السلام عليكم و رحمة الله و بركاته
أنا اعاني من وسواس الوضوء و الصلاه من أكثر من ١٠ سنين
هم والله هم :(
و كل ما أكبر سنه الوسواس يزيد و ييني من جانب ثاني
اتوضأ و اقول ما توضيت مع انه الماي مبلل وجهي و ايدي بس مجرد ما ينشف اقول انا ما توضيت
اكبر و احس ما كبرت
استيعذ من الشيطان و اقول البسمله و احس اني كنت اغني ( بتخبل والله )
اقرأ الفاتحه و اول ما اخلص منها اقول ما قريتها لاني ما كنت مركزه بلي اقوله فكري كله في الوسواس
اشك في عدد الركعات بشكل جنوني
و عند كل صلاه والله ما ابالغ لو اقول اني اعيد الصلاه الوحده في اليوم اكثر من مره
اصلي صح و انا ادري اني صليتها لكن مجرد ما اسلم اقول ما صليت كنت بس قاعده ع السجاده
و ارد اصليها و اذا خلصت و لفيت السجاده اقول انا ما صليت
انا متعوده عقب كل صلاه اقرا صفحات من القرآن
و الان هذا الشي صار وسواس
لاني اول ما اخلص من الصلاه و احمل المصحف
اقول انا ما صليت انا بس توضيت و ييت اقرا قران
والله الصلاه صارت هم و جهاد
الناس كلها تصلي عشان ترتاح
انا اصلي بصعوبه
اصلي لان ادري تارك الصلاه يؤثم .. و لكن ابد ما اخشع ولا ارتاح
و قسماً بالله تعبت
قريت فتاوي و شفت فيديوهات
و قريت و قريت
لكن ماشي اي فايده
قريت برنامج الخبير و ادري اللي اسويه غلط لازم اطنش و اتجاهل
بس وقت الصلاه اكون انسانه ثانيه
الحين و انا اكتب هذا الموضوع ادري انه هذا كله وسواس ١٠٠٪
لكن وقت الصلاه اضعف و اضعف و اضعف
شو الحل :( ؟