موضوع: ساعدوني ياأخوان من هذا الوسواس والحل؟ 2015-01-08, 9:58 pm
السلام عليكم ورحمة الله وبركاته... الحمدلله والصلاة والسلام على نبينا وحبيبنا محمد.. بداية الحاله معي من عام 1427هـ , بدا معي بتسارع دقات القلب والخوف من الموت وحتى النوم ماانام زين اخاف انام واموت رحت للمستشفيات فحصو علي وقالو لي انك سليم من كل شي وبعد كلام الدكتور حسيت اني مرتاح ومبسوط بغيت ابكي من الفرح ورجع لي تسارع دقات القلب ورجعت للمستشفى واذا دخلت على الدكتور احس مافيني شي ماادري وش اقول للدكتور وحاولت اقوله حالتي وخفت انه يقولي فحوصات او تخطيط للقلب وتخوفت وصرت اضحك وامزح مع الدكتور عشان يقولي انت بخير وسليم وبعده قلت له عن حالتي وقالي اذا جتك هذه الحاله حاول انك تنسى ولا تخاف لايغلبك التفكير وصارت الحاله معي دائمه وبعد سنه دخلت الدوره العسكريه وكنت خايف اوقف بالشمس واحس نفسي بيغماء علي واخاف من التدريب ان يمكن يوقف قلبي من شدة التدريب ومرت السنه وتخرجت وصار المرض معي روتيني تعودت عليه لين بدا يخف عني واذا رجع لي هذا المرض اتذكر انه مرت سنتين بعد المرض وتدربت بالعسكريه ولا جاني مرض ولا اغما علي ولا صار شي وبعده اذا تذكرت صار يخف معي وبدا المرض يخف لين صار مثل الخوي معي وكل سنه يختلف معي هذه اللي فيني مره وجع بالبطن ومره الام بالرأس ومره احس فيني ضغط ومره احس فيني مرض ومره اخاف من المستقبل ومره احس اني بدوخ ومره خفقان بالقلب واذا حاولت اروح للمستشفى وقربت للمستشفى احس ان مافيني شي ارتاح واذا رجعت للبيت جاني ,المهم الان معي خفيف اتحسس من الكلام سريع الانفعال واحيان اشك بااهلي واحيان افكر بالماضي واتضايق واحيان اذا خفت من شي قاعد افكر فيه من مرض وازيد التفكير وازيد التفكير يزود معي واحس بتسارع القلب واحيان خفقان واذا رحت للمستشفى وكشف الدكتور علي يقول معك خفقان ولكن اذا رجعت لك هذه الحاله لازم تراجع دكتور النفسيه وانت اكيد انك خايف من شي عشان كذا خفقان معك واعطاني حبوب لتهيج القالون العصبي لان بداية هذه الحاله قالي الدكتور معك قالون عصبي ولا تفكر , انا كل سنه يتغير الوسواس معي وصار طبيعي معي تعودت عليه بس ودي انساه وارتاح منه , مع اني بالنادي وتمارين لمدة ساعتين وطبيعي واذا جاء بالليل اتذكر ان تمرنت وافكر ليه ماتعب قلبي او دخلت وبعده ازيد افكر ويجيني ياتسارع الدقات او خفقان ,, وفيه زملاء لي وولد عمي فيهم نفس اللي فيني واذا شكو لي اللي فيهم ارتاح واحس اني توي مولد ومتعافي ماكن فيني شي وصرت احبهم وارتاح اذا شفتهم واذا جاني هذا الوساويس اتصل عليهم واقولهم وهم يقولون لي حنا مثلك يجينا خفقان وتسارع واحيان نحس فيني مرض وبعد كلامهم ارتاح ,,طبعا انا قلت لكم المختصر حالتي له تقريبا 10سنوات بس السنين الاخيره احيان اتغلبه عليه واحيان يجيني بالشهر مره يعني خف مو مثل اول ولكن ابي تساعدوني ابي اتخلص منه في أي طريقه ..دعواتكم لي وعندي زواج بشهر 5 .. واللي بيساعدني بدعي له من قلبي اللهم صل وسلم على نبينا محمد
dana11333
عضو مميز
معلومات إضافية
عدد المساهمات : 281
تاريخ التسجيل : 19/07/2014
موضوع: رد: ساعدوني ياأخوان من هذا الوسواس والحل؟ 2015-01-08, 11:19 pm
وعليكم السلام اخي اللي فيك وسواس قهري وانا اعاني منه ايضا والوسواس عموما اعراضه كثيره منها خفقان بالقلب دوخه جفاف بالحلق بروده وحراره بالجسم غثيان وغيره كثير اطمئن انت بخير هذا الرابط سيفيدك بإذن الله