ان شاء الله يفيدكم

بسم الله الرحمن الرحيم
السلام عليكم ورحمة الله وبركاته
اخواني اخواتي
ساسرد لكم قصتي مع الوسواس القهري بالمختصر
اصبت بالوسواس منتصف عام 2005 تقربيا بداء معي بالصلاة بعدها الوضوء بعدها الاستحمام الي ان وصلت حاله غير طبيعيه الله اعلم بها حيث اقعد بالحمام تكرمون 12 ساعه وبعد مرور سنتين اظطريت اذهب الي استشاري نفسي عشان اجيب ورقه تبين اني مصابه بالوسواس لاني كنت بالكليه واثر على دراستي ورفضو يساعدوني بالدرجات واعاده الامتحان الا بورقه تبين حالتي المهم رحت اول مره طلبو مني موعد ثاني ورحت  وسبحان الله ستفدت من كلام الاستشاريه وطلبت مني الاستمرار معها  بس انا من غبائي تركت ومارحت يعني يمكن ثلاث مرات  رحت المهم بعدها حاولت اني اطبق الي قالته الي هو العلاج السلوكي وبعد شهرين تقريبا حسبت بتحسن  والحمد لله  وتحسن  كبير حسيت تشافيت 70 الى 80 بالميه وستمريت على هذا التحسن سنتين الا شي بعدي ردلي الوسواس مره ثانيه من  هالوقت كل ماله يزيد ويزيد واردى من قبل تزمت الله لا يوريكم عانيت تخيلو احس ماكو نوع من الوسواس مامر علي وحياتي  مادري شلون كنت عايشه انعزلت عن الناس حسيت بالوحده والاكتئاب والضيقه وكنت ابكي واجد دخلت على المنتدى بالصدفه قريت البرنامج العلاجي وكنت ابي اطبقه بس الشيطان وسوس لي وكل ما ودي اطبقه شي يردني للعلم انا وصلت مرحله اوسوس بالقراءه الي تحتوي على ايات واحاديث واذكار وكان البرنامج صعب علي كنت لما اقراه اطول واتعب وهذا الي ماخلاني اطبق ولما حطو دورات بالمنتدى اشتركت وبعدها قلت ببتدي بالعلاج وماطبقت مادري شفيني المهم حالتي تزمت حيل فظطريت اتناول الادويه بالرغم اني طول فترة الوسواس مافكرت انتاول كنت ودي اتخلص منه من غير ادويه المهم رحت عند احد الدكاترة المعروفين بالكويت المتخصصين بالعلاج الدوائي وصرفلي السيليباكس ودواء ثاني ناسيه اسمه مده قصيره يمكن شهر بعدين قالي استمري على السيليباكس حبتين بالنهار وحده بالليل لين وصلت ست شهور وخلال الست شهور حسيت بتحسن والله ما كنت اتوقعه الحمد لله تحسن كبييييييير بالنسبه لحالتي قبل ونفسيتي تحسنت وصرت اصلي بسرعه ما طول نفس قبل والوساوس قلت حيل وصرت اطلع واجتمع مع الناس والاهل حتى اهلي لاحظو التحسن وطبعا لازم قدر ما تقدرون تجاهلون لانه العلاج مو بس بتناول الادويه لازم مع الدواء تجاهل وانا بعد تناولي لدواء حسيت اني قادره اني اتجاهل من بعد الله سبحانه ثم من بعد الدواء والتجاهل حسيت بتحسن لا يوصف ولله الحمد يعني تشافيت تقريبا 80 بالميه الحمد لله وانا للحين مستمره ع الدواء بس ققل منه صرت اكل حبتين بالنهار وانا الحين صارلي تقريبا مستمره ع الدواء 9 شهور وعندي موعد اخر الشهر ومادري هل اتركه خلاص او استمر مده معينه
وحبيت انقلكم قصتي وما احسست به من تحسن لعل ان شاء الله افيدكم
لا تنسوني بالدعاء :) الله يعافيكم ويشفيكم من الوسواس عن قريب امييييين يارب العالمين

وين الردود
بسالكم هل الحين احتاج اطبق البرنامج تبع الخبير والا مايلزم ارجو الرد

أختي في الله أود أن أصحح لك خطأ ما .... انتي تكتبين إن شاء الله بدون همزة والمفروض تكتبينها بهمزة ... واتمنى لك الخير والشفاء =)

انا عندي واسواس اذا صرت في الشارع أعد المبات او السيارات او أعد كم خطوة مشيت وش نوع الواسواس تكفون ردو

يسلمو اختي على التنبيه

شفيكم محد رد على موضوعي ابي ردودتكم تكفون
عشان اعرف اذا ناقصني شي والا تمام

اخي سليمان اذا مشكلتك هذي بس انصح من اخت لاخوها حاول انك ماتعد يعني تجاهل طنش مهما وسوسلك الشيطان تجاهله ولا تعد خطواتك او السيارات هذي اهو علاجك التجاهل وبروح بسرعه إن شاء الله اما اذا استسلمتله وقعدت تعد ماراح تخلص منه وبتكبر مشكلتك ويطلعلك وسواس العن اسال مجرب والله يبعد عنك الوسواس

أختي هل مر عليك وسواس الاستنجاء وكيف تخلصتي منه