سؤال ممكن !

السلام عليكم و رحمة الله و بركاته 

عندي سؤال .. !

أنا مصابه بوسواس الموت و كل شيء من وضوء ، صلاه .. الخ !!

بس قبل فتره ليست كثيره زاد عليه الوسواس بشكل كبير جداً .. 

يعني قبل كان بس احساس اني بموت ، بس الحين في أعراض وايد و هالشي مسبب لي رعب 

فجاءه القى نفسي خايفه و ابا اشرد من المكان اللي يالسه فيه 
احس بطني يعورني و جي كأنه فاضي 
أحس صدري يعورني بالقوو 
و ماقدر ابلع ريقي احس في شي بيستوي فيني خلال دقائق !!

و ساعات أصلا أكون مافكر في الوسواس ابد بس تيني هالأعراض
ف هالشي مخليني اشك ان يمكن فيني مرض ؟

و سؤال ثاني !!

يستوي ساعات ان مثلا يستوي معاج موقف في مكان
ف خلاص تلقين نفسج خايفه ان يصير هالموقف مره اخرى !

يعني انا مثلا كنت في الباص راجعه البيت
فجاءه حسيت مافي اكسجين و اني خايفه حتى من الخوف كنت ابا اتصل في اختي اقولها مش قادره اتنفس 

ف الحين كل ما اركب الباص ييني هالخوف و اخاف وايد :(

يعني لما اشوف البنات كيف في الباص و عادي عندهم ازعل لاني مب مثلهم 
مع اني ما اجلس يعني و لا اسوي ششي 
لا اتابع مسلسل  او اشوف فوني بس بعد فيني خوف مش طبيعي والله ..

هل هالشي هو نوبة الهلع ؟

انزين ليش كثرت هالفتره ؟ 
قبل ما كانت تيني أبد !

و كله احس مافيني توازن أبد ! و ما فيني قوه و فيني شي خطير .. 

مع اني الحمدلله ارقي نفسي كل صبح مع اذكار الصباح و المسا
و من فتره بديت اقرا سورة البقره 
و اسمع الرقيه قبل لا انام 

يصير معاكم هالشي ولا ؟

نعم هذه نوبة هلع
النوبة يسببها أحيانا القولون 
وأحيانا يسببها كثرة الخوف وبدون سبب أو الخوف من الموت 
والتجاهل هو الوحيد من يوقفها مع تمئنة النفس

عندك وسواس العبادات ووسواس الأفكار .
يمكن بالخصوص فوبيا الأماكن المغلقة وتظنين أن الأكسجين راح ينسحب من المكان .
لا تخشي شيئا وتجاهلي كل هذه الخرابيط تراها كبيرة منك نت مكبراها وعاطيتها وش .
راجعي برنامج الافكار بخطواته الأربع .
وكذلك برنامج العبادات .
وأعملي التقييم ...
زيادة الوسواس تعدود لشغلة هي أنك لما تبدئي العلاج والتطبيق للتخلص من الوسواس وفجأة تتوقفين لي سبب ترجع الوساوس بشكل اشنع من الأول ويهاجمك من كل الجوانب لأن ساحة المعركة تركتها مفتوحة على الآخر.
الآن لا تتركي العاج مهما حدث حتى تخرجي ناحجة ومتعافية تماما من كل الوساوس .
كلها وليس بعضها .