السلام عليكم لدي وسواس في الوضوء فأنا اطيل في الوضوء وخاصه في وجهي بحيث اني اغسل رموشي !! واحاول ادخال الماء الى الحواجب و كذلك ابالغ عند حدود الوجه وايضا في مسح الاذن وكذلك عندي وسواس لما ابغى اكبر لتكبيرة الاحرام " ياإلهي رحمتك احسها صعببه ماتطلع احاول اطلعها بسهوله مثل ماانطقها خارج الصلاه لكني اعلق اذا اردتها للصلاه ..شئ غريب ! ومو بس عندي صعوبه في تكبيرة الاحرام بل في اكثر موضع في الصلاه .. خلاص صلاتي اصبحت مافيها خشوع كل همي مخرج الحرف و.. تعبببت جدااا دائما اذا رحنا مسجد اقعد اطالع الناس كيف يصلون بسهوله . ماشاء الله عيلهم . ماقصدي احسدهم ودي اكون مثلهم الحين موعد صلاة الفجر قرب وانا الخوف بدأ يلمني ساعدوني جزاكم الله خير انا في هم مايعلمه الا الله
تفاؤل ,,اسمك رااااائع وان شاءالله يكون اسم على مسمى
تفاؤل كل ماتفعلة افعال وسواسية 100بالمية فوالله اني مثلك كنت اقول احس حدود وجهي مايوصلها الماء وووو ولكن والله ولله الحمد والمنة صرت اتجاهل وماالتفت مع ان احيانا اخفق ولكن مرررة بالشهر توضأ الوضوء اللي تعلمته وضوء لافيه تنطع ولا شيء انا الأن اغسل وجهي يوسوسلي هذا المكان ماجاتله مووية ومدري ايش طنننااااااااااش لو التفتله مرررة على مررررة راح اصبح اسيرة للشيطااان افعل مثل مافعلت ولاتعطيه مجال يسيطر عليك ولاتطييل المكوووث بالحماام وبالنسبة لتكبيرة الإحرام كنت زييك والله اتعب فيهاااا لدرجة احس نفسي بأبكي ولكن اوقف مع نفسك وقفة حااااازمة واعززمي على انك ماتعيدي ولا شي لاوضوووء ولا تكبيرة ولاصلاااة كبري مرررة وحدى (الله اكبر )وسوسلك ماقلتيها صح نقصتي حرف مدري ايش لالا لاااااااااتلتفتيوكذلك افعلي مع كل ماتوسوسي فيه اهم شيء إنك تتجاااهلي من غير ماتقنعي نفسك التجاهل مع الإقناع يؤخر الشفااااء هكذا عرفنا من الخبير النفسي يعني لما تتوضأء يجيك ابليس يوسوسلك هذا المكاان ماغسلتيه طنشي بدوون ماتقنعي نفسي وتقولي الا غسلت انا متأكدة وانا وانا لاااا لاتقولي ولاتقنعي نفسك خلاص طنننشي ولاتسترسلي مع الفكرة ابدا يعني لاتجعلي نفسك في نقاش بينك وبين وساوس الشيطان ولاتنسي تطبيق البرنااااامج طبقيه نقطه نقطة ولا تتراااجعي مهما صااااار وكل مازاد ضغط الوساوس عليك ثقي تماما انك ماشية بالطريق للشفاااء بإذن الله فلذلك عندما يراك قوية يزيد بالضغط عليك انتبهي من هذي النقطة
اكثري من الإستغفار اكثري من قول لاحول ولا قوة إلا بالله قولي حسبي الله لا إله إلا هو عليه توكلت وهو رب العرش العظيم سبعة مرات واقرأي الفاتحة سبعة مرات على قلبك وكمان معاها ايات السكينة تحصليها بقوقل والله يفرج همك ياااااااااااارب
قوليها مرررة وحدة من غير تعب وولاشيء على طول تقبلي القبلة ولاتفكري بشيء عودي نفسك انك اول ماتوقفي تقولي الله واكبر على طووول مهما عانيتي وزاد عليك التعب على طول كبري
لا بد قبل وضع الاستشارات من قراءة البرنامج العلاجي كاملا لأنه يختصر عليك الكثير من الأسئلة ويريحك أكثر من إجابتنا عليك .
وبالنسبة للتكبير فيجب عليك ان تهدا قبل الصلاة ولا تكن متوترا لأن التوتر يصعب عليك التكبير ولذا يفضل أن تكون هادئا مطمئنا بأنك ستكبر للصلاة دون مشقة أما إن أتيت للصلاة وانت متحفز وخائف من التكبير ومستحضرا المشقة التي تعانيها يوميا فبالتاكيد ستشعر بصعوبة .
منتديات الخبير النفسي 2
موضوع: استشارة بخصوص وسواس ( الوضوء ، التكبير ) 
