استشارة بخصوص وسواس ( النجاسة )

السلام عليكم ورحمه الله وبركاته

اول شي اشكركم على هذا المنتدى الحلو والمساعد

ثاني شي بقول حالتي واتمنى الاجابه عليها واني اشفى

كنت مبتليه بمرض الوسواس وتغلبت عليها الحمدالله ولكن الان احسها ردت قامت ترجع لي من جديد بسبب صادني موقفين ف ياريت تقولون لي هذي حقيقه نجاسه ام هي من الوساوس ويجب تجاهلها ..

اول موقف عندي بنت اخت كانت في الحمام تقضي حاجتها ( تبول ) ويوم جت بتطهر جافت حشره وعلى طول قامت بدون تطهر مالبست ثيابها ويوم تباعدت الحشره رجعت اطهرت ولبست نفس لثياب وعقب راحت غيرت ثيابها ونامت

ويوم جت قالت لي السالفه انها قامت من غير تطهر قلت لها اكيد نقط على ثيابج الداخليه لان اذا انتهينا من البول ينقط لما نطهر يزول بس هي قامت بدون اطهر يعني نقط في ثيابها الداخليه

وعقب اطهرت ف صاد ماء لتطهر والنقطه البول في ثيابها الداخليه واختلط الماء بنجاسه ويوم بدلت كانت ثيابها رطبه لان ولمستهم وحطتهم على الكرسي وراحت نامت

سألت عن هذي المسئله قالو لي طاهرين بس كل احس ان الكرسي اللي حطت عليهم ثيابها الرطبين تنجسو لانها ماطهرت من البدايه والسرير للحاف والفرش تنجس لان لمست ثيابها وهم رطبين ويشكل لي اذا اختي تلحفت بنفس للحاف وعقب غسلت ثيابنا ثيابنا تكون نجسه فهل هذي حقيقه نجاسه ام مجرد وسوسه ؟

الموقف الثاني

كان ولد اخوي منقط بول في ثيابه الداخليه وفصخهم ودخل الحمام وكمل واطهر وطلع ولبس نفس لثياب وجلس على عده اماكن وعقب قالو لامه انه دخل الحمام بروحه وهو مايعرف اصلا يدخل بروحه لانه توه يتعلم ف أمه فتشت ثيابه ولقت ثيابه الداخليه فيهم بقعه بول وهي تنزل ثيابه نزلت الهاف المتنجس على السجاده وعقب شالته عشان تجوف هذي الرطوبه شنو وكان رطب والحين حاطه ببالي ان هذا المكان نجس لانها يوم تفصخه وهي تفصخه نزلتهم على السجاد وهم رطبين فهل كلامي صحيح ام مجرد وسوسه ؟

الموقف الثالث

كان ولد اخوي مدخلتنه الحمام عشان يبول وينام وجفت في ثيابه الداخليه صفاره مالت زقان اعزكم الله فقلت ليه ادخل وطهر بس هو دخل واطهر من الامام فقط وجا سيده وقعد على لفراش ويوم سألته اطهرت من ورى بعد قال لا والسجاده لا اعلم تنجست ام لا الحين فهل تتنجس بهذي الطريقه ام تبقى طاهره ؟

الموقف الرابع
كنت مسافره وكان ويانا ولد يبول في السرير ليلا وفي اخر يوم اختي الصغيره قعدت من النوم ونظفت الغرفه ونظفت سريره ومر اليوم عادي وعقب علمت ان هذا السرير اللي نظفته متناجس بالبول وهي لمسته ولمست عقبهم اغراضي الشخصيه مثل التلفون والحين استخدمهم فهل هم نجسين ام طاهرين ؟

ارجوكم طمنوني وردوا علي لان هذي ثلاث موقف مجننتني واخاف ادوس واني رطبه واعاند واطنش واقعد افكر وابقى نجسه ف حبيت اسألكم قبل مااخطو اي خطوه لا تتجاهلوني ف أنا في امس الحاجه وبجوابكم بيرجعني لطريق الصواب

وعندي بعد مسأله

عدنا قطه في البيت في البدايه كانت في قفص بس الحين كل بره القفص ونجوف ساعات غائظ لها ونشيله انظفه

والحين صايره كل تروح في المكان اللي انشر فيه لثياب وهناك يصير كل ماي مكيف وهي تقعد هناك وماادري هي تبول هناك او لا لان اجوف ساعات غائظ منها و لان كم مره اطيح من عندي قطعه ملابس على الارض وتكون لارض فيها ماي ف يختلط علي الامر هذا ماي او بول القطه وساعات امشي على نفس المكان ويكون رطب فما حكمه ؟

ارجو الرد السريع

اختي الغالية
طبقي قاعدة الاصل بالاشياء الطهارة واليقين لايزول بالشك فاذا كنت غير متيقنة 100%من وجود النجاسة فلا تحملي هم وبالنسبة للموقف الاول مافي داعي توسوسين فما دام انها تطهرت خلاص ان شاء الله طاهرة ولا يشترط انها تنزل منها قطرات بول على جسمها او ملابسها بابتعادها قليلا ومادام انك سالت وقالوا طاهرة خلاص اعملي بذلك واطرحي عنك الوسوسة..