السلام عليكم يا حج احمد
اسمعني كويس مفيش حد في الدنيا دي كلها يقدر يتحرك مجرد حركة شوف بقولك ايه مجرد حركة الا بعقيدة و من امحل المحال انك تكون صفر في العقيدة
انت مرحتش تحج الا بعقيدة ف ارجو منك انك متهولش وتبالغ اوي كده وتقول انا صفر في العقيدة لكن ممكن تقول انا محتاج اتعلم اكتر في باب العقيدة الصحيحة
نصيحتي اول لما تحس ان الوسواس هيجيلك والافكار هتبدأ تتوارد بالاحساس اللي عندك وانت خبره دلوقت قل اعوذ بالله من الشيطان امنت بالله هو الاول والاخر والظاهر والباطن وهو بكل شئ عليم دا اولا متستناش لما الافكار تيجي وتبدأ تتفاعل معاها لا انا عايزك من اول احساس بالوسواس تستعيذ مباشرة
بعد كده المطلوب هو الصبر والثبات علي الطاعة وانت دلوقت في طاعة اللي هيا الحج صح وربنا سبحانه بيقول (انما يتقبل الله من المتقين )
و عدم استجابتك للوسواس من تقوي الله عز وجل استمر واكمل النسك من غير وسوسه استعن بالله واصبر وقل اللهم يا ولي الاسلام واهله ثبتني حتي القاك
اللهم مصرف القلوب والابصار صرف قلبي علي طاعتك
( مَنْ يَتَصَبَّرْ يُصَبِّرْهُ اللهُ ، وَمَنْ يَسْتَغْنِ يُغْنِهِ اللهُ ، وَمَنْ يَسْتَعْفِفْ يُعِفَّهُ اللهُ ، وَمَا أَجِدُ لَكُمْ رِزْقًا أَوْسَعَ مِنَ الصَّبْرِ ) .استغن بالله واصبر بالله دا حديث شريف ومفيش حد هيجي يحج بدالك فاستغن بالله ربنا يغنيك عن العبيد