مرحبًا مساؤكم خير
اول ببدا اسرد مشكلتي وااتمنى تساعدوني
1- انا كان عندي وسواس الخوف من الموت من اربع سنوات اخذت دورة هنا وتحسنت لكن مُش نهائي انا مشكلتي ايش؟
اتحسن بس استرسل واشكي للناس احس تعودت ع هالشي لدرجة اتفه الامور صرت اوسوس فيها زي ردات فعلي احساسي وهكذا الخ....
2- الخوف من المرض لو تجيني نزلة برد او صداع الم بالراس علطول ابحث عنه واسال الناس عنه وابثر امي فيه
3-الفراغ عندي قاتل واحيانا اخاف من سرعة الوقت والايام ومدري شنو احنا مانطلع كثير ولو قلت بنطلع محد يعطيني وجه حته اخر مرهه سافرنا يوم كنت بزر واكرهه قعدت البيت مرره من كثر الافكار والطفش
4- عارفه الاجابة بتقولون تجاهلي؟ انا اتجاهل بس مو مقتنعه زي لما اتعب تعب بسيط ويوسوس انه تعبك جديد وماعرفتي له وووو وطول مثلا الم راسك ايام وماتقدرين تروحين المستشفى واكيد خطير احس اقتنع بكلامه وما اقدر اتجاهل واحيانا ابكي اذا تعبت
5- يعني الحين احس بتحسن عن اول لكن خلااص ابيه يروح نهائي مرهه + اذا جيت انام اخاف بس مو خوف قوي يعني اخاف بس مو مرهه يعني ما احس استانس زي الناس من الخوف
6- هذا اكثر شي يقهرني من جد واقعد بتانيب ضمير واحتقر نفسي حيل ، مرات يذكرني بمعاصي سويتها من قبل وتركتها اقعد اقول كيف كنت اسويها كيف وكيف وانا حقيره ومن هالحكي + يذكرنني بماضي افعال طايشه يوم كنت بالمتوسط واخاف حيل
7- اخر شي اذا جيت بمواقع التواصل ارد احيانا اخاف ارد او اسولف مع احد حته بالانستقرام احيانا من الخوف اخليه مقفل
اسفه ع الاطاله بس انا متحسنه بس مو كثير احتاج مساعده كيف اتخلصه منه نهائي واعيش وانا استمتع بحياتي مابي ااصيير احذر منه لدرجه المرره بزيادهه لا مدري كيف اشرح يعني مابي اخاف من رجوعه؟ ابي زي الناس الطبيعين
وشكرًا اتمنى من الخبراء يردون
منتديات الخبير النفسي 2
موضوع: استشاره بخصوص وسواس الافكار 
