الحمدلله تشافيت:)

بسسسم الله الرحمن الرحيم
أول شيء الحمدلله حتى يبلغ الحمد منتهاه تشافيت من وسواس الخوف من الامراض والموت هذا بفضل الله ثم الخبير النفسي
إستمريت بخطوات العلاج في المنتدى وأنا لم أشترگ في الدوره وأسأل الله الكريم أن يجزاهـ خير الجزاء ويسعدهـ في الدارين ،
أخي الخبير كلمة ششكراً لاتوفيگ حقگ ولكن لا أنسساگ من دعواتي بظهر الغيب.

الف مبروك ونسأل الله ان يثبتكم على شفاء

مبروووووووك الحمدلله

حبيت اسالك اختي فترة العلاج يوم قربتي تتشافين بفضل الله ثم العلاج وش احاسيسك وكيف انتقلتي من مرحلة لمرحله ممكن تتكلمين عن الي صادفك لو ماعليك امر ؟

اختى كن معي

اولا ان سؤالك عن مدة  العلاج وسواس وان انتظرتي العلاج فسوف يطول معك
ثانيا لايوجد احساس عند انتقالك من انسانه مريضه بالوسواس الي انسانه سويه
وهذا ايضا وسواس ياتي الشيطان قبل ان يمن الله عليك بالشفاء ويقول لك هل تتوقعين انك ستكوني سويه
لا بالطبع ستموتي على هذا الوضع اعتقد ان الشفاء صعب ويدخلك في مهاترات واشياء مالها نهايه صدقيني

اريد فقط ان اقول لك ان ما انتي فيه وسواس ووقت التعافي وقبلها بلاشعور تجدي نفسك تفعل الاشياء التي كانت تحبها
يقل التفكير في الوسواس فتجدي نفسك تفكري فيه في يومك ساعتين مثلا ويختفي عنك
يبدء احساس الخوف يختفي
يبدء عقلك بالتفكير بايجابيه وكل شي يعود الي طبيعته سبحان الله بل وتشعرين بسعاده في كل شي سبحان الله
انا لم انتبه انني شفيت بعد شفائي بيومين وجدت نفسي منطلق ولا اعلم ان الوسواس ذهب ولم يعد

اها يعني راح احس كاني صحيت من حلم مثلا وامارس حياتي عادي بدون مااقول يمكن بس فترة وبدون هواجس ابد

تدرين
ممكن تحسين انك صرتي سويه بعد يومين
راح تتذكري تقولين انا كان فيني شي وش هو مدري
وتتذكري تقولين ايه انا كان معي وسواس وينه هههههههههههههههه
والدليل على كلامي اكثر الناس الي كانت هنا وربك شفاهم نسيوا الموقع كله هههههههههههههه
والله تلقاهم ما يتذكرون الموقع غير كل سنه مره ههههههههههههههههههه ويمكن ما يطري ببالهم اصلا

الله يسعدك وربي ضحكتني ههههههههههههههه
ان شاء الله كلنا جميعا ننسى المرض والهم والتعب ولا راح ننسى بعض من الدعاء بظهر الغيب

ربي يجعل السعاده عامره ودائمه عليك ولا يجعل لك للحزن ططريق ابددد << دعوة جدتي ههههه

يشيخه يوم اشوف تضحكين وتنسين ابو الاوهام استانس والله
وربي انه وهم لو تعاملتي معه على انه وهم وبيروح بتشدين حالك
ام انه اللعين بس يقولك فكره مزعجه تناقشيها براسك كبرت ام الفكره وصارت هالكبر ودخلنا بمتاهات الوسواس
ام لا جت الفكره وقلت هاه وسواس اقطع الفكره وخلاص
والله كنت اسويها اجلس بس تجي الفكره واحس نفسي بديت استرسل معها اقول سعيد هاه في نفسي طبعا
وبسرعه افكر باي شي ثاني اي شي افكر في الكراسي الي قدامي الشجر اي شي
وبعدين كل ما جا الوسواس تذكري سعيد وكلامه
تذكري كلمه قالها ضحكتي كذا يعني

وباذن الله ربي بيشفيك وراح تحسين السعاده والفرح ولا تخلي الشيطان يلعب عليك ويقولك
انتي بتموتين كذا وهذا مرض صعب ونفسي ومدري ايش
خالق الروح قادر بكلمة كن فتشافت ورجعت افضل من حالها الاول اما ابو الاوهام بيحب يشوف الانسان يائس

أي والله صادق عاد انا ابو الوسواس فيني اصلا قبل بس باذن الله ماراح يستمر بعون ربي
وكل الحيل مهما صعبت علي بواجهها ان شاء الله

هذي ثاني مواجهه لي من بعد فترة الدراسه وزي ماتغلبت وتخرجت راح اخرج من هالهم والضيق يا رب

كان معك قبل وتخلصتي منه ؟؟

لالالا بس انا طبعي اوسوس يعني حريصه بكل شئ واقلق مثلا اذا قدمت اختبار وكنت متاكده اني بنجح اجلس اوسوس لا يمكن احمل الماده وكذا

لكن اول مرا اتعب كذا وبهالشكل

وسواس الموت صعب لانه من الغيبيات

لكن التجاهل معه مع الصمود والمواجهه فيه الشفاء بعد التوكل على الله عز وجل

صح كلامك خصوصا اني اتاثر باي كلام حولي وحساسه لابعد حد احزن على البعيد قبل القريب ويضيق صدري بسرعه

بس الحمدلله على كل حال وكل شئ من ربي خير

ايمانك قوي وربي راح يحفظك ويشفيك

اللهم امين

السلام عليكم ورحمة الله وبركاته ..
بصراحه انا مو عارفه فين اكتب قصتي اول مرا ادخل منتدي واكتب ف اعذروني ..
انا مو عارفه الي فيه وسواس ولا ايش لانه جاء فجأه اول ماجاني كنت نايمه وكان فيه شئ  صار ليه صحيت احس نفسي مو انا وحلمت حلم مزعج مع انه كلمت مفسر احلام وقال حلمك خير لك ان شاءالله بس برضو كنت خايفة من الحلم قبل الحلم كان عندنا ف البيت عشاء وتعبت بصراحه يومها وكنت وقتها اتكلم عن نفسي كثير ف جاء ف بالي انها عين لانه من جد احس نفسي مو انا تعبت تعب مايعلم فيه غير ربنا والحمدالله كان عندي خفقان ف القلب وضيقه وخوف واحس نفسي حموت وقله نوم لدرجه جلست سبوعين مانمت واستخدمة ادويه منومه برضو انام قليل واقوم مفزوعه حاليآ انا الحمدالله انام كويس ومااحس بفزع بس عندي خوف من ايش ماادري رحت لكذا شيخ واخذت من الناس الي حسيت انهم اعطوني عين والحمدالله مع انه هذا الخوف من انا صغيرة ودحين رجع ولمن اشوف ناس اشكالهم غريبه اخاف قبل يوم شفت واحد يشحد وشكله مخيف ولمن انام ف غرفه مافيها نور مااعرف انام ولازم يكون احد ف الغرفه عشان انام ولا اجلس طول اليوم صاحيه مع العلم كنت احس انه حيسير شئ قريب بس ايش ماادري وكنت وقتها خايفه من الجاى وسبحان الله حصل وكم مرا افكر بشئ يحصل نفسه كان معايه ولا مع غيري والبرنامج العلاجي قريته كذا مرا بس مافهمته ياريت احد ييلخصه ليه ويفهني هو وان شاء حدخل الدورة بأذن واحد احد ..وربنا يسعدكم ويحقق لكم كل ماتتمنو ويرجع لكم وليه السعادة الي مابعدها هم وحزن ويحفظ لكم كل غالي يارب ..اعتذر اذا طولت ف الكلام ..وشكرآ لكم ولاخوي خبير النفسي 2.

اعتذر اذا فيه اخطاء .. ممكن الاسم يتغير بس يكون دعاء وكمان ليش المدينة تكون واضحه من جد فضايح وربنا مايفضح مسلم يارب ياريت تتغير وشكرآ.

الحمدلله وبالخير عليك وربي يوفقك وينصرك لا اله الا الله

الحمدلله على العافية يستاهل ربنا حمد وشكر سجدة حمد وشكر لله في تذلل ورغبة بالمزيد من الخير ( مبروك )

دعاء عادل كتب:

اعتذر اذا فيه اخطاء .. ممكن الاسم يتغير بس يكون دعاء وكمان ليش المدينة تكون واضحه من جد فضايح وربنا مايفضح مسلم يارب ياريت تتغير وشكرآ.

أهلا وسهلا أختي الكريمة
أولاً موضوعك بالمكان الخطأ !!
ولن نقدر أن نجيبك هنا !!
لذا عليكِ أن تعيدي كتابة موضوعك مرة أخرى في قسم الأفكار المزعجة
حتى نرد عليك بشكل منفصل و خاص بكِ
وليس ضمن موضوع أخر !!!

ثانيا أنتِ من اختار الاسم ولسنا نحن !!
وطبعا ممكن أن نغيره لك لو أحببتي فقط ردي عليه وسأغيره لكِ
و معرفة المدينة تهمنا في الإحصاء وبإمكانك أن تكتبي أي مدينة وليس شرط مدينتك
الأمر كله عائد لكِ
وأين الفضائح التي تتكلمي عليها ؟؟؟؟؟
سامحك الله وعافكِ