كيف تتخلص من انتقال الوسواس من مكان إلى آخر ؟!

"انا كنت بعت لحضرتك ع وسواس الشك انا قريت طرق العلاج وفعلا جابت نتيجه واتحسنت 4 ايام 
واقتنعت انه شيطان وهو للي بيخرب حياتي 
فجاءه رجعت تاني ليه 
من اقل موقف تافه ترجمه عقلي بالغلط 
انا خلااص بكره حياتي مع زوجي 
عاوزه اموت عشان اتخلص من التعب ده 
حاسه ان عقلي بيروح مني. وحياتي ضاعت 
وعندي مشكله اكبر ان عندي ولد بعمر السنتين 
نفسي امشي واسيبوه مع ابوه 
مش عارفه اعمل كده ليه
عاوزه اخلصهم من الجحيم بتاعي بردوا مش عارفه 
اانا جبانه حاولت اوصل للموت معرفتش
ليه ربنا سيبني  كده للشيطان يعذبني 
انا بصلي وبدعي وعملت عمره قبل رمضان وقولت خلاص هرجع كويسه 
بس ولا أثرت فيا وبفتح قراءن دايما وبردوا انا تعبانه 
بس لما بتعب بقطع  الصلاه والدعاء
حتي الحاجه الي تخليني اقرب من ربنا 
بحاول ابعد عنها
انا موافقه اتعذب 
بس ابني مشكله في حياتي 
لاعارفه اسيب ابوه عشان اتخلص من الشك 
ولا عارفه اسيبهم وامشي واريحهم من قرفي 
ولا عارفه ارعيه 
واي مساعده مبقتش بتجيب نتيجه معايا 
عاوزه حياه جديده ودنيا تانيه 
عاوزه امسح الفتره الي انا عايشها مش عارفه 
وتعبت من الم القولون وعضمي هيموتني 
ده غير المغص والضيق والتنميل 
ساعدوني انا اتحطمت بجد 
انا طول اليوم اعيط من غير دااعي 
عاوووووزه اموووت مش عارفه ازااي ?????
وهل لو اطلقت من زوجي الشك هيبعد عني ومش هيرجع لي تاني?? 
ع فكره هو راجل محترم وانا ع يقين انه كويس وبيراعي ربنا
لكن جوايا شخص تاني بيقولي لا ده بيخوني 
هو حاول يساعدني لكن فشل وبقي يقسي عليه وبقي يكرهني  ويحاول يضربني 
وده بيزود همي وتعبي 
 ببقي نفسي اقوله حقك عليه  وان ده غصب عني
بس مش بقدر
عاوزه اظبط نفسي تاني وابقي ع يقين انه بيتعب عشانا وبيحبنا 
ازااي ارجع افكر كده 
اززززززاي ؟؟؟
ساعدوني