الله اكبر يلهلع سبحان اللله كله كذب في كذب في كذب اسألو علي يعلمكم (اختلال انيه وسوسه انعدام الشهيه تقوم من النوم دقات قلبك قويه خوف من مجهول ورب الكعبه في بدايه مرضي اني حسيت الطمأنينه راحت سبحان مغير الاحوال وطبعا انا بفضل ربي شفيت منه ولله الحمد ومن غير حبة دواء ودوائي كان التوكل علا الله وحده والتطنيششششششششششششششششششششششششش) وبرجع اكمل قصتي وتراه وربي مرض تافه الشيطان يبغى يحزن الانسان وربي مايستاهل كل قلقكم وتراه موب مرض نفسي هاذا اضطراب يعني بلعربي يجي الانسان بعد مواقف او صدمات واكثرنا يجيه من تفكيرنا ايه تفكيرنا السلبي .وبرجع لكم بعدين اقولكم قصتي كامله وترى اعراضي كثيره واااجد حتى الكلى صارت تعورني ههههههههههههههههه .
علي اليامي
انا ماقول الا حضكم يلي عرفتو مرضكم بدري علي جلس سنتين وهو موب عارف وش السالفه جلست سنتين ونا من تحليل في تحليل لدرجة انوملفي في المستشفى مايقدر يشيلونه ثنين من كثر التقارير وجلست اكل من ادويه الجرثومه 6اشهر ونا اللهم سبحان الي انجاني من الا دويه والمضادات الحيويه ماسببت لي مشكله في الكبد لا وعاد البلا في الطب الغشيم الي عندنا تدرون ليه ماراحت الجرثومه لان المرض نفسي وهو الي يجيب الجرثومه لان النفسيه سبب المرض وبعدها تحاليل الكبد الغده نقص المناعه تخطيط مخ وضائف الكلى ووووووووووووووووووووووو ولما انتهيت انا خلاص تحطمت ماعرفت وش فيني راحت الايام وحصلت واحد الله يجزاه بلخير مر بنفس مشكلتي قال ياعلي انصحك نصيحه قلت ايه قال لاتعب نفسك ترى الي فيك مرض نفسي قلت كيف؟؟ قال واسمه الهلع والقلق . قلت يعني وشو وش علاجه قال علاجه التطنيش وعدم الاسترسال مع الافكار وعش حياتك زي اول . اها اتاري الموضوع فيه الشيطان المهم رجعت للبيت وصليت وتوكلت علا الله سبحانه . لي تكمله لاني في اندنيسيا اتمشى هههههههههه لا واسوق دباب هههههههههه
علي اليامي
20-09-2013, 11:33 AM
المهم صليت الفجر وتجهزت مع الحرب مع الشيطان ونسيت اقولكم نقطه (ترى اكثر شي لعب فيني الاكتآب واختلال الانيه) نرجع ونكمل المهم جبت جركل مويه وجيب القرآن واجلس اقراء علا المويه ايات المس والحسد والسحر كلها . وسلاحي الثاني بعد الله التفاؤل كنت سبحان الله حاط في راسي اني بتخلص من هاذا المرض التافه والتفاؤل نقطه مهمه المهم تجهزت للشيطان وبتدا وقت الجد ما اخفيكم اول اسبوع زادت وربي الاعراض زادت زادت لاكن سبحان الله جلست اطنش واضحك واطنش ما اخفيكم انها صعبه شوي لاكن ربي نصرني بعد اسبوع بدت تخف وتخف تدريجي اختلال الانيه خف والاكتآب خف والدوخه خفت وعدم التوازن خف والغشاوه الي علا العين خفت واللم البطن خف والوساوس خفت لاني وسوسة انا للشيطان وطق هرب بدال مايوس لي وس وست له النسيان خف الخمول خف برودة الاطراف خفت النعاس خف بديت استرجع نشاطي يالله لك الحمد . ولي تكمله
علي اليامي
20-09-2013, 11:34 AM
المهم مثل ماقلت لكم الشيطان هرب مني لاني انا صرت اوس وس له جننته خبلته وسبحان الله تراه ضعيف الشيطان حسبي الله عليك سنتين ونا عند الدكاتره الي سبحان الله صارو ماديين وغشم ولايفقهون شي عن هاذا المرض التافه المهم بدت الاعرض تخف تدريجي وابغى اقولكم معلومه ترى الاعراض ماتروح علا طول لاتستعجلون بعض الناس يقول ما راحت الاعراض طول بالك وبتروح بس انت اصبر وطنش طنششششششششششششششششششششششش وسوس انت للشيطان اثبت له قوة عزيمتك وانك مسلم اقوى منه في كل شي ترى فيه معلومه توني عرفتها من واحد لعلاج الهلع (1– عدم التفكير او الخوف لمدت 90ساعه 2- ان تقوم بنفس عملك قبل المرض لمدة خمس ايام متواصله) ونا حاب ابشركم بعون الله بتشافون من هل المرض التافه وربي تااااافه تفاؤلو واي واحد يسالكم عن صحتكم قولو انا بكامل الصحه ولله الحمد ترى لها دور كبير في العلاج وترى هاذي الكلمه تجيب المرض والهم للشيطان وتخرسه وتجننه لان عدوه الاول هو المتفائل وربي ونشاء الله اشوفكم كلكم متفائلين ومتشافين انشاء الله قوو عزيمتكم ولاتنهارون انا بنسبه لي اتوقع ان الشيطان الي فيني دخل للمستشفى يسوي عملية للقلب جبت له الجلطه جننته طلعت تعب سنتين منه (وسبحان الله ترئ بعد مرضي صرت اصلي اخاف ربي وانا كنت من اول صلاتي مقصر فيها سبحان الله تغيرت للافضل ) المهم مثل ماعلمتكم لا تنهزمون للشيطان وابشرو بلخير وزي ماقال الي قبلي فلها وربك يحلها واعذروني علا الاخطاء لاني اكتب من الجوال واي خدمه لكم انا في الخدمه لان عندنا وقت الغداء في اندونيسا لايفوتكم التيس 180 ريال ههههههههههه
علي اليامي
20-09-2013, 11:35 AM
آكل في التيوس لان وزني نزل من 73الا 59 وكله من الهلع والنوبات الي جننتني قبل ما اعرفها علا حقيقتها ومثل ماقلت لكم ابشرو بلخير وتفائلو لان ربي يحب الانسان المتفائل وانا موجود معكم واي استفسار انا جاهز لاني اعتقد اني وصلت لمراحل فيه قويه وتراني رايح لاندونيسيا عشان اموت واقهر الشيطان افلها واضحك هههههههههه
المخنوق
20-09-2013, 12:54 PM
مبروووك اخي علي الحمدلله على الشفاء ،،ولكن حبيت اسألك هل كنت تعاني من الرهاب من شيء والخوف
انا في الحقيقة حتى الشعرة تلمس جسمي اخاف واخاف من حدوث شيء ودائما يدي على قلبي اقيس النبضات هههههههعه
والخوف من قيادة السيارة ايضا
زهووور
20-09-2013, 01:02 PM
لا تحرمنا من نصايحك يا اخوي
علي اليامي
20-09-2013, 02:13 PM
مبروووك اخي علي الحمدلله على الشفاء ،،ولكن حبيت اسألك هل كنت تعاني من الرهاب من شيء والخوف
انا في الحقيقة حتى الشعرة تلمس جسمي اخاف واخاف من حدوث شيء ودائما يدي على قلبي اقيس النبضات هههههههعه
والخوف من قيادة السيارة ايضا
لا ابشر بلخير يلمخنوق والله مافيك الا العافيه احمد ربك علي يجيبون له دكتور في البيت يعطيه مغذيه محلول ماصرت اكل الا سوائل بس بنسبه لسوالك طال عمرك انا لما اسمع صوت الفريون المكيف في الغرفه يقفل ويرجع يشتغل انط من نومي هههههه لا واي شي صوت خفيف انط منه وبقولك معلومه (ترى المشكله مو من نوبات الهلع المشكله من القلق التوجسي الي يجي بعدها سبحان الله بعض الناس مايفرق بين القلق التوجسي ونوبات الهلع القلق التوجسي هو الي يسبب الدوخه واختلال الانيه وطنين الاذن والاكتاب لا ولي يزيد الطين بله ان الشيطان يحصل عليك طريق في وقتها لاتروح لا تطلع بتموت نضره تشائميه للحياه سبحان الله انا هلي وزملائي يقولون والله ياعلي مانذكرك جبان وش صار لك ونا الحمد لله والله ماكان يخوفني الا الله بس ولا اخاف من غيره لاكن سبحان الله فتره وعدت واهم شي مثل ماقلت لك جرب كلام اخوك ترى القلق زايد عندك من كثر تفكيرك في حالتك ومن كثر الامك الي تحس فيها والله مجرب كل شي انت بس جرب اسبوع كامل ارجع زي ماكنت من اول سولف اضحك لا تجلس لحالك انتبه انتببببببببببه ونا اخوك حاول تنسي انت بتقول صعبه لاكن اضغط علا نفسك اضغغغغغغط لازم هاذا علاجك انا ادري انها صعبه لاكن وربي بعد ماتوكل علا ربي وتنسى وتطنش انك بتلاحظ ان القلق خف لان جسمك اللحين في حالت تأهب من كثر تفكيرك تحصلك تخاف من اي صوت ومن اي شي وبنسبه للروحه بسياره تروح يعني تروح غصبا ورب الكعبه بأذن الله مايصير لك شي ادعس الشيطان النجس حطت تحت رجولك واول ماتركب السياره حاول تدق علا واحد من زملائك. يعني لاتفكر في حالتك فتجيك علا طول يعني بلعربي انس انك مريض ورب الكعبه ان كلها من الشيطان وربي انه لعب في الناس لعب جرب كلام اخوك بلحرف الواحد وبتشوف الفرق . وبقولك شي ترى انا وصلت اني امشي حبه حبه علا رجولي ليه لان الشيطان يقولي لاتمشي بسرعه بتغوم بتموت كلام فاضي كله وربي ان المرض هاذا تافه لاكن مشكلتي ماعرفت عن حالتي بزبط الا بعد سنتين الحمد لله علا كل حال فيها امتحان من ربي سبحانه وتعالى اهم شي لاتفكر في مرضك ومثل ماقلت لك بزبط طنش انسى مرضك وشوف صح اول اسبوع بتتعب زياده لاكن بتنتصر في الاخير بفضل ربي ) وخلك ذيب غير اسمك من المخنوق وحط اسم متفائل واعذرني علا الاخطاء الاملائيه لاني اكتب بلموبايل .
علي اليامي
20-09-2013, 02:23 PM
لا تحرمنا من نصايحك يا اخوي
ابشر ولا يهمك انا جاي بكره من السفر وبجلس لكم جلسه وبكون معكم بإذن ربي وتذكر ان العلاج في يد الله سبحانه ثم يدك انت لايقولون لك نقص في مادة السيروستين ولا غيرها لان هاذا المرض كان يجي الناس من اول ويسمونه مرض الوحشه وكان يعالجون صاحبه بلقرآن ويجبرونه علا الطلعه ويخلونه يعتمد علا نفسه لين يرجع مثل اول وانا ما اشكك في الاطباء ولا في العلم لا والله بس انا اقول لك ان المرض هاذا زي الزكام لازم ياخذ وقته بس بشرط انك ماتعطيه اكبر من حجمه وتراه يجي من ضغوطات الحياه او صدمات قديمه ونا معكم ونا اخوك ابشر بلي اقدر عليه
زهووور
20-09-2013, 02:27 PM
ابشر ولا يهمك انا جاي بكره من السفر وبجلس لكم جلسه وبكون معكم بإذن ربي وتذكر ان العلاج في يد الله سبحانه ثم يدك انت لايقولون لك نقص في مادة السيروستين ولا غيرها لان هاذا المرض كان يجي الناس من اول ويسمونه مرض الوحشه وكان يعالجون صاحبه بلقرآن ويجبرونه علا الطلعه ويخلونه يعتمد علا نفسه لين يرجع مثل اول وانا ما اشكك في الاطباء ولا في العلم لا والله بس انا اقول لك ان المرض هاذا زي الزكام لازم ياخذ وقته بس بشرط انك ماتعطيه اكبر من حجمه وتراه يجي من ضغوطات الحياه او صدمات قديمه ونا معكم ونا اخوك ابشر بلي اقدر عليه
ترجع بالسلامه ان شاء الله...
منتديات الخبير النفسي 2
موضوع: موضوع رائع من أحد الأصدقاء 
