لين متى وحنا كذا لازم نتغير

بسم الله الرحمن الرحيم

السلام عليكم ورحمة الله وبركاته

ياخواني وياخواتي لين متى وحنا كذا يعني راضين باللي يسويه فينا الشيطان ؟ لا مو راضين الحمدلله لازم نتغير .

* الشيطان افسد علينا التلذذ بعبادة الله وطاعته ، وافسد علينا حياتنا .
* كنت اخشع بصلاتي واتلذذ بعبادة الله ، وكنت بكلية الطب وجلست فيها اسبوعين وفصلت والحين لي اربع سنوات عاطل ، الحمدلله راضي بقضاء الله وقدره .
* رحت لمستشفى الامل بالرياض ورحت لمستشفى شهار بالطايف .. لي اربع سنوات وانا اكل العلاج ، اتوقع العلاج مهديء يعني مايشيل الوسواس نهائيا و العلم عند الله ، انصح اللي ماقد اكل علاج نفسيه لا يأكله و الله تعب تعب تعب .
* يعني اعتمدوا على الله ثم على انفسكم .


انا قررت ثم قررت ثم قررت اغير نفسي و حياتي مليون بالميه او ترليون او الى عدد غير محدود 

من بعد الموضوع هذا ببدا ان شاء الله في تطبيق العلاج اللي في المنتدى و الله ثم و الله ثم و الله لغلب هذا الشيطان والوسواس ان شاء الله 

وبإذن الله تشوفون تقييمي الليله وماراح تصدقون لان عندي ولله الحمد ثقه بالله قويه جدا وعزيمه .. خلاص تعبنا تعبنا من الوسوسه لين متى لين متى 

انا تقريبا معي كل الوسواس 


دعواتكم

السلام عليكم
أخي مبروك لك هذه العزيمة القوية أنا أعاني من وساوس كثيرة جدا و تعبت كثير ؟؟ماذا تنصحني

اختي زهرة الامل اول شي توكلي على الله وادعي انه يوفقك وييسر امرك 

ثاني شي حطي براسك انك بتغلبين الوسواس بإذن الله  الله الشافي وحده لكن لازم الفعل بالاسباب .. 
بعطيك مثال 

يعني نعلم كلنا ان الرازق هو الله وحده ، جاء شخص وقال الله الرازق عشان كذا مابي اتوظف وبتجيني فلوس للبيت الله بيرزقني .. نقول له لااااا لازم تفعل بالاسباب اذهب ابحث عن وظيفه و الله يرزقك ان شاء سبحانه 

هذا المثال ينطبق على الوسواس فعشان كذا لازم نجاهد في الشيطان والوسواس نقدر نقول الله بيشفينا وماراح نجتهد ونحارب الوسواس هذا خطأ لازم نعمل بالاسباب ونجتهد ونحاربه ونقاومه 


الله قادر على كل شي بس الله امرنا بالعمل بالاسباب




انا يطلع مني قطرات بول الله يكرمك ويكرم من يشوف  احيان تطلع عشان كذا ماراح اغسلها ولا افكر فيها لانها فوق استطاعتي لاني لو جيت بغسلها راح اوسوس فيها وبتعب ومشقه عشان كذا بتوكل على الله واتركها حتى لو طلعت بعد الوضوء ماراح اعيد وضوئي لان فيها مشقه وتعب لاتقولون انت توسوس مايطلع قطرات بول مستعد احلف انه يطلع قطرات  انا شايف القطرات بعيوني وعشان كذا حتى لو جتني اي نجاسه ثانيه ماراح اغسل لان فيها مشقه كلنا نعلم ان الله رحيم عشان كذا ان شاء الله بيرحمني سبحانه

بالفعل الين متى وحنا كذا !! الله يفرجها