موضوع: استشارة بخصوص وسواس ( النية ) 2011-05-07, 2:50 am
اول شي الحمدلله على كل حال..
يوم اكتب لكم ذاك اليوم عن مشكلتي ماكتبتها كامله ممكن تحلون لي الباقي...
وسواس النيه الحمدلله فيه تحسن شوي..بس تكبيرة الاحرام هي الي متعبتني اكثر شي اتردد كثير كثير اني اكبر واذا كبرت اقطع على طول غصب عني احيانا علشان ماانطقها زين او احيانا كذا احس يجيني احساس اني بقطعها واقطعها هل فيه احد مثلي وتشافى..ارجو الرد
إي نعم انا كانت عندي زمان والحمدلله شفيت منها ، كانت حالتي معها مستعصية جدا . لدرجة أوقف على السجادة بس مااعرف أكبر ماأقدر أرفع يدي وإن كبرت لا تمر ثواني إلا وقطعتها سواء كانت بنية او باحساس وألقى نفسي قطعتها .. وكثير أيام كنت أقطعها ظنا مني باني لم أكبر .. كانت ايام ثقيلة جدا ..
لكن والله بفضل الله وثم الخبير النفسي شفيت منها ..
إذا وقفت بمكانك ارفعي يدك وكبري باللي يطلع معك حسيتي إنها غلط استمري ولا تقطعي حسيتي إنك ماقلتيهالا تقطعي واستمري شعرتي بانك قطعتي صلاتك أو لديك رغبة في القطع قاومي الشعور مهما اشتد عليك وانهي صلاتك وبحول الله صلاتك صحيحة ..
وهذا الذي أخبرنا به الخبير النفسي بارك الله فيه ..
صدقيني داومي على هالشي بتطبيق صحيح وماهي إلا أيام ويروح ..
أدعو الله لك بالهمة العالية والقوة والعافية الكاملة التامة ..
ماعليك كبري ارفع يدك وكبري حتى لو مانطقتيها او انطقتيها غلط هذا لبس الشيطان والنية تسقط عنك لاتبالي فيها ابدا سبحان الله انا لما اطيع الشيطان واقطع التكبير او الصلاة يجيني ضيقه شديده واذا تجاهلته وكبرت وانهيت صلاتي احس بسعاده سبحان الله طاعه الشيطان وسماع فتاويه عذاب مر اما طاعه الله في تجاهل مايامرنا به الشيطان بس تنهي صلاتك ترتاحي جربي ذلك اسال الله يثبتنا يارب ونتشافى جميعا
ان زيك ياخيتي اشد شي اذا جيت اكبر اتردد واخاف واخذ وقت طويل وان احول احدد النية ثم اكبر بقوة واذا حسيت اني ماسمعتها زين او انها خطا او جاني خاطر اني خرجت من الصلاة لااستطيع المواصلة واقطع الصلاة مباشرة من غير تفكير وابد من جديد عذاب ودي اعرف بجد لو استمريت فيها وانا متاكده من نطقي الخاطى او الناقص تكون صحيحة وليس علي شي او لو كبرت ثم حسيت انها خطى وقطعتها فجائة ثم استمريت في الصلاة رغم هذا كله هل تكون الصلاة صحيحة ولا احاسب على عدم اعادة الصلاة وتصحيحهااخاف ان استمريت فيها ان اكون غير موديه لصلاة واحاسب فهل احد عنده فتوى بهذا الخصوص فليخبرني بها جزاه الله خير
ياام ابراهيم صلاتك صحيحه كبري بدون ماتشيلين هم النية خلااااااااااااص وشوفي حتى لو قال لك الشيطان تذكري كلامي عن تجربه حتى لو قالك غلط تكبيرتك او اخطاتي نطقها او ماسمعتيها كبري وقولي له بكيفي عساها غلط انا راضية ربي رحيم اقسم بالله راح تشعرين براحه عجيبة حتى لو انتابك في الركعة الاولى تانيب الضمير واصلي صلاتك ولا تقطعيها ابدا لو كل صلاتك غلط وصدقيني في الركعه الثانية وباقي الركعات راح يروح عنك وترتاحي وجربي صلاتين وراح تحسي بطمانيه خلي كلامي هذا بعقلك اثناء بتحاولي قطع صلاتك والله عن تجربه والله ثم والله وانتي تصلي قولي الدين يسر مش عسر شوفي انا الحمدلله تقربيا 99%تشافيت من موضوع الصلاة والوضوء بهذي الطريقة لكان شوفي صار يبدا الوسواس معاي في النظافه بس باذن الله قريبا وانتهي منه اهم حاجه العزيمة اكرر واقول وانتي تلبسي الجلال حق الصلاة وانتهيت منه قفي على السجاده مباشرة وارفعي يدك مباشرة لاتترددي لو ترددتي راح تطولين وتعطين الوسواس مجال يناقشك ويقولك لا انتي تصلين كذا او يقول لا انتي استعجلتي او ماشابه فاقولك مباشرة ارفعي يدك وكبري زي ماقال لي الشيخ وليس عليك نقص وتذكري هذي الكلمة ليس عليك نقص وابن عثيمين قال علاج الموسوس في الصلاة ثلاثه ايام تجاهدي نفسك مع العذاب الي راح تمرين فيه بسبب تجاهلك له ثم يبدا بالتدريج لثالث يوم ويزول والموسوس اسمعي من النوع يكرر السؤال اكثر من مرة زي ماقالو لي المشائخ كبروا ولا تبالو ابدا وانهي صلاتك وتذكري عظمه الله عند السجاده ولا تتذكري الشيطان ابدا لانه ليس له عظمة حتى نجعله امامنا عند كل تكبيرة والله ثم والله قال لي شيخ لاتقطعي صلاتك ولاتعيدها ابدا اكمليها للنهايه لو غلط من تكبيرتها الى التسليم انا مسئول امام الله عنها والله يابنات ارتحت بعد كلامك والحمدلله طبقتها وان شاء الله انتك كذلك والخبير النفسي صدقوني برنامجه رائع جربيته وماشيه عليه وتحسنت مع الدعاااااااااء اهم حاجة والرقيه والصدقة
الخبير النفسي٢
صاحب المنتدى
معلومات إضافية
عدد المساهمات : 1267
تاريخ التسجيل : 16/03/2008
تعليقك : عجبت لمن يتهرب من دفع فاتورة المواجهة مع الوسواس مع أنها أقل كثيرا من فاتورة الانسحاب !!
يوم اكتب لكم ذاك اليوم عن مشكلتي ماكتبتها كامله ممكن تحلون لي الباقي...
وسواس النيه الحمدلله فيه تحسن شوي..بس تكبيرة الاحرام هي الي متعبتني اكثر شي اتردد كثير كثير اني اكبر واذا كبرت اقطع على طول غصب عني احيانا علشان ماانطقها زين او احيانا كذا احس يجيني احساس اني بقطعها واقطعها هل فيه احد مثلي وتشافى..ارجو الرد
تكبيرة الإحرام لا تحتاج منك إلى جهد كبير بل يكفيك أن تقولي الله أكبر لمرة واحدة وتستمري بالصلاة حتى لو شعرت بعد صحة النطق . وكذلك يجب عليك الاستمرار حتى لو أحسست أنك ستقطعين الصلاة
جزاك الله خير يا اخت لمى كلامك ريحني واسعدني ودي اني اقدر اطبق وما اضعف مشكلتي ان ردت فعلي سريعةاتجاه اي فكرة شك في النية اولفظ التكبير على طول ما لاقي نفسي الا وقد خرجت من الصلاة هذي نقطة ثانيا اذا استمريت وانا متاكدة ان الصلاة باطلة وان نطقي خاطئ اعجز لانه ياتيني خوف غير طبيعي وهوجيس وافكار واتشوش ثم لااعد احتمل فاخرج منها اضعف امام هذا كله لاني احس انها لاتعتبر صلاة وساوواخذ على عدم الاعادة شفاني الله وجميع المسلمين
شوفي ياام ابراهيم اكدو جميع العلماء ان الموسوس لابد ولابد ان يتعرض اثناء تجاهله للوسواس تانيب الضمير والخوف الشديد بان صلاته غلط هذا شي طبيعي من الشيطان يريد ان يخوفنا عشان نقطع ثم نقطع طيب والنهايه ملل من الدين والنتيجه الكفر وترك الصلاة شوفي كيف مكائده طيب الحل ؟؟؟؟؟ ترك كل فتاويه والله غير تشعرين بالراحه جربي مرة قرات عن وحده موسوسه في الصلاة لدرجه خلاص ماتصلي الا مع امها وتقول لما اصلي مع امي احس صلاتي كلها غلط ولا ركعه صح ولا شي تقول اقسم بالله ذقت الموت في الصلاة من الخوف ان الله لايقبلها واكملت للنهايه وسلمت وتقول والله لما سلمت صرت ابكي واقول لا ماهي صلاة صحيحه بس جزمت على نفسها ماتعيدها وهكذا تقول الى ان اصبح الامر عادي ولله الحمد اصبحت اصلي واكبر ولا اعيد حتى لو انتبني الخوف الى ان ذهب عني جربووووووووووووووا وشوفو والله يثبتنا يااارب
يالبنى اسمعي النية انسيها تماما لاتذكريها ابدا ابدا ابدا كلام الشيخ لي طيب انتي تريدين تصلي الفرض اولا صح خلاص قفي على السجاده ولاتتراجعي ابدا ولا تتترددي ابدا ارفعي يدك قولي الله اكبر قال لك الشيطان صلاتك باطله التكبيرة ليس فيها خشوع او قال لك انتي قلبتي النية او اي شي تاااااااااااااااااااابعي صلاتك وانهيها ولاتفكري فيها طيب خلصتي قومي صلي السنة وقومي اخرجي ولا تراجعي عن امر صلاتك انسي وهكذا تنايب الضمير مرة ثم مرة ويروح بلا رجعه كل ما وقفتي للتكبير قولي في نفسك الله غفور رحيم الله لا يؤاخذ الموسوس ماتوسوس به نفسه الموسوس يؤجر على تجاهل الوسواس انا سارضي الرحمن وافوز بجناته من يوم ورايح اقف واكبر مباشرة لو تكبيرة غلط لو صلاتي غلط هذا الي طلع معي واياك واياك يكون هذا النقاش على السجاده لالالالالالالالالالالالالالالالا بس اذا سمعتي الاذان قولي انا قويه واقوى من الشيطان ساانتصر عليه الان تذكري قول الله تعالى ((ان كيد الشيطان كان ضعيفا )) وتذكري قول الله تعالى ((ان كيدي متين )))
فتمسكي بالكيد المتين الذي هو الله سبحانه على الكيد الضعيف وهو الشيطان وانتصري عليه دائما ولا تخافي انتي ماجورة وان شاء الله غير محاسبه على الوساس فعلينا تجاهلها
الخبير النفسي٢
صاحب المنتدى
معلومات إضافية
عدد المساهمات : 1267
تاريخ التسجيل : 16/03/2008
تعليقك : عجبت لمن يتهرب من دفع فاتورة المواجهة مع الوسواس مع أنها أقل كثيرا من فاتورة الانسحاب !!