اعاني من وسواس المرض تكفون ساعدوني

السلام عليكم
الشهر مبارك عليكم اخواني اتمنئ تساعدوني بعد ربنا انا قبل ثمان سنوات احسست بكتله صغيره في الثدي ورحت المستشفئ صلحولي اشعه وعشان اخذ النتيجه جلست عشره ايام ومن بعدها وانا مصابه بوسواس المرض والله ثمان سنوات وانا مااحس ب الفرحه تجي مناسبات اخاف ويزرداد خوفي تمر اعياد احس اني بس شكل ابغا ارجع زي اول قويه والحين كمان احسست ب الم في الثدي وسويت اشعه الدكتوره قالت في تليف في الثدي وواحتاج مراجعه عليه انا من وقتها وانا لاليلي ليل ولانهاري نهار اصبت ب الجنون وفي حركه طوال وقتي في شي يخليني اتفحص الثدي لدرجه احسه يكلمني يقول فيكي الم في ذا المكان حسيه احاول اتجاهل مااقدر اضعف مره الناس سارت تلاحض ان يدي طوال الوقت تتحسس اخاف من ذا المرض بشكل فضيع ايش اسوي والله تعبت ومااخس بطعم الحياه انا مستعده اطبق كل شي تقولونه بس ابغا احد يحمسني واذا ضعفت يقويني اللي حولي كلهم مشغولين ويقولون موسوسه كرهت كل شي حتئ اطفالي موقادره استمتع معاهم وطوال وقتي احس بضيق اقول باقي ع موعد الاشعه كم شهر ايش ممكن تقول الدكتوره واجلس اخاف تعبت تعبت تعبت الحمد لله ياريت تساعدوني واعذروني كلامي مخربط بس انا جالسه اكتب اللي احس فيه

يارب تشوفون كلامي وتفيدوني

وعليكم السلام

اختي هونيها تهووون 
طبقي يرنامج الخبير بتفاصيله وقيمي نفسك كل يوم والاهم كل يوم تتقدمي ماتتراجعي 
اصبري وقاومي الوساوس بعدم الاصغاء لها ضرورررري بتتعبي في البدايه بس بعدها بتصيرين احسن من اول وراح تطون شخصيتك اقوى وهمتك عاليه وطموحه كل هذي واكثر بعد تتخلصين من الوسواس 

اهم علاج له التطنييييش 
كل ما وسوس لك تجاهاي الموضوع وركزي مع عيالك وزوجك واهلك واطلعي وانبسطي ولا كان فيك شي لانه شوي شوي بيختفي بس الاهم مهما جاك وسوس لك لا تستجيبي له

وفيه كمان كذا نقطه مهمه بقولك عليها

الله يسعد قلبك ي الاسطوره ويريح بالك المشكله في اصرار اني احس الثدي بيدي ب اي طريقه احاول ماامسك بيدي يخليني اتحسس ب اليد من فوق ب الضغط شي فضيع صراحه احاول ب اي شي اتحسس اذا مامسكت بيدي وفي النهايه اتحسس لكن مخي يقول صدرك يعورك ويخليني اشعر ب الم في الثدي مدري ذا خيال والا ايش ب الله عليك قوليلي ايش الخطوات عشان امشي عليها ومابنساك ب الدعاء في ذي الايام الفضيله

ربي اغفرلي كتب:

الله يسعد قلبك ي الاسطوره ويريح بالك المشكله في اصرار اني احس الثدي بيدي ب اي طريقه احاول ماامسك بيدي يخليني اتحسس ب اليد من فوق ب الضغط شي فضيع صراحه احاول ب اي شي اتحسس اذا مامسكت بيدي وفي النهايه اتحسس لكن مخي يقول صدرك يعورك ويخليني اشعر ب الم في الثدي مدري ذا خيال والا ايش ب الله عليك قوليلي ايش الخطوات عشان امشي عليها ومابنساك ب الدعاء في ذي الايام الفضيله

اول شيء شوفي الخطوات الاربع باعلى المنتدى عاليسار 
اقريها وافهميها وطبقيها بجددديه بدون تراجع خليك حازمه عشان تتغير حياتك احسسسن 

ثانيا:
اذا صرتي عند اهلك وسالوك عن نفسك قولي بخير بل باحسن حال ..حتى لوكنتي تتالمي
اللحين تروحي لاطفالك تلاعبيهم حتى لو قلقانه لاعبيهم واضحكي حتى لو غصب عنك وابتسمي دايم حتى لو تصنع 
وقولي بنفسك دايم انا بخير وباحسن حال وفرحانه 

هذي الاشياء تضعف الوسواس استمري عليها ومع تجاهلك له مهما قللك اقهريه لو يقول الي يقول اقهريه وقولي طززززز نعم طززززز ماني بملامسه بيدي 

باذن الله تتحسني بوقت سريع واجعلي كل يوم افضل من قبله

الله يستر عليك دنيا واخره ويريح بالك زي ماريحتي بالي احس اني اتشجعت من كلامك يارب قويني واتغلب ع الوسواس وابشركم بشفائي قادر ي كريم

معليش ماعرفت المواضيع الاربعه اذا ممكن تقولين اسمها

شوفي مكتوب عاليسار للمنتدى خطوات البرنامج العلاجي

هذي الخطوه الاولى اقرئيها زين

http://www.alkhabeer2.com/t23-topic


اعرفي ان حياتك ربي وهبها لك ملكلك 
استانسي فيها واشكري الله ولا يجعلي لابليس فرصه للوسوسه تجاهليه فهو يريد احزانك وضياعك

طيب تنصحيني اسجل في الدوره والا مايحتاج لان صراحه المبلغ موعندي بتسلفه اذا بيفيدني اما اذا زي ذا الكلام بحاول اطبق اللي قدامي ويارب تفرجها لنا

ربي اغفرلي كتب:

طيب تنصحيني اسجل في الدوره والا مايحتاج لان صراحه المبلغ موعندي بتسلفه اذا بيفيدني اما اذا زي ذا الكلام بحاول اطبق اللي قدامي ويارب تفرجها لنا

اختي انا لست امراءه ..ولكن لامشكله

اما نصيحتي لك افعلي المستحيل لاجل صحتك 
طبقي البرنامج الاسبوع هذا واذا حسيتي بحاجتك للدوره اشتركي من اجل صحتك فهي اغلى ماتملكين

الله يعطيك العافيه والله ماركزت الحمد لله ع كل حال

حاولت اني اطنش بس كان اقوئ مني ماقدرت اطنش احس بغصه في حلقي وبصيح احس اني تعبت موقادره اركز اللي انا فيه حقيقه والا وهم عزمت اني اكون قويه بس ماقدرت بل زدت الحمد لله يارب رحمتك

اتمنئ من الاخ اسطوره يرد عليا الحين انا مخي قام يضرب والضيق زاد عليا انا قلتلك ان فيني تليف مدري هوه التفكير فيه يخليني احس ب الم والا هوه يعورني وربي حالي زاد لدرجه احس ب الالم في راسي مجرد مااتخيل اني اضغط ع المكان احس ب الالم في مخي شي غريب اني اشعر ب الالم مجرد اني اتخيل اضغط عليه حاولت اني اطنش مره مرتين ثلاث والرابعه مقدر اصبر امسك ايش الحمد لله يارب