السلام عليكم و رحمة الله و بركاته
معقوله اني بتم طول حياتي موسوسه ؟
ليش مافي اي شي قام يأثر فيني
اقرأ فتاوى عن الوسواس اشوف فيديوهات الكل يقول طنشي و تجاهلي
و حتى في المنتدى البرنامج يقول التجاهل التام
انزين ليش انا مب قادره اتجاهل ؟
قبل كنت اذا قريت البرنامج اطبقه تقريباً يوم كامل
اما الحين اقرأ و لا كنه قريت .. ارجع اوسوس !
ادري كل اللي اسويه الله ما كلفنا اياه
لكن ليش مب قادره استوعب ؟ ليش احس اني اتعمد انقص ركعات الصلاه ؟
ليش احس اني اتعمد ما اتوضأ ؟
ليش احس اني اتعمد اكون على غير طهاره ؟
اقعد اشيل هم الصلاه ..
قبل موعد الصلاه احس اني يوم بيي وقت الصلاه ما بصليها صح
مع انه ادري ان هذا كله خرابيط من الشيطان
لكن ليش مب قادره اصدق ؟
تخيلوا اني صرت عند كل صلاه اصور فيديو ؟
بس علشان اكون مرتاحه ان عندي دليل !!
سؤال ؟ الحين الشخص الطبيعي اذا مثلا كان نايم و فاتته صلاة الظهر و قعد العصر شو يسوي ؟ يتوضأ و يصلي العصر و الظهر صح ؟؟
انا اتعب اذا فاتتني اي صلاه اخاف اكون ما جمعتها اخاف اخاف والله تعبت :(
من الحين شايله هم صلاة العشاء ليش ؟؟
لان في صوت فيني يقول انتي اذا ييتي تصلين العشاء ما بتصلينها صح بتصلينها ركعتين ؟
والله تعبت و أحس كلامي كلام شخص مجنون مش عاقل ..
مافي أمل أكون طبيعيه مثل كل الناس ؟ والله ازعل لما اشوف الناس تصلي بهدوء و ما تعيد