شعور غريب

السلام عليكم انا جديده في المنتدى..
انا كان معي وسواس الموت من شهر 5 والحمدالله تغلبت عليه وبكن
بين فتره وفتره تأتي الافكار واتغلب عليها وتذهب هذه الافكار ولكن الان شعور مختلف
واحس انه حقيقه مو وسواس وللعلم انا مريت في هذا الشيء من قبل ولكن احس الان انه حقيقي
اي شخص من زمان مو مكلمني وفجأه كلمني اخاف احس راح يودعني واني بموت
واشعر بحرقه في معدتي مما ادى الى كثرت الوسواس اني مصابه ب مرض في معدتي
انا ابي اعرف كل شخص عنده سواس الموت شنو اعراضه ..وحالياً اي الم اشعر به ادخل قوقل واكتب عنه وهذا يزيد الوسواس..ما الحل ؟
اتمنى احد يرد علي والله يشفيني ويشفيكم من هذا المرض

اختي امينه انا اصبت بهذا الوسواس وكنت مثلك والله اخاف اذا كلمني احد وتجيني افكار
ونفس الشي اذا قابلت اشخاص من زمان ماشوفتهم
اوسوس وتزيد الأفكار عليه وانه اكيد راح اموت
وصلت فيني لدرجة اهلي وزوجي بعض الأحيان ودي اتكلم معاهم
لكن تجيني افكار ان هذا الكلام اللي راح اقوله لاني بموت بعدين
اختي في النهاية هذي كلهااا والله وساوس من الشيطان ارجعي طبقي البرنامج واستمري عليه
وتجاهلي الأفكار هذه اللي تجيك وطنشيها
وانصحك نصيحة من اخت مجربه ابعدي عن البحث في قوقل والله راح تتعبي زياده وماراح تستفيدي شي
وكثرة البحث في قوقل من الشيطان طنشيه ولا تنفذي طلباته
انا في بداية الوسواس كنت مثلك والله الشيطان مايتركني في حالي إلا اذا فتحت في قوقل عن الالم اللي فيني
وتزيد المشكله عليه بالعكس ابداً والله ماارتاح

اشكرك اختي على الرد السريع..ولكن عندي استفسار هل الالم في المعده من الخوف ام مرض لاني اشعر بحرقه في معدتي وعندما بحثت كان هذا من اعراض سرطان المعده والله اني راح ابكي من الالم ماعرف هذا نفسي ام جسدي ..وشلون اطبق البرنامج؟

ي اختي والله انها أعراض نفسيه بأذن الله مافيك شي
مافيك إلا العافية ان شاء الله ارتاحي ولا تتعبي نفسك بكثرة التفكير والإستجابه لوساوس الشيطان
كثرة القلق والتوتر والتفكير تهيج القولون وتحسي بألالم في اماكن متفرقه بجسمك وهذا شي طبيعي
والحرقان كثييير يحسون فيه وحتى انا والله يجيني حرقان وهذا شي طبيعي بعض الاحيان يجيك الحرقان بسبب أكلات معينه
اشربي حاجات تخفف الحرقان

المشكله مو قاعده اكل شي بس اوسوس انها جرثومه في المعده
ان شاءالله يعطيج العافيه💕

اختي امينه الاعراض كلها من الشيطان والله اي عرض تحسين فيه طنشي انا كنت زيك لو صداع جاني خفت منه واسوس واقلق واتوتر
وبعض الاحيان يوسوس لي زي ماقلتي انه حقيقه مو وسواس ويزيد الخوف
طبقي البرنامج وباذن الله راح تتشافين
الله يشفيك ويشفينا يارب ويطول اعمارنا في طاعته

اختي افنان هل من الاعراض وقت النوم يكون في خوف؟

ايوا مره والنوم يكون متقطع وكله قلق

وعليكم السلام ورحمة الله وبركاته
ارجوا قراءة هذه المواضيع وتطبيقها حرفيا

علاج وسواس الأفكار

الخطوة الأولى

الخطوة الثانية

الخطوة الثالثة

الخطوة الرابعة

شرح كيفية التجاهل الكامل

التعامل مع تنقل الوسواس

الوسائل للثبات على الشفاء...

شكراً اختي زهره ان شاءالله ببلش اطبقه بس عندي مشكله حتى لو ما افكر بالوسواس احس اني من داخل مكتئبه!

اختي انا زيك عندي وسواس الموت والمرض والاماكن العامه لما اروح لها تجيني دوخه واقول شكلي بطيح واموت الحين واي احد من زمان عنه يكلمني احس انه يودعني وبموت نفس اعراضك بالضبط بس انا احس بدوخه كثير وانا ماعندي لافقر دم ولا ضغط واقول يمكن من الوسواس عشان افكر اني مريضه واوسوس والله تعبنا من هالوساوس اللي مو مخليتنا نعيش زي الناس لكن ربي كريم ويعيننا ع تطبيق العلاج والشفاء من عنده يارب

امينه حمد كتب:

شكراً اختي زهره ان شاءالله ببلش اطبقه بس عندي مشكله حتى لو ما افكر بالوسواس احس اني من داخل مكتئبه!

سيزول تدريجيا أختي طبقي البرنامج وتفائلي خير تجديه

اختي امينه الله يشافيك يارب ويعافيك
صح والله الإكتئاب كنت احس فيه في بداية الوسواس وحتى لما اطبق البرنامج مازال موجود
بس صدقيني والله زي ماقالت لك المشرفة زهره بيزول تدريجياً وبتنسي الأكتئاب مع الوقت
وبترجعي ان شاء الله طبيعيه كل اللي تشتكي منه انا مريت فيه وجربته كله بسبب الوسواس

والله كل اللي قلتيه مريت فيه حرفيًا خصوصا اذا احد كلمتي ارتعب وابدا افكر واذذا احد سولف وياي اقول اكيد بيصير شي
وكله كذب

القناعة بأن هذه الأفكار المزعجة إنما هي من الشيطان 90%
الاستعاذة بالله من الشيطان الرجيم ، ومعرفة كذبها 80%
اعتقاد نقيضها ثم الفرح بهذه النتيجة %50
التوقف عن الاسترسال معها وعدم الاستمرار بالتفكير بها %65
عدم تنفيذ الفكرة التي يلح عليها الوسواس 75%
ابتعد عن الوحدة والفراغ فهي أساس المشكلة 85%
إذا جاءتك الفكرة فأشغل نفسك بأمر آخر %65
استمر على فعل هذه الخطوات مع كل فكرة تسلطية 50%
ابتعد عن الحزن والانفعال وأكثر من الابتسامة %70
ابتعد عن الشكوى للآخرين وحاول أن تثني على نفسك كثيرا %100
يجب عليك أن تنسى المرض نهائيا ولا تجعله شغلك الشاغل 60%
إذا أحسست بأعراض الخوف فاطمئن واعلم أن ذلك من الأمور الطبيعيه 70%

هذا تقيمي ويعطيكم العافيه

انا الحمدالله ادري انها وسواس ومن الشيطان بس ساعات تشغل بالي وايد
اذا حسيت بضيق تنفس و الم في معدتي واذا احد قال سرطان ب اماكن انا اساسا اتعب منها اوسوس

جيد لنك وضعت التقييم وهذا في خد ذاته درع منيع يصد الوسواش ويعطيك البلبلة ويعطيك الثقة والجدية يالتطبيق واتك نل تسالي فقط يل تطبقين 
النسبة مبشرة بللخير 
ننتظر ترتفغ اكثر زيدي نت همتك

شكراً اختي مناي بس لانه مو قاعده اقعد بروحي والله وقت الفراغ يخليني اوسوس زياده..الحمدالله وان شاءالله يروح هذا الوسواس

إن شاء الله يروح
ولكن يحتاج مجاهدة 
الوحدة عدوك لازم تجدي لنفسك حاجة تنشغلي بها
اضعفيه بالذكر والاستغفار الدائم

صح والله ي اختي الوحده ابداً مو طيبه حاولي تشغلي نفسك
انا مثلك حسبي الله بس الشيطان احسه يترقبني وينتظرني بس متى اكون لوحدي لعنة الله عليه 😡
والله انه يضغط عليه بالأفكار وكل مره فكره جديده وسواس جديد لكن الحمدلله الحمدلله بعد تطبيق البرنامج
صرت اعرف له واتجاهل جمييييع الأفكار مهمها كانت سوا صغيره او كبيره
انتي مدام تعرفي ان الأفكار هذه كلها من الشيطان هذا الشي مرررره ممتاز وبيساعدك كثير بالأنتصار على الوسواس
ضيق التنفس والله هذا جداً طبيعي بسبب الوسواس ولو تبحثي في المنتدى تلاقي الجميع اشتكى من الضيقه
الله يقويك يارب وينصرك على وساوس الشيطان ويشرح صدرك ويفرج همك ويتم عليك بالشفاء عاجلاً يارب

السلام عليكم شلونكم.. طبعاً انا من اخر مره ولله الحمد ماوسوست وماصرت اقعد بروحي لانه ادري الوسواس يتغلب علي وانا بروحي..اليوم قمت من النوم وخالتي حلمانه ضرسها انخلع وكان في دم الحلم..وامي حلمانه ضرس بنت عمتي نصه مكسور وانا صرت اوسوس ويقولون الضرس بالحلم موت مادري شنو اسوي والله

هلا وعليكم السلام
الحمدلله..كيفك
امينه انا كان دائماً احلم بهذا الحلم والناس كلهم حتى ومايصير شي
وكنت اخاف واوسوس زيك وابكي بس الحمدلله ماصار شي
طنشي وتجاهلي
هذا الشيطان لقيها فرصه لك واستغلك طنشيه

السلام عليكم شلونكم؟
طبعاً انا الحمدالله بفضل الله ثم فضل هذا البرنامج ومساعدتكم راح الوسواس مني 100٪‏ لكن صار حالة وفاة وكانت فاجعه و رد وسواس الموت لي بنسبه 40% انا مابي اصير نفس السنه الي طافت وارد اتعب ابي الوسواس يروح وسمعت انه قبل رمضان تكثر الوفيات وهناك شجره تطيح منها اسامي الي راح يموتون هل هذا صحيح؟ بصراحه انا خايفه وكل ما اذكر انه توفى واهوا مافيه شي و كان نايم صرت اخاف اكثر واكثر

امينه حمد كتب:

السلام عليكم شلونكم؟
طبعاً انا الحمدالله بفضل الله ثم فضل هذا البرنامج ومساعدتكم راح الوسواس مني 100٪‏ لكن صار حالة وفاة وكانت فاجعه و رد وسواس الموت لي بنسبه 40% انا مابي اصير نفس السنه الي طافت وارد اتعب ابي الوسواس يروح وسمعت انه قبل رمضان تكثر الوفيات وهناك شجره تطيح منها اسامي الي راح يموتون هل هذا صحيح؟ بصراحه انا خايفه وكل ما اذكر انه توفى واهوا مافيه شي و كان نايم صرت اخاف اكثر واكثر

وعليكم السلام امينه .
انا مثلك والله , نفس الوسواس اللي عندك عندي , والحين انتظر بس متى اطيح واموت , واليوم قريت بتويتر انو واحد مات باثر سكته قلبيه وبدت الوساوس عندي والحين , انا احس جسمي تعبان ومافيه تركيز , واليوم يوم صحيت حسيت باختلال الانيه ما احس بنفسي كانوا بعالم ثاني , اليوم تعبت تعب بالنوم , وبكرا عندي اختبار وجداً خايفه .
واقول وش يضمني انا اعيش وافكر بافكار الله وكيلك مرعبه .
واحاول اسيطر عليها بس هي تسيطر علي .
واليوم بعد وانا اسولف مع صديقتي كل جسمي صار بارد واطرافي وحسيت بدوخه قلت ابد الحين بموت بس طنشته وصار تركيزي ع كلام صديقتي وراح .
ودي اعيش حياتي طبيعيه بدون خوف بدون قلق بدون وسواس .
والحين انا عايشه رعب انو شهر 8 تكثر الوفيات .
ابي حل وكلام يطمن قلبي ويريحه .

السلام عليكم
كيفكم بنات 
بنات بالنسبه للكلام الي تقوله ان شهر8 تكثر فيه الوفيات ترا معلومه غلط وليس لها اساس من الصحه هذا سوء ظن بالله وتشاؤرم انا اول كنت زيكم اخاف بس لما قريت عنها الحمدلله ارتحت وعرفت انه هذا كله من الشيطان
الله يشفينا يارب ويخفف عننا ويطل اعمارنا في طاعته❤