موضوع: أرجو المساعدة أحبتى فى الله .. 2011-08-14, 7:08 am
السلام عليكم و رحمة الله و بركاته أولاً أحب أشكركم شكر يعجز اللسان عن نطقه أو الأصابع عن كتابته أستفدت كتير جداً جداً من هذا الموقع و الكتاب و هذه هى حالتى .. ------------------------------------- أسمى محمود .. عندى 18 سنة .. بعانى من الوسواس من حوالى 8 سنين لفترة قريبة جداً كان الوسواس عندى شديد جدا و مسيطر عليا كليا تقريبا كنت بعمل حاجات معرفش أزاى كنت بصدق الوسواس و أعملها فعلاً مثال بسيط و و الله كان بيحصل معايا كتير جدا أبقى قاعد فى أمان الله .. فجأة يجى صوت فى دماغى يقولى (( قوم أجرى )) !!! طبعاً الطبيعى لأى أنسان يقوم رافض طبعاً .. لكن الوسواس يقوم قايلى (( لو منفذتش اللى بقوله حقتلك حد أنت بتحبه )) !! طبعاً فى ناس كتير حتقول أزاى كنت بصدق حاجة زى ديه .. لكن و الله اللى بيبقى موسوس مبيبقاش حاسس أصلاً أنه موسوس عشان كده بيعمل حاجات مبيعرفش هو بيعملها ليه ! المهم .. شوفت ( بالصدفة و الحمد لله ) فيديو لعالم دينى .. هو اللى نورنى .. ساعتها عرفت أن ده وسواس و كل حاجة أتضحتلى و من ساعتها قررت أنى منفذش و لا كلمة من اللى بيقولى الوسواس عليها .. و فعلاً و الحمد لله نجحت و أتخصلت من عبىء كبير على قلبى لكن للأسف .. لم تكتمل الفرحة ! تخلصت من الجزء الأول فقط الخاص بالأوامر الغريبة لكن بقى جزء كبير فى شخصيتى بقيت حاسس أنى شخصيتين فى جسد واحد .. و ياريت كده و بس ده شرح المشكلة بأختصار : الشخصية الأولى : ببقى على طبيبعتى و مفيش أى مشاكل و بهزر و بضحك و كله تمام لكن للأسف الشخصية ديه مش بتظهر الا مع ناس قليلين جدا جدا الشخصية الثانية : و هى الغالبة .. فى معظم الأوقات ساكت منطوى معنديش جرأة على الكلام بحس أن فى قيود على رقبتى .. ببقى عكس نفسى تماماً و الأغرب من كده بقى ايه ؟! لو معايا مثلا واحد من اللى بيخلى الشخصية الكويسة تتطلع ببقى كويس مع كل الناس بمجرد رحيل هذا الشخص أرجع للشخصية السيئة و الله كأنه مثلا أما بييجى شخص من اللى بيخلى الشخصية الكويسة تتطلع .. بيرجعنى للحياة و بمجرد رحيله .. أرجع بلا روح مجدداً فما الحل أخوانى الكرام ؟؟ مع العلم انى مبقتش عارف أعيش !! حياتى بقت عذاب و مبقتش عارف أتعامل مع حد بأنتظاركم و شكراً مقدماً
الخبير النفسي٢
صاحب المنتدى
معلومات إضافية
عدد المساهمات : 1267
تاريخ التسجيل : 16/03/2008
تعليقك : عجبت لمن يتهرب من دفع فاتورة المواجهة مع الوسواس مع أنها أقل كثيرا من فاتورة الانسحاب !!
موضوع: رد: أرجو المساعدة أحبتى فى الله .. 2011-08-15, 3:06 pm
اخي الكريم شفاه الله وعافاه ..
علاج الوسواس لا بد ان يكون بطريقة صحيحة حتى لا تحدث أعراض غريبه .
وفي الحقيقة انا لا أعلم عن الطريقة التي طبقتها سابقا ولا أعلم عن مدى فعاليتها أو خطورتها على المدى البعيد . ولكني أنصحك بتطبيق برنامجنا العلاجي فهو آمن بإذن الله وقد طبقه اكثر من 150 ألف إنسان على مدى 7 سنوات واتى بنتائج كبيرة جدا والحمد لله .
غربة مشاعر
عضو دعم
معلومات إضافية
عدد المساهمات : 438
تاريخ التسجيل : 25/12/2010
موضوع: رد: أرجو المساعدة أحبتى فى الله .. 2011-08-15, 3:49 pm
اخي وصلت للطريق الصحيح.. ومثل ماقال اخونا الخبير ننصحك بتطبيق البرنامج العلاجي فهوآمن....الخ والحمدلله انك عرفت انه وسواس لااكثر..وبعد قرائتك للبرنامج رح يتبين لك اشياء ماكنت تعرفها عن الوسواس ورح يزيد اطمئنانك لهالشي باذن الله.. بل عند قرائتك له تكون قد حصلت على 50% من الشفاء بحول من الله وقوته.. وسارع بالتطبيق والتقييم اليومي وسنكون من المتابعين لحالتك وتقييمك.. والله الموفق
Mahmoud
عضو جديد
معلومات إضافية
عدد المساهمات : 2
تاريخ التسجيل : 14/08/2011
موضوع: رد: أرجو المساعدة أحبتى فى الله .. 2011-08-15, 6:41 pm
أنا بالفعل قريت الكتاب بالكامل و الحمد لله أستفدت منه كتير جداً أمبارح كان أول تجربة ليا بعد تطبيق العلاج بالكامل و بالفعل فى تحسن كبير جداً واضح ليا و للناس مش عارف أشكر صاحب الكتاب ده قد أيه ربنا يجزيك كل خير و يجعله فى ميزان حسناتك