استشاره وسواس الأفكار المزعجة

بجرب الطريقه ان شاء الله تنفع وحاولت اعلب اليوم مافكر بالنوم واذا جابه لي ابستمت وعادي وطنشت

ماعرف ليش صحيت رغم اني سويت كله بس عادي اصلا اليوم رايحه المستشفى بشوف شعندي!
بس برضو بجرب اسبح واقرا

التحسن لا يأتي من المرة الأولى وإلا كانت اي خطة تباع بالسوق السوداء وا كان واحد تعب 
استمري مع إحساسك بالفشل حتى تصبح قناعة وليس مجرد تجربة .

واضح اني مستعجله مرهه ع الشفاء 😭😂💔
انا يوم رحت وقلت لها قالت لي الدكتوره يمكن انك تفكرين! قلت طول عمري افكر قلت اتوقع من بطني ووو اعطتني حبوب وكذه ماعجبني كلامها! يمكن لانها م اعطتني سبب مقنع او ممكن انو الوسواس ابي شي يطمني وماحصلت لكن عموما بجرب الطريقهه
ع فكره انا صحيت تقريبا ع اربع وكذهه الفجر قعدت اطقطق ع الجوال يوم اذن انعس خلاص 😂😩 وسواس خناس واللهِ

نمت 12 ونص صحيت وحده ونص!!
شي ينرفز عجزت اعرف السبب يالله اول ماصحى الاقي مخي شغال بالتفكير اني ليش صحيت
مادري هل انا اوسوس هل الناس الطبيعيه يجيها كذهه!!

ودي ما اوسوس بس غصبا عني
المشكله اذا صحيت الاقي بطني يعورني!! اللي اعرفه القولون مايصحي من النوم ودي اعتقد النقيض وافرح بس م قدرت بس افكر بالسبب جتني فكره انو فيني شي قام يذكرني باحلام وانه يمكن فيني جرثومه بعدين قالت عين من صحباتك بععدين قال شكلك متهزيه في احد
جتني الصيحه خلاص 😭💔💔💔💔
الحين اغلب ايامي اوف شلت هم اذا بداوم الله يقلع الوسواس الحقير يارب

غند وربي وسواس والدليل انه كل شويه قالك مرض وبعض الاحيان يوسوس لك انه هذا يمكن حقيقه مو وسواس صح انصحك طنشيه ولا تعطيه اهميه الله يشفينا يارب

غند حبيبتي والله مافيك شي والحمدلله طبيعيه وكل اللي فيك مجرد افكار ووسواس 
طبيعي التفكير ماراح يخليك تنامي طنشي ولا تفكري خلاص متى ماجاك النوم نامي 
لاتجلسي تفكري ليه مانمت وليه صحيت هذي الأفكار ماراح تخليك تنامي 
الله يشرح صدورنا ويفرج همومنا ويبعد عنا وساوس الشيطان يارب

يعطيكم العافيه حبيباتي الله يطمنكم يارب ويفرج لكم يحقق لكم ماتتمنون❤❤❤
بس برضوه مالقيت حل للنوم المتقطع الله يفرجها من عنده يارب شكرا لكم.

غند والله قعدت اسبوع مانام زين مقطع ساعتين انام واصحى بس مع العلاج الحمدلله صرت انام

وشهو علاج ايش! افكر اخذ بندول نايت بس مابي ادمنها احسها تخوف

استخدم زيت مقري ادهن جسمي كله فيه ومسك أسود ..مع الاذكار والتحصين وقراءة سورة ياسين الصباح والمساء

لاتاخذي بندول نايت سمعت انها مو حلوه

لا ابداً لا تأخذي ادويه ماانصحك والله لا بنادول ولا غيره 



سوي زي ماقالت اختي افنان الزيت المقري فيه مررره حلو ومريح سبحان الله
هوا مفيد لكل شي انا كنت استخدمه لما احس بالضيقه والغصه والله تروح بعد الزيت
اذا ماعندك المسك الأسود اشربي مويه مع السدر وأقرأي فيها الفاتحه 7مرات
وحصني نفسك على طول ، والنوم والله صدقيني راح يتعدل بس انتي ارتاحي وريحي نفسك
ولا تشيلي هم ولا توسوسي ان فيك شي وعادي داومي وذاكري وعيشي حياتك طبيعيه
وبعدها بأذن الله راح تنامي نومه هنيه وتدعيلنا بعدها 😁

حنين ماشاء الله احس نفسيتك حلوه اليوم دوم يارب❤

الحمدلله الله يجعلها دايمه يارب
القرآن له دور كبييييير في تغيير نفسيتي للأحسن اللهم لك الحمد
عقبالكم يارب الله يشرح صدوركم ويفرج همومكم ويرزقكم راحة البال
ويشفيني ويشفيكم يارب

المسك الاسود كان زي المخدر ارتاح عليه وكان مفعوله سريع مع الوسواس بس ريحته مخيسه واتهزأ عليه.
استخدمته ذاك اليوم مع تقطع النوم مره بس ولا فاد وسحبت شكلي برجع
بس فيه شي لحد يضحك اذا نومي تقطع بالليل وصحيت اشيل هم اذا صار بالصبح عادي عندي لا مب صاحيه وقسمن😂💔

[size=44]انا يحصل معي مثلك وفعلا اعتقد انه من التفكير نفس كلام الدكتوره لكن ليس التفكير العادي فكما قلتي طول عمرنا نفكر .. التفكير المقلق المتكرر الذي يستمر معك طول اليوم  ..  [/size]

شكروا مناي انا اشعل رقية السدحان ❤

ماحس فيه شي مُقلق بتفكيري عمومًا بس بستخدم المسك واستمر عليه

جربت المسك امس نمت كويس اليوم يعني بس اخف مره الحمدلله بس برضوه ودي اتحسن بسرعه😭😩💔💔💔

لاتستعجلين غند اصبري اجر لك ان شاء الله

انتِ يوم استخدمتيه تحسنتي من اول مرهه!
مستعجله شايله هم عشان عندي اختبارات فاينل وداوم
مدري ليه ضاق صدري استغفرالله

جلست اسبوع وتحسنت الحمدلله وداومي عليه حتى لو تحسنتي ..اقري صورة ياسين باذن الله تروح الضيقه