موضوع: هل انا مشركة بالله والعياذ بالله 2016-07-31, 5:54 am
انا البارحة كنت أدور عن فتوى سهلة علي وانا اتصفح لقيت فتوى سهلت علي هذا الامر وفرحت كثيرا ودعيت لهم وانا في نص الدعاء جاني كلام مدري هو مني او من الوسواس لا أستطيع قوله لانه افتراء على الله جل جلاله ولا ادري اما زلت صريحة إيمان ام لا تعبت اخاف اني أصبحت مشركة وإني اعبد غير الله بسبب هذا الكلام الذي فكرت به ليتني مت قبل ان افكر بهذاالكلام ارجو ان يرد علي احد لم أنم جيدا بسبب ما حصل اخاف ان ربي غضب علي وان ليس هنالك توبة لي استغفرالله ربي اغفرلي ذنبي هذا يا غفور يا رحيم والله تعبت وهذا لا ني لا اطبق البرنامج تماما لان التجاهل غلط وأتناقش في بعض الأحيان لا ادري ماذا افعل فأنا تعودت على هذا
محسنة الظن بربها
عضو مجتهد
معلومات إضافية
عدد المساهمات : 168
تاريخ التسجيل : 03/06/2016
تعليقك : كن قويا واعلم دائما ان الله معك
موضوع: رد: هل انا مشركة بالله والعياذ بالله 2016-07-31, 6:31 am
مشكلتي ان في أفكار احس انها مني ولم تجيني اقعد اتوب منها واستغفر ماني مقتنعة انها وسواس اخاف اني اذا مت ولم اتب سأدخل النار تعبت أبغى أعيش زي الناس اعبد ربي بهدوء وطمئنينة طول فترة الوسواس احس بأن راسي بينفجر وأحس صدري تعب من كثرها صح انها اقل من قبل بس تأثيرها علي صار اسوء
محسنة الظن بربها
عضو مجتهد
معلومات إضافية
عدد المساهمات : 168
تاريخ التسجيل : 03/06/2016
تعليقك : كن قويا واعلم دائما ان الله معك
موضوع: رد: هل انا مشركة بالله والعياذ بالله 2016-07-31, 6:38 am
مادري كيف أوقف نفسي عن الرد على الوسواس كلما احاول أتجاهل أرد واذا فرحت لو فرحة بسيطة يجي نهاية اليوم وتجيني وسواس كفر وأحزن ولا اقدر انام من قوة التفكير والحزن الحين افكر لو اني مطوعنة مئة مرة الين الموت احسن من اني افكر بهذا الافكار استغفرالله اللهم لا اعتراض وانا دائما افكر كيف الصاحبة رضي الله عنهم تخلصوا من الوسواس وعاشوا طبيعي ومشكلتي بعد اني اقدر اشجع غيري بس نفسي احطمها وما اقدر أشجعها ولكن بعد ذَا الكلام كله الله هو املي الوحيد هو القادر على شفائي وموقنة ان ربي كاتب لي شي يفرحني بعد التعب هذا يارب فرج همومنا واكتب لنا فرحة تدمع اعيننا منها
والذي لا يجعلني أتجاهل الفكرة ان ربي يجعلني أكون كذالك استغفر الله كيف افكر بك هكذا يارب انا موقنة بأن الله سيشفيني في وقت ما لكن مازلت في صراع مع نفسي هل انا مؤمنة ام كافرة لا ادري اذا لم يرد علي فأنا كذلك يارب انك الرحمن الرحيم فارحمنا برحمتك الواسعة واجعلنا من عبادك المتقين
الفكرة هي انني كما ذكرت في اول تعليق عندما كنت ادعو لهم اتتني فكرة بأن لو اقدر عبدتهم استغفر الله. مدري ليه جتني !! اللهم اني ظلمت نفسي ظلما كثيرا ولا يغفر الذنوب إلا انت فاغفر لي مغفرة من عندك وارحمني انك انت الغفور الرحيم
موضوع: رد: هل انا مشركة بالله والعياذ بالله 2016-08-03, 2:32 am
بسم الله
السلام عليكم اختي هذا السؤال خطأ كبير منك ارجو ان تحذفيه
وان هذا هو منتهي الوسواس لن ياتيكي وسواس اكبر من هذا فقد قارب شيطانك علي الانهيار الكامل وسوف نهنأكي قريبا بالشفاء التام ان شاء الله تعالي
الاول احنا بنستعين بالله بسم الله استعانة بالله معناها ابدأ وأتبرك بسم الله واتبرأمن حولي وقوتي واستعين بحول الله وقوته
قبل اي شئ بتعمليه قولي بسم الله هتقعدي قولي بسم الله هتقفي قولي بسم الله هتنامي قولي بسم الله تنبيه خدي بالك متنسيش متنسيش قبل فعل اي شئ
قولي بسم الله وخلي بالك ان انتي استرسلتي كتير اوي مع الشيطان وكتبتي عنوان لموضوعك خطير جدا عليكي منه يفهم الشيطان انك تجاوبتي وقبلتي
منه وزمانه بيضحك ويقول في حد يصدق كذوب ويروح للشياطين اللي اكبر منه ويقولهم شفتو انا انجزت ايه وطبعا هيكفئوه فهيرجع تاني عشان يحقق هدف اكبر وياخد مكافئه اكبر لا يا اختي انا مش موافقك علي عنوان الموضوع ده ابدا
كان من الواجب عليكي قبل متسترسلي تقولي اعوذ بالله السميع العليم من الشيطان الرجيم من همزه ونفخه ونفثه
امنت بالله هو الاول والاخر والظاهر والباطن وهو بكل شئ عليم
وتقولي للشيطان كذبت بصوت منخفض جدا ميلحظوش حد جنبك قولي للشيطان كذبت والشيطان هيعرف انك تقصديه وهيسمعها
فيفهم انك حسيتي بيه وبوجوده وانك مندمجتيش مع الخواطر السيئه الي القاها في قلبك ربنا اخبرنا عن الشيطان في القرءان وقال
انما يأمركم بالسوء والفحشاء وان تقولو علي الله ما لا تعلمون انتي ارمي كل الخواطر دي علي الشيطان واوعي تشك لحظه واحده
وتقولي وتسالي هيا الخواطر دي مني ولا من الشيطان ديما خلي الخواطر دي في قلبك متخرجيهاش بره ابدا واصبري ولو انتي
لازم تشتكي اشتكي لربنا شايفه الكلام اللي انتي كتبتيه دا كله قوليه لربنا وحده واقرئي قول الله انما اشكو بثي وحزني الي الله
خدي بالك الشيطان هيضغط عليكي اوي علشان تقولي ويقولك فضفضي طلعي اللي جواكي يمكن حد يساعدك هترتاحي لما تفضفضي
وانتي عارفه يقينا ان الشيطان كذوب النبي صل الله عليه وسلم قال ل ابو هريرة رضي الله عنه في حديث لما كان واقف علي الزكاة فكراه قاله صدقك وهو كذوب هتفضفضي اكتر تتعبي اكتر وانتي مش ناقصه زيحي النجس ده من طريقك
نيجي بقه لحكاية الخوف لاني متاكد 100 في الميه ان الي خلاكي تكتبي العنوان ده هو ان الشيطان ضغط عليكي بكارت الارهاب اخر كارت عنده
تعرفي لو كنتي صبرتي شويه صغيرين بس كان زمانك خبطيه في نص دماغه ضربه قاضيه لكن معليش قولي انا لله وانا اليه راجعون
اللهم اجرني في مصيبتي واخلف لي خيرا منها انتي خلاص قربتي تضربي ضربتك القاضيه لان الوسواس ده اخر حاجه النهايه للشيطان
عشان كده النبي عليه الصلاة والسلام قال فليستعذ بالله ولينتهي لان دي اخر حاجه خلاص في الايه هو الاول والاخر والظاهر والباطن وهو بكل شئ عليم
عارفه ليه اغلب الناس بتخاف من خواطر الشيطان يعني اللي تلاقيه خايف علي عقله ليتجنن واللي خايف من الموت واللي خايف من المرض واللي خايف
وشاكك في الرزق واللي خايف علي اخوه واللي خايف علي عياله وحجات كتير اوي عارفه ايه السبب السبب هو حضور الشيطان مجيئه اتيانه
في ناس بتحلم احلام مزعجه عارفه دي عباره عن ايه وساوس من الشيطان زي مبيوسوس وانتي صاحيه بيوسوس وانتي نايمه بس بيبقي صوت وصوره
في النوم لكن الشعور واحد في النوم وفي اليقظه الخوف ده الصنم اللي لازم تحطميه انتي وغيرك صنم صنم كبير لكن من عجوي عارفه قريش لما كانو
بيعملو اصنام من عجوي ويقولو عليها الهه ولما يجوعو يكلوها الخوف صنم عجوي ممكن حد يضحك عليه صح لكن مش مشكله المهم ناكل العجوي
ونشرب وراها ميه ونتقرع كمان لابد من تحطيم صنم العجوي ليه بقي انت خايفه علي ايمانك ليضيع والرب سبحانه بيقول وما كان الله ليضيع ايمانكم
معني تصديق الشيطان تكذيب الرسول عياذا بالله هو الشيطان عايزك تصدقيه وتقبلي منه عشان تبقي كذبتي الرسول عليه الصلاة والسلام عياذا بالله فتحصل الارادة الكونية القدرية لله بخلق الخوف جواكي الرب سبحانه قال ذالكم الشيطان يخوف اوليائه اثبت ان الشيطان يستطيع اخافتك لاكن اللي بيخلق الخوف هو الله رب العالمين الله خالق كل فاعل وما فعل معني كده ايه حضور الملك القرين معناه فرار الشيطان القرين اللي بسبب وجوده الرب سبحانه بيخلق الخوف اهانة للشيطان بحضور الملك القرين بيخلق الرب سبحانه الطمئنينه اللي هيا عكس الخوف اللي معنها الامن والسكينه اكرام منه سبحانه للملك القرين
تمام اوي كده في الايه الرب سبحانه بيقول ذالكم الشيطان يخوف اوليائه فلا تخافوهم وخافوني ان كنتم مؤمنين علاج الخوف او الاحساس المقرف اللي بيجي بالخوف هو خوف تاني هوالخوف من الله رب العالمين بس ده خوف عشان مضرش نفسك الخوف ده بيمنعك من انك تضر نفسك ما احسن هذا الخوف مع حضور الملك القرين دلوقتي وصلت الرسالة اللي انا عايز اوصلهالك ايوه هيا دي اللي وصلتك الخوف عبادة لله لا يجب صرفها الا لله وحده
افهمني كويس كل حاجه بتتكتب الاحاسيس والمشاعر والهم والمشيئه والاراده والعزيمه كل ده بيتكتب وان عليكم لحافظين كراما كاتبين يعلمون ما تفعلون
وقولك حاجه انت كمان يالي بتخاف من الموت مسئلتش نفسك ليه لما انت بتتكلم عن الموت مبتحسش باحساس الخوف المقرف ليه لما حد بيتكلم عن
الموت صاحبك اخوك ابوك او حتي الدكتور الملحد بتاع علم النفس اللي الشيخ بتاعه فرويد اليهودي اللي انت مش عايز تسيبه لما بيكلموك عن الموت مبتحسش احساس الخوف المقرف ليه بتسمع عن حوادث موت في التلفزيون وفي الراديو في كل مكان وبرده يا اخي متحسش احساس الخوف المقرف
اسئله بتطرح نفسها بس انت مكبر دماغك لكن الحقيقه اللي مفيهاش ذرة شك ان صدور الفكرة من الشيطان هو سبب الاحساس المقرف ده عشان كده اسمها وسواس معادله خاطر او فكرة + حضور الشيطان= احساس بالخوف مقرف ومزعج دا مثلث لو فقد ضلع المعادله والنتيجه تختل
وانت وشطارتك بقي قرئت سورة المعارج اقرئها وافهمها وطبقها بقلبك ولسانك وجوارحك
وكل اللي في الموقع ده بيوصلو رساله للانجاس ان احنا هناكل صنم العجوي وهنطحنه بضروسنا وهنشرب ميه وراه وهنتقرع ولا مؤخذه بقي انتو عارفين الباقي
معليش اني طولت في الرد بس دا عشان بحب كل الناس الي في الموقع بحبكم في الله
موضوع: رد: هل انا مشركة بالله والعياذ بالله 2016-08-03, 4:02 am
بسم الله
بالنسبة للتفريق بين الخواطر والافكار بنسال كتير اوي هي الفكره دي او الخاطر ده جي مني انا من نفسي يعني ولا من الشيطان
وكيف افرق بينهما في كتير من العلماء سكتو متكلموش في الموضوع ده او موضحوش اوي وفي علماء اتكلمو لكن انا راجل عامي عايز السهل
وعايز افهم بسرعه خلي بالك الخاطر الي من النفس لاصق فيه الشهوة يعني لازم اي فكرة مصدرها النفس يبقي لازم يكون معاها شهوة واي فكرة
من الشيطان لازم يكون معاها شبهة مثال توضيحي الفكرة اللي مصدرها النفس اقصد بالنفس هنا الامارة بالسوء الفكره دي عامله زي العسل اللي
فيه سم تتزوقه تقول طعمه حلو لكن فيه سم منتش حاسس بمرارته من حلاوة العسل اما الشبهة مثل عصارة صبار وكمان في سم
يعني ايه لو انت جيلك خواطر من النفس الامارة بالسوء مكنتش اصلا هتبقي في المنتدي ده لا كنت هتبقي في منتدي الشاتات والاغنيات والملذات والمهلبيات
والسكينه تبقي سرقاك علي راي المثل ونقولك متعرضش نفسك وجنب نفسك المهالك وانت تقول طيب خليني انهارده طيب بكره انما انت اللي دخلت المنتدي ده وسئلت عن علاج ونفسك تتخلص من النجس الشيطان الوسواس ليه لان دي شبهة مش شهوة الشبهة فيها الم مش لذه زي الشهوة
انت ديما بتشتكي من الالم مش من اللذة صح والالم والشبهة والوسواس والخوف كل ده نتيجه لحضور الشيطان ومجيئه انا معرفش الكيفيه
بيوسوس ازاي بيجي ازاي معرفش مشفتهوش انما انا عارف المعني وسوسه يعني الم خوف شبهة وجود شيطان يجب طرده بذكر الله ربنا سماه الخناس
يعني بيتاخر ويهرب عند ذكر الله انت بقي قولي هات الدليل من الكتاب والسنه والا مش هصدق واحد زيك اقولك عندك حق انت عجبتني
وانا هقولك دليل ان الشهوات اللي هيا وساوس النفس الاماره بالسوء اللي فيها اسراف او تقتير افراط او تفريط لكن الوسط فيها ميضرنيش ينفعني
يقول الرب سبحانه زين للناس حب الشهوات من النساء والبنين والقناطير المقنطرة من الذهب والفضه والخيل المسومة والانعام والحرث
سبعه طبعا لو انت اتجوزت تبقي وسط زنيت تبقي افرطت وفرطت واسرفت واقترت واستوجبت الحد صح اذا الاولاد والمال والفلوس والجاه والاراضي كانت لهو وشغلتك عن ذكر الله اعرف ان دي وسوسه من النفس الاماره وباشتراك من اللعين
وطبعا الحجات دي مش بتشتكي منها لا دي بتسرقك بسبب حلاوتها اللي هو التزيين
ثانيا الشبهات اللي جيه من الشيطان يقول الرب سبحانه انما يامركم بالسوء والفحشاء وان تقولوا علي الله ما لا تعلمون
كلها خواطر مفيهاش لذه ولا تزيين فيها الم فيها شبهة عشان كده انت بنفسك بتتقرف منها لانها سببها الشيطان وبتبحث بنفسك بكل ما اوتيت من قوة
عن علاج ليها انت عايز حاجتين صبر تدفع بيه الشهوة ويقين تدفع بيه الشبهة وانا يلزمني هنا اتكلم عن اليقين ولان الشك عكس اليقين
والشك بيجي عن طريق الجهل لازم نتكلم بصراحه عشان نوصل لنتيجة صح في علماء قالو ممكن يكون علي سبيل الزجر لكن انا هنا معاكو بنتكلم عننا احنا العلماء دول قالو ان سبب الوسواس جهل بالدين او خبل في العقل انا بقول ان اللي فينا احنا ده جهل بالدين ممكن واحد يكون شيخ او عالم ويقولي انا مش جاهل بالدين لا انت جاهل ببعض امور الدين لكن الشيطان يستطيع خداع العالم عن طريق انه يوهمه انه وصل لدرجة انه مش محتاج لاي حد
عارف ان اللي هيجي في دماغك دلوقت الصحابه رضي الله عنهم صح
تعالي نشوف عثمان ابن ابي العاص رضي الله عنه كان عارف انه شيطان وسئل النبي فرد عليه وقاله العلاج وبعد منفذ العلاج قال اذهبه الله عني يعني مكنش يعرف بس لما عرف انتهي الموضوع وانتهي الشيطان ممكن تقولي اصل دول صحابه مفيش مقارنه خالص
لكن النبي عليه الصلاة والسلام قال عليكم بسنتي وسنة الخلفاء الراشدين المهديين تمسكو بها وعضو عليها بالنواجز ودا امر من النبي عليه الصلاة والسلام
يعني لو التزمت بالحديث ده يبقي برده انتهي الموضوع وانتهي الشيطان
اخر حاجه
الرب سبحانه عرفنا بنفسه عن طريق الرسل قال تعالي وَمَا كَانَ لِبَشَرٍ أَن يُكَلِّمَهُ اللَّهُ إِلَّا وَحْيًا أَوْ مِن وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ ۚ إِنَّهُ عَلِيٌّ حَكِيمٌ
الشيطان عايزك تطلبي العلم المفقود تطلبي المحال عشان يفضل معاكي طول عمرك انتهي الكلام وانتي ادري باللي ينفعك
سبحانك اللهم وبحمد اشهد ان لا اله الا انت استغفرك واتوب اليك