برجاء المساعده فضلاً وليس أمراً

قصتي
 أنا عندي وسواس من فتره 
بالظبط من بعد وفاة أمي أنا ولدتي متوفيه بقالها 9شهور وكانت حياتي قبلها لا يوجد شئ خالص وكانت أيام جميله من بعد الوفاة بدأت الحكاية بالخنقه العاديه الضيق الزهق العياط المستمر الخوف الوحده أنا أجلس في شقتي لوحدي بس كنت عادي وبصلي الحمد لله بس بدأت معي من نصف رمضان وأنا بصلي بدأ التفكير والوسوسه كنت معترض وزاد معي إزاي أني أفكر في كده وبداء في وسوسه في الدين والعقيدة وحاجات أستحي أني أقولها وأقول إيه ده إزاي كده وأنا بفكر ليه كده وزن في ودني وأخاف أقول لأخواتي وكنت أقول إني مخنوق وحزين بس بعد كده قولت عشان الموضوع متعب ومهلك جدا قولت يشاركوني في إللي أنا فيه الكل قال طبيعي عشان لوحدي وكده ولسه لم أتزوج بس لم أحد بيحس بالبتلاء غير إللي موجوع منه انا مكنتش حرفياً مبعرفش أنام وكنت بقعد بالاربع أيام صاحي وحزين جدآ أقول لا حول ولا قوه الا بالله ويزيد الحزن والضيق ونفسي والدماغ فاضيه من كتر التفكير الموضوع صعب شويه من بعد ولدتي لأني مرتبط بيها جدا وقولت مش هتجوز كفايه أني معاكي أنا ببقي كويس بعض الوقت أو لما ألقي حاجه تهديني ألقي نفسي مطمئن وأرجع تاني ويزيد والأفكار بتتغير او ومش معقول أني أفكر فيها ألقي الخوف والتوتر والضيق والاكتئاب أمتي يعدي اليوم ويخلص من كتر التفكير وبيصعب عليا نفسي كتير وكمان كل ده حصلي من بعد وفاة أمي 
أنا آسف جدا للاطاله
برجاء المساعده الحل عشان الواحد نفسه يرجع طبيعي كما كان وأقول لنفسي الموضوع بيزيد ويوم بيجيب يوم أنا هفضل كده لحد ماموت

وعليكم السلام ورحمة الله وبركاته،
 رحم الله والدتك وغفر لها وأسكنها فراديس جنانه وكافة موتى المسلمين.

ولتعلم أن أغلب حالات المس -وغيره- تقع في حالات الإنفعال الشديد (غضب شديد أو فرح شديد أو حزن شديد أو شهوة...)
وذلك لأن الشيطان -في مثل هذه الحالات- يكون أقدر على الإنسان منه في حالته (أي حالة الإنسان) العادية
وشرعت الإستعاذة عند الغضب، والشكر عند الفرحة والنعم، والدعاء عند جماع الزوجة حتى يسلم الإنسان من كيد وتسلط الشيطان في تلك الأوقات (فيجمع الإنسان بين السلامة والأجر)
والذكر عموماً مجلبةٌ للخير والأجر ودفع للضر والأذى

ولعل حزنك الشديد على والدتك رحمها الله قد جعلك في حالة تمكن الشيطان فيها من إستغلالها كثيراً، فأضعف قلبك أكثر ودخل بك في حالة الإكتئاب هذه.

وعليه، أنصحك :
- بالمحافظة على أذكار الصباح والمساء
- ولا بأس من المداومة على إستماع الرقية يومياً حتى تذهب عنك هذه الحالة
- وداوم على الدعاء لوالدتك في كل صلاة (ولو أن تكون دعوة واحدة)، فهو أنفع لها (حيث هو زيادة في الأجر حتى بعد إنقطاع عملها) وأنفع لك (لما يتقوى به القلب من الدعاء)

وأسأل الله أن يذهب عنك هذا الأذى وأن يشفيك شفاءً تاماً