[size=55]السلام عليكم [/size] [size=55]أعاني من مرض الوسواس القهري .... أصبحت للأسف مدمنه على نتف رموشي وحواجبي مع معاناة مستمرة منذ 15 عاما [/size] [size=55]أرجو مساعدتكم [/size]
عدل سابقا من قبل Rawan88 في 2017-01-22, 7:48 pm عدل 1 مرات
وعليكم السلام ورحمة الله وبركاته انا طبيعة جسمي تحسسيه وعندي حساسية بعيوني من وقت ما كنت صغيرة وبلشت القصة باني وقت قيم الرمش كأني حكيت عيني وحسو شعور حلو ومع الايام صارة القصة عادة وبعدها ادمان ومعد قدرت سيطر عحالي حتى فقدت رموشي كلهون ولهلأ كلما بيطلع رمش بقيمو واتطورت القصة وصرت قيم شعر الحواجب كانو أهلي كل مايخانقوني يستفزوني وانقهر لأنو مايفهمو عليي انو هاد الشي يلي عم يصير مرض بس الحمدالله بالأخر اقتنعو بعد جهد وعناء وتحطيم المعنويات رحت عند أكتر من دكتور نفسي كلهون يقولولي انتي سليمة نفسيا بدك بس مرشدة اجتماعية ورحت عند المرشدة بس ما كملت وعملت دورة برمجة لغوية عصبية وجربت أفكار وبرامج عن طريق الانترنت ولا أثر فيني شي لأنو ينقطع التواصل بعد فترة أو اوصل لمراحل معد أعرف اتعامل معها متل تمارين الاسترخاء وارجع انتكس حتى الشيخ رحت لعندو :) يلي اكتشفتو من بعد تجربتي انو أنا كل يوم بقيم أعداد هائلة من رموشي وحواجبي بدون ما اقدر سيطر عحالي انا بتدايق كلما اتطلع عليهون عل مراية لانو بضلو مرسومين بمخيلتي لقيمهون واني كل ما اتحمس لشي أو يجيني خبر مفرح أو محزن بتزيد الحالة بشكل مخيف ... اذا قعدت لحالي لوقت طويل ومليت و حتى في الظلام
أسفة جدا عل اطالة بس حبيت احكيلكون عن حالتي بشكل مفصل عل أمل انو يكون الشفاء باذن الله عن طريق هل منتدى الرائع
مرحبا بك كان ممكن تشفين لو انك استمريت على برنامج واحد. حتى النهاية يعني لغاية الشفاء التام اما انك تتنقلين بين برنامج واخر دون تكملة العلاج فمل راح تحصلي على نتيجة مرضية مريحة لهذا خلاص خليك مع هذا البرنامج وتقرئيه جيدا وتطبقيه بخطواته وتضعي هنا نتيجة التقييم اما لو فهمت البرنامج وضربت الضربة القاضية وقتها لن تحتاجي لتقييم شوفي نفسك مع اي برنامج تختاري
البرامج يلي جربتها قبل بصراحة كلها طويلة ومملة وروتينية قرأت مبارح برنامج الخيرالنفسي 2 وحسيت انو هاد أول برنامج بناسبني عنجد تشجعت كتير لأنو عم يستهدف الأفكار التسلطية بشكل مباشر ويحاول يخليها تتلاشى من أول ساعة علمني تقنية حلوة كتير كانت غايبة عني ولهلأ صرلي 13 ساعة مبلشه بالبرنامج وكللو تمام وياااارب ينكتبلي الشفاء برفقتكون وجودي بهل منتدى لحالو عطاني دفع من زمان وأنا عم دوور والحمدالله اني لقيتكون😍
إذا كانت هذه الدفعة قوية وكافية لتضربي الضربة القاضية بها ونعمت أما إن وجدت خلل في التطبيق ابدئي بالتقييم اليومي وشوفي وين الخلل بالخطوة الالتي نسبتها متدنية ترفعيها بعد معرفتها معرفة كاملة أحيانا نغلط وما نعرف وين الغلط في التطبيق ونبقى ندور وندور دون الوصول . معرفة أخطائنا تغنينا عن تكرارها مرارا والخروج من الدائرة المغلقة التي لن تنته متاعبها كل لحظة الله يشفيك المعرفة نصف العلاج هذا ما اقتنع به والباقي قوة إرادة وتصميم
شكرا على دعمكم وجزاكم الله عني كل خير .. تمنيت ابعت التقييم بس ما عم تتحمل الصورة الحمد الله مر اليوم الثالث من التطبيق بنجاح والنسب أغلبها 100 بال 100 الحمد لله أنا بعتقد بدي اسبوعين لحس حالي رضيانة عن النتيجة لانو أنا فجأة بصير عندي رغبة النتف أول يومين مروا بسلام بس اليوم صارعندي هجوم ورغبة وقدرت اقمعها الحمدلله حاسة حالي كتير مبسوطة اني عم اتحكم برغباتي ومانفذ كلشي بيخطر ببالي وكل يوم عم ادعي اني استمر عفكرة هالبرنامج خلاني اكتشف انو عندي كمان شوية وساوس بس بسيطة وعم اتغلب عليها ههههههه :)
عدل سابقا من قبل Rawan88 في 2017-01-25, 1:49 am عدل 2 مرات
قبل ما اتعرف عل منتدى كنت مصره جبصن ايدي وبعد تطبيق 3 أيام حسيت انو الفكرة كانت غير صحيحة نهائيا وانو اذا ماغيرنا طريقة تفكيرنا بحياتنا ما حيتغير وضعنا أنا غيرت عنوان الموضوع خصوصي لكل شب وصبية عندهون هالمرض يلي صرلي عم عاني منو سنين طويلة يفوتو ويقرأو ويتشجعو والله العظيم اني من 3 أيام لهلأ حاسة براحة نفسية لا توصف كل وقتي عم غني والعب مع بناتي والتوتر خف بنسبة كبيرة حاسة انو ثقتي بنفسي بلشت ترجعلي وعفكرة طالعلي كم رمش صرت اتطلع فيهون بحب وحنان ورفق ههههههههه دعولي بالاستمرار
شكرا لطيفة ... الحمدالله صار مارق اسبوع وأنا بنفس الهمة بس اليوم للأسف قمت رمش بالغلط وقت شفتو حسيت حالي عاملة عملة كتير كبيرة ونزلت ايدي فورا... بس بآخر 3 أيام جاهدت نفسي كتير حابة اسألكون تقريبا بعد كم اسبوع ليوقف الحاح الوسواس ... أنا عم قاوم يعني هل المقاومة تعتبر تحجيم للفكرة الوسواسيه
شكرا لطيفة ... الحمدالله صار مارق اسبوع وأنا بنفس الهمة بس اليوم للأسف قمت رمش بالغلط وقت شفتو حسيت حالي عاملة عملة كتير كبيرة ونزلت ايدي فورا... بس بآخر 3 أيام جاهدت نفسي كتير حابة اسألكون تقريبا بعد كم اسبوع ليوقف الحاح الوسواس ... أنا عم قاوم يعني هل المقاومة تعتبر تحجيم للفكرة الوسواسيه
قاومي نعم هذا حرب مع الوسواس حتى تغلبيه اصمدي وواجهي حتى ينهار و يزول لا تتنازلي انت ابدا كوني الأقوى
للأسف حصلتلي انتكاسة بعد 11 يوم من التطبيق وأنا السبب لأني تهاونت بالتقييم اليومي ومن الآن سأبدأ من جديد انشاءالله... عم اكتبلكون لأني بحب نصائحكون .
وحابة استشيركون بموضوع عن الدورات :
عمفكر باني اشترك بالدورة بس خايفة مع الوقت يخف تأثيرها عليي متل يلي صار معي بتطبيق البرنامج يعني بأول فترة عطاني طاقة هائلة للتصدي للمرض وبعد مرور 11 أيام لأني تهاونت بالقراءة والتقييم تراجعت
انت قلتيها تهاونتي فلماذا هذا التهاون ؟؟؟ هل تريدين الشفاء ام تبقي اسيرة الشيطان هو يفرح لما يشوفك في تلك الحالة فقد نجح في وسواسه عليك كوني إمرأة جديدة من الغد تحترم ذاتها لا تأذي نفسها لأن جسدنك نعمة من عند الله يجب المحافظة عليه ونتف الرموش والحواجب يؤذي جسدك والشيطان يريد تخريب حياة المؤمن بأبسط الأشياء حتى يخليه حزين فأقهري الشيطان بالمحافظة على رموشك وحواجبك تجاهلي تلك الرغبة من فعلها هي نفس رغبة العادة السرية وهي نفس رغبة في السرقة فهذبي نفسك وتجاهلي تلك الرغبة فأنها من الشيطان اقهريه بالتجاهل وتوكلي على الله ولوجه الله اصمدي وواجهي واصبري
عدل سابقا من قبل الزهرة في 2017-02-06, 9:56 am عدل 1 مرات