السلام عليكم
ياناس انا مدري شنو صايرلي قبل سنه كان عندي وسواس في الضوء والحمدلله تخلصت منه والسنه هذي صاير عندي وسواس جنابه يطلع مني افرازا ماعدت اعرف هل هي مني او مذي او ودي او شنو بالضبط
عندي افكار جنسيه تخوفني احس اني ابي ابكي اذا جتني وماقدر اتخلص منها ويطلع مني افرازات بعدها لونها ابيض مائل للصفار ومدري هل هو مني يجب ان اغتسل منه او مذي او ودي ؟ والله بجن بس ابكي ومحد يدري عني
افكار جنسيه احس احد يسوي معي الجنس واعصب وتنزل هالافرازات حتى اني اعيد الغسل احيانا مرتين ومرات مااغتسل بس ماتروح الافكار الجنسيه وهالتخيلات الغريبه ولا تروح هالافرازات ياعالم ساعدوني والله صرت اتمنى وسواس الوضوء يجيني ويروح هالوسواس اللي بنظري اكبر منه وش اسوي هل اغتسل اذا شفت هالافرازات بعد الافكار الجنسيه ولا لا؟ < اهم سؤال في الموضوع
وخايفه يجي رمضان وانا على هالحاله مدري صيامي بيصير صحيح وصلاتي ولا يبطلون
اسفه على الاطاله تكفون ساعدوني جزيتم خيرا