انا عندي أحاسيس غريبه لها شهرين مدري اسمه قلق
او وسواس او اكتئاب لان صارت لي هالحاله بعد موقف يعني بعد الموقف بيومين دخلت في هالدوامه ، احس أحاسيس وتجيني أفكار غريبه تزعجني مو فاهمتها ومو عارفه اشرحها حتى يعني صار أتفه شي يخوفني ويضيق خلقي ، صرت اشيل هم اذا كنت بطلع مكان او مشوار اخاف تجيني نفس الافكار اللي عندي اللي احس ان الحياة حلم او اني اذا شفت فلان او اي احد اكتئب
صارت بعض السواليف تضايقني وعيال اختي الصغار اللي احبهم مرررره احس اذا شفتهم بكتئب مع اني احبهم مره وانقهر من شعوري هذا ويضايقني جدا ،
وكل الاشياء اللي احبها قبل شهرين كرهتها ، وصرت اخاف من اي مشكله ومن اي ردة فعل ومن اي نقاش حتى لو كان شي عادي جداً ولا يُذكر ، حتى بالنوم الاقي صعوبه وما ارتاح بنومتي .. وظيفتي تركتها لاني اخاف تجيني الافكار وانا بالدوام .. صرت اخاف اروح مناسباتي او عزايم لنفس السبب اخاف يضيق خلقي وتجيني الافكار الغريبه وأبكي عند الناس او اصرخ او ادوخ ، انا مادري ليش فجأه صرت وحده ثانيه مو الانسانه اللي قبل كم شهر .. ما انبسط بشي وكل شي ماله طعم واقول كيف الناس تضحك كيف الناس تنام كيف الناس تاكل انا مو كذا انا صرت وحده مو طبيعيه ومو فاهمه ايش اللي فيني ، حتى احيانا لما أغمض عيوني بنام تتصور قدامي صور مدري كيف كأنها العاب او أفلام كارتون اشياء اول مره اشوفها تسبب لي ازعاج واحس اصدع منها ، احد مر في هالشي ؟؟؟؟؟