استشارة بخصوص وسواس ( الغازات )

اتمنى ان يقرأ الخبير النفسي ويعطيني حل بارك الله في جهوده ..

أنا اذا جيت اتوضي يخرج مني شي مثل الريح وانا اعلم انه مايستاهل اني اعيد الوضوء من اجله لأنه يفرق عن الريح ذو الصوت والرائحه المعروفه

اسمع صوت وماله رآئحه بس مو مثل الريح المعروف كل ما جيت اتوضى يصير معي هالشي ويختلف من مرة لـ اخرى وآعيد وانقهههههر مره والله اني احزن وتغيرت علي الصلاة ؟هل اتجاهل المشكله واستمر في الضوء واحارب تأنيب الضمير اما اعيش ع هذا الحال اتوضئ ويبطل واعيد اتوضئ ويبطل واعيد وهكذا الى الموت والله الوضوء الصلاة مو مثل ماكنت عليه سابقاً..! الأن احس اني دقيقه ومريضه


ولدي سؤال : انا اذا جيت اصلي اغطي جسمي حتى لايظهر شي بس الجلال حق الصلاة (الغطاء يعني) لايمكن يغطي لابد ان يظهر شي مثل الذراعين من وتكون فتحة الغطاء من الأسفل والا الذراعين داخل الغطاء وفتحة الغطاء من الاسفل .. ( تأملوا كيف الدقه المتناهيه ..!!! الله المستعآن ..)

يعني لا لا يمكن تغطيه الجسم كامل لابد يظهر شي لابد لابد غصب عني ف يضيع الوقت وانا جالسة اعدل في الغطاء وانا اعلم يقيناً انه اذا كبرت لابد من يظهر شي والمراءة كلها عوره في الصلاة الا وجهها وكفيها وانا لابد يظهر شي غير الوجه والكفين غصب عني الغطاء لايمكن يغطي الجسد كامل ماعدا الوجه والكفين واذا جيت اكبر ظهر شي واعيد التكبيره وانا اتعب وانا اشوف النساء يصلون حتى لو كان غطاءهن مايغطي يصلن عادي الا انا احس اني متشدده ودقيقه لـ درجه القهر من نفسي ..نفسي اكبر ع طوول من دون الألتفات الا الغطاء لانه مهما حاولت فأن الغطاء ماراح يغطي وشريت غطاء جديد لكن نفس الحاله وانا تعبآنه لم اجد متعه الصلاة إطلاقاً احس اني اهتم بتغطيت جسدي اكثر من اهتمام بالخشوع وخسرت الثنتين لاانا اللي غطيت ولا انا اللي خشعت وقُبلت صلاتي ..

آآسفه ع الإطاله لكن هذا الواقع المؤلم ..

اختي اسال الله لنا ولكي الشفاء والعافية اذا كان غطاء الصلاة قصير فستبدليه بغطاء طويل وكبير يستر جسمك حتى ترتاحين

اختي ابتسامة بالنسبة للسؤال الاول توضئي مرة وصلي لا تلتفتي للفكرة الوسواسية مهما الحت عليك وانصحك بقراءة موضوع الغازات المثبت بهذا المنتدى .اما بالنسبة للغطاء لا تشددي على نفسك انظري سائر اخواتك المسلمات وافعلي مثلهن .اختي الحي بدعائك لوالد وعائلة السيد الخبير النفسي بالشفاء العاجل