي اتعامل مع كل شي تعامل واضح وافتك واخلص من كل شي صحيح اذا ناقشت نفسي مااستفيد بس مرات تكون افكار قويه مره ومب بالدين فاناقش بحاول افهم وش ابي وصدق تكون مو واضحه بعدين تتضح لي الحمدلله لكن اكتشف اني استرسل وممكن ذي تكون افكار وسواسيه بعد حتى لو هي مب بالدين وهذا شي يصدم اذا كانت ذي وساوس بعد كيف والوسواس يجي بالدين غالباً يعني معقوله جايني بأشياء ثانيه الله يعين

لا تحاولي الالمام بكل صغيرة وكبيرة بحجة انك تودين ااتصرف الصحيح، هذه امور لا داع لها ستزيدك تعقيدا
الوساوس كثيرة ومتنوعة
لا تلتفتي لاي منها ولا تسترسلي ولا تناقشي ابدا مهما قوى الموضوع

سيري في هذه الطريق دون تردد
ولا تضيقي على نفسك بما لا ينفعك

اكثر ما سينفعك هو انك تمشين حقا وتتجاهلين ما تعلمينه وسواس وما تشكين في كونه وسواس

في كل مره ادخل اقرا كلامك ياغيداء اتفاجئ انك ٩٩٪؜ نفس معاناتي حتى هذي بالضبط اللي ذكرتيها ومستمره مع ذلك في التجاهل،حالياً خلصت الصلاه وبكيت من كل قلبي لاني كنت كابته كثير وصابره كثير وخايفه كثير،عسى ربي يرحمنا برحمته ويبدل حالنا لاحسن حال، وعسى ربي يغفرلنا ويكتب اجرنا هذا كله ويصبرنا

امين امين والله يااختي دلال الافكار ماوقفت كل ماجاهدت نفسي تجي اشياء جديده مو سالفة اني مهتمه الفكره لي او لا لا بس لاني ودي افهم نفسي عرفتي شعوري احسه شي عادي بعدين تجي لحظة ادراك انه ممكن وسواس الله يعين خلاص انا صرت اعتمد الدعاء وبس خلاص اصلاً مافي مثل الدعاء بتبدين تفهمين نفسك وتتجاهلين وترتاحين

غيداء كتب:

امين امين والله يااختي دلال الافكار ماوقفت كل ماجاهدت نفسي تجي اشياء جديده مو سالفة اني مهتمه الفكره لي او لا لا بس لاني ودي افهم نفسي عرفتي شعوري احسه شي عادي بعدين تجي لحظة ادراك انه ممكن وسواس الله يعين خلاص انا صرت اعتمد الدعاء وبس خلاص اصلاً مافي مثل الدعاء بتبدين تفهمين نفسك وتتجاهلين وترتاحين

بالضبط انا نفسك بالضبط وصامله وماشيه ومطنشه مع شعوري بالضيق والالم والعصبيه والاستسلام، داخلياً هذا كله لكن خارجياً امثل كثير حتى لو كنت لحالي لان ماعاد به شي اقدر اسويه اكثر من كذا

والله صرت حتى ودي افكر باشياء حلوه واهتم فيها عشان تكون افكاري عباره عن ذي الاشياء وافك عمري لان الوضع غير طبيعي كل مافكرتي بشي من غير قصد جاك هجوم من الافكار على نفس الموضوع الحمدلله والشكر مدري وش اقول بصراحه لكن الوسواس اغث مرض بالحياة مااتوقع في اشد من هالابتلاء انك مو فاهمه لا مشاعرك ولا افكارك واذا بديتي تحسين انك طبيعيه صدقتي الافكار اللي يقالها طبيعيه اخر شي تنصدمين انك توك مريضه وماخلصتي من هالسيناريو الله يعين بس طفح الكيل والله الواحد يتحسن تحسن كبير ثم يرجع نقطة الصفر كأنه ماصار شي لدرجة وصلت مرحلة يااختي دلال مهما انجزت بحياتي اقول تراك ماسويت شي ! فعلاً ماسويت شي كيف تنجزين اشياء عاديه وتحسينها انجاز وتحسين حياتك بتصير كويسه وانتِ ماخلصتي من العائق الكبير اللي هو فعلاً بدون ماتتشافين منه انتِ محرومه من الحياة صح فلا تكذبين على نفسك يعني حتى الانجازات مالها طعم ولا احسها شي لين اتشافى ذيك الساعه ممكن احس فيها

بصراحه هالفتره جتني لحظة ادراك انه اكثر شي مؤلم فيه انك حتى بالاشياء الثانيه اللي تتطورين فيها بحياتك ماراح تحسين بالسعاده لين تنتهين من حياة الشقى ذي والله ياكثر ماتحسنت اشياء من زمان ابيها تتحسن وياكثر ماسويت وحطيت وسعيت ووصلت ولا اشوف هذي الاشياء شي لان الفرحه ناقصه الله يعين اتوقع اني بسوي اكبر حفله بالحياة لو خلصت منه من قوة انه شي يستحق الفرح بصراحه الله ييسرها يارب

اوووف ياغيداء ياريت نتشافى من هذا الوسواس انا متابعتك ودايما اقرأ مشكلتك الله يشافينه ويجي يوم ونكتب قصة شفائنا هنا بالمنتدى

امين امين