السلام عليكم و رحمة الله و بركاته ..
كل يوم ادخل في وسواس جديد و هذا كله لاني قاعده استسلم للوساويس بدل لا اتجاهلها بس والله مب بايدي ..
انا ضعيفه جداً أمام الوسواس.
يوم اتوضأ لازم اتوضأ في مكان متعوده عليه ! مب مثل الناس اللي تتوضأ في أي مكان
و اذا خلصت اقول انا ما توضيت !
و اذا ييت اصلي مليون فكره في راسي ما تخليني اركز و اشكل في الركعات
ما اشك اني زدت في الركعات اشك اني نقصت في الركعات.
و اذا تأخرت عن صلاه معينه و ييت اصليها عقب مثلاً صلاة الظهر احياناً اصليها بعد وقتها ب ساعتين
و احياناً اكون نايمه ف اذا قمت و جمعت ييني احساس ثاني اني ما صليت اللي فاتني و تعمدت اتركها.
في شي فيني يقولي تجاهلي مستحيل كل يوم انسى كل يوم اوسوس بس ماقدر اتجاهل والله تعبت :(
و وسواس الطهارة ! كله احس اني نجسه
يمكن من بدأ رمضان و انا متغسله أكثر من مرة بس عشان اطمن قلبي :(
اوسوس اني احلف و انا ما احلف ! و على اشياء تافهه جداً :(
امس عقب الفطور فجاءه حسيت باحساس ثاني ان مافيني توازن و ان النفس عندي وقف !
و من عقبها و انا خايفه ترد لي نوبات الهلع .. :(
تعبت والله و تعبتكم معاي :(