كبسولتين مضاد حيوي سريع المفعول للمصريين المبتدئين

السلام عليكم ورحمة الله وبركاته

هقولك قاعدتين في اول قصتك مع الشفاء
القاعدة الاولي
هي التصنع واذا معرفتش تتصنع  استصنع صيغة مبالغة في التصنع  هشرحلك بسهوله جدا


اذا معرفتش تتجاهل تصنع التجاهل  هيجي الشيطان يقولك انت بتمثل انك مش متأثر بتمثل انك مش مهتم بتمثل انك سعيد ومبسوط

في حد في الدنيا تيجي الافكار دي  كلها في دماغه ويبتسم ويطمن انت اكيد بتمثل وانت في الحاله دي اذا اتأثرت يعني مثلا  وشك احمر

حصلك رعشه حصلك ارتباك حصلك لخبطه  استصنع التجاهل  وتصنع اتقان التجاهل انتبه في فرق بين التصنع والاستصناع عارف زي ايه زي لما اقولك اتحمل وبعدين تقول اتحملت كتير اوي اكتر مما تتخيل فانا اقولك استحمل

فانت تقولي استحملت كتير فانا اقولك استحمل حبه فانت تقول  استحملت والله استحملت كتير فانا اقولك استحمل وتعال علي نفسك حبتين  هيجي الشيطان لعنه الله هيقولك  انت بتبتسم رغم كل ده

انت بتبتسم ليه انت عبيط اهبل انت اهطل في حد يبتسم ومن جواه اسود كده ومن جواه افكار زباله كده دا انت جاحد  وانت في الحاله دي واتاثرت  وحزنت وبان علي وشك الغضب واعراضه

ف ابتسم واتبسم واستبسم  هتقول  في نفسك صعب جدا انا كده بضحك علي نفسي اقولك الجمله دي لو قولتها اعرف وتأكد تماما انها مش منك انت انما هيا من الشيطان تكلم علي لسانك هتقولي مش معقول

لو قولتلي مش معقول يبقي انت استرسلت مع الشيطان خلاصة القاعدة  مثل من التمثيل  اتصنع من التصنع استجهل من التجاهل  في اول الامر هتحس انك بتمثل ودا المطلوب تعيش احساس التمثيل فعلا لكن مع الاستمرار

هتبقي حقيقه يا بن الحلال اصلا الشيطان مثل عليك في الاول وانت هتستعمل الخدعه دي ضده  التمثيل  مثل لحد متقلب بجد  واصبر علي التمثيل وبكده يبقي انت امتثلت للشفاء  دي اول قاعده

القاعدة الثانية 

اذا كنت ضعيف اظهر القوة اظهر نقاط قوتك وداري واخفي نقاط ضعفك  اذا مكنش عندك قوة ودا مستحيل  استقوي  يعني اتقوي من القوة  تصنع واستصنع  ومثل انك قوي  والله انا مش بتفزلك ولا بسرح بيك ولا بهرتل بالكلام

لكن بقولك جرب مش هتخسر حاجه ولما تجرب هتقول فعلا كان عنده حق وانا اللي استعجلت في الحكم عليه ولما تمثل اتقن التمثيل اتقنه من الاتقان عايزك تتقنها وتبقي تقنها اوي  لما تكون تعبان وحاسس انك مغلوب و فاقد السيطرة

البس اه ايوه البس نضيف اتشيك خلي هدومك نضيفه اوي واتأمع واتزين خلي الهيئه ملفته للنظر حط ريحة حلوه اتبرفن متهملش دي من اهم النصائح  بس احذر اوي من الحريم خاف منهم في نسوان مثل الشياطين  بل اقوي  فانا بحذرك وبلفت نظرك بس لو انت متعود علي لبس معين متغيروش فجأه

يعني مثلا مش مره واحده تطلق لحيتك وتقصر ثوبك واحده واحده  يا صحبي بالتدريج عشان متلفتش نظر العدو  انت بتلبس قميص وبنطلون شيك عالموضه زي اغلب الناس زي العادة بتاعة البلد اللي انت عايش فيها  قرية مدينه ايا كان

اغلب المصريين علي المذهب الصوفي فالعادات والتقاليد هنا متغيره ومختلفه يعني ممكن تلاقي تصادم كبير بين الافكار واللي انت هتوصله  فمتحكمش بالغالب الاعم الحكم هنا مختلف مش بالكثره  متهتمش بحكم الغالبيه الصوفيه

ولانهم بيعشقو الصور ومهتمين جدا بالصور والشكل فانت ستنال الاحترام بمجرد النظر  وهتتقي شر الاحمق السفيه اللي كل اهتمامه منصب علي الشكل والمظهر سواء رجل او امرأة  واعرف ان مفيش فرق بين الشياطين

ذكور او اناث انت مثلا لو  بيهاجمك ذئب هل هيفرق اذا كان الذئب ذكر او انثي مش هتفرق  افهمني كويس اوي انت مثل الاسد الجريح وحواليه مجموعة من الكلاب  متجرئين عليه علشان

شيفين جرحك اللي بينزف و اللي نتيجته ضعفك  وهزيمتك  فمتستغربش انهم ملازمينك وهي برده زي الغزالة المجروحة هيا نجاتها في سرعتها اما انت ف مينفعكش السرعة  وعيب اوي لما اسد يجري ادام شوية كلاب ولاحظ الجرح اللي فيك مينفعش فيه سرعه من الاخر السرعة مش هتنفع صدقني

مينفعش تخرج من الدايره دي الا بالتدريج ف متستعجلش الشفاء لان العجلة من الشيطان عايز انبهك علي حاجه مهمه قبل ما اختم  لما تيجي تنام وانت مش عارف تنام الفكر شغلك والوسواس شديد قبل النوم  وهو جيلك قبل النوم عشان لما   تصحي من النوم تبقي طول

اليوم مش مركز  لانك مخدتش كفايتك من النوم وهو بيجي الوسواس قبل النوم مباشرة ولما تصحي من النوم مباشرة  طبعا عشان انت مبتبقاش مركز اوي  فخلي بالك من الوقتين دول  وزي مقولتلك مثل مثل ودا بيحصل في الاول بس  يعني غمض عنيك

واعمل نفسك نايم ومثل واندمج في التمثيل حتي لو منمتش حتي لو حاسس انك لسه صاحي المهم تغمض عنيك وتمثل انك نايم  وتندمج مهما بلغ بيك الفكر والوسواس والتخويف والتحزين   متفتحش عنيك كمان خد بالك من  الاكل متهملش حتي لو حسيت ان ملكش نفس للاكل

نهائي  اجبر نفسك علي الاكل حتي لو محستش بطعم الاكل مثل  من التمثيل انك مستمتع بالاكل   وامضغ الاكل ببطأ  واتأني  مثلا لو بتاكل  رغيف  عيش في العاده   كل ثلث الرغيف  بتاكل طبق ارز في العادة كل ثلث الطبق  كمية الارز اللي هتاكلها ثلث اللي في الطبق ثلث الاكل  عامة من التثليث والشرب  متهتمش بالوجبات العادية كل لما تجوع ان شالله تاكل خمس مرات في اليوم عادي  عشان نفسك يبقي طويل اكسجين كفايه معناه نشاط كفايه يبقي تركيزك عالي

  هتاكل كتير هتنام كتير تركيزك هيقل  وزنك هيزيد  والكسل يزيد وتبقي عرضه للكلاب وانا عايزك تبقي مركز وفايق  الكلاب  عايزه تنهشك يا صحبي متهربش و متغفلش لما تيجي تاكل كل عالارض متاكلش عالسفره افرش رجلك اليمين واعد عليها وانصب رجلك اليسار وساعة مرجلك توجعك قوم من عالاكل عشان وزنك

يخف حاول تصوم ثلاثة ايام من كل شهر  متنساش المظهر لابد منه خليك وسط لا تبقي سمين ولا نحيف متهملش  مظهرك هيدافع عنك من غير متتعب لكن متلبسش حاجه منهي عنها وزي مبيقولو في المثل كل اللي يعجبك والبس اللي يعجب الناس  

دي قاعدتين  في البداية خد بالك منهم وانا بدعيلك بالشفاء الذي لا يغادر سقما

سبحانك اللهم وبحمدك اشهد ان لا اله الا انت استغفرك واتوب اليك