صرحاء الايمان يقهرون الشيطان2

بسم الله الرحمن الرحيم وبه استعين وعليه اتوكل وبه التوفيق ومنه السداد والرشاد والهدايه والعصمه وله الفضل والمنه وصلي الله وسلم علي محمد ابن عبد الله
واله وصحبه ومن والاه وتبرأ ممن عاداه ثم اما بعد
اولا كل عام انتم بخير
تكملة للموضوع السابق (انا علي علم لا تعلمه انت وانت علي علم لا اعلمه انا وما تعلمه انت لا يعلمه غيرك  ولله الفضل والمنه فلا تحكم قبل ان تستكمل)وشكرا
مقدمة بسيطه___زي ما في قلب سليم وقلب مريض وقلب ميت فالنفس 3 انفس اماره بالسوء ومطمئنة ولوامه اذا غلبت الاماره بالسوء تقوم اللوامه تقويها وتثبتها وتلوم عليها
انها بتفوت حظها من الدنياواذا غلبت المطمئنه ايضا تقويها وتثبتها وتلوم عليها انها بتفوت حظها من (الاخرة )يعني اللوامه بتثبت اللي يغلب
واحنا عايزين المطمئنه تغلب وهي اللي تظهر علي الاماره بالسوء،الملك ديما مع النفس المطمئنه والشيطان لعنه الله ديما مع النفس الاماره بالسوء يعني زي ما انت
متأكد ان في شيطان معاك وبيوسوسلك تاكد ان في معاك ملك وبيلهمك ،تقدس اسم الرب سبحانه الحق  سمي نفسه الحق وقال النبي صلي الله عليه وسلم(عدل فيا قضائك)يعني
 قضاء ربنا في عباده عدل لا يظلم العباد ذره في حاجه عايز انبهك عليها وهيا ان النفس الواحده فيها ثلاث انفس باعتبار صفاتها وانها متجمعه مع بعضها فلو حبيت نفسك كلهاهتبقي كده ظلمت نفسك وبالتالي نفسك تظلمك
 والخروج من المعضله دي يكون بحبك لنفسك المطمئنه وكرهك للاماره بالسوء.شوف انا عايز اوصلك لانك تفصل الافكار تعرف مصدرها عشان الاستعاذه تقع موقعهافتؤتي ثمارها
 والاستغفار يقع موقعه فيؤتي ثماره وحمد الله وسؤاله من فضله يقع موقعه فيؤتي ثماره انت محتاج توضيح صح وكمان تفصيل عشان الصوره تكمل وعشان بحبك في الله هقولك كل حاجه
مش هخبي ولا هكتم ،الرب سبحانه خلق في قلبك جزء بيوسوس لوحده من غير ميكون الشيطان معاك وخلق في قلبك جزء بيلهمك لوحده من غير ميكون الملك معاك وباجتماع الاربع مصادر
اللي هما سبب للافكار هتلاقي افكار كتير جدا صراع بين الافكار وبعضها وعقلك محتار مش عارف يحدد ايه بالضبط الافكار اللي ادخلها للاراده وانهي فكره اعزم عليها والعزيمه دي تكون كم في الميه
فتقوم تسأل الناس وهنا الخطر الكبير لان بعض الناس بيكونو مصدر خامس للوسواس فانت محتاج حد من الناس يحددلك مصادر الافكار دي كلها من غير ميكون الوسواس له سلطان عليه
   نعرف الكلام ده من الرب سبحانه في القران اعوذ بالله من الشيطان الرجيم(انما سلطانه علي الذين يتولونه والذين هم به مؤمنون )يعني سلطان الشيطان علي اوليائه اللي بيصدقوه وينفذو اوامره
مين اللي الشيطان مالوش سلطان عليهم في قول الرب سبحانه(ان عبادي ليس لك عليهم سلطان) وقوله سبحانه (وعباد الرحمن) وقوله سبحانه(الا عبادك منهم المخلصين)يعني الرسل والانبياء الرسول محمد صلي الله عليه وسلم
هو المعصوم ومن عباد الله المخلصين وصحابته هم اشرف عباد الرحمن رضي الله عنهم واحنا فهمنا من فهمهم رضي الله عنهم ان الاستعاذه توقف الافكار اللي سببها الشيطان
والاستغفار يوقف الافكار اللي سببها النفس الاماره بالسوء او ما جبلت عليه النفس من الهوي المخالف لكتاب الله،وحمد الله وسؤاله من فضله بعد الهام الملك وظهور النفس المطمئنه
وهيا دي السعاده كلها اطمئنان النفس لكتاب الله عز وجل
                                  
***  التفاصيل المفصله ***
 ا1-لافكار اللي جيه من الشيطان بس يكفيك الاستعاذه فقط مع الاستعانه طبعا وهذه الافكار محصوره فيقوله سبحانه انما يامركم بالسوء والفحشاء وان تقولو علي الله ما لا تعلمون يعني لما تجيلك افكار من النوع ده
هتقول بلسانك وقلبك وجوارحك   _بسم الله_ اعوذ بالله السميع العليم من الشيطان الرجيم وتقول  للشيطان (كذبت )بالنسبه لقلبك وجوارحك يعني تترجم ده في قلبك يعني اعكس الصوره اللي اتصورتلك في قلبك واعكس الشعور اللي حسيته في قلبك
 وخالف بجسمك وحواسك كل اللي امرك بيه الشيطان الوسواس
الافكار اللي جيه من النفس يكفيك الاستغفار مع الاستعانه طبعا وهذه الافكار محصورة في قوله(زين للناس حب الشهوات من النساء والبنين والقناطير المقنطرة من الذهب والفضه والخيل المسومه والانعام والحرث))و
ولكن هل هذه في حد ذاتها وساوس ؟ ان تجاوزت الحد الشرعي بالافراط او التفريط عندها تسمي وساوس وحين ذلك تقول ايضا بلسانك وقلبك وجوارحك -بسم الله-رب اغفرلي وتب علي انك انت التواب الرحيم ان لم تصل الوساوس الي حد الفعل
اما ان تماديت وفعلت تقول -بسم الله رب اني ظلمت نفسي والا تغفرلي وترحمني اكن من الخاسرين-استغفر الله العظيم الذي لا اله الا هو الحي القيوم واتوب اليه
لا تنسي ان الله اخبرنا في القران عن ابليس لعنه الله وادم عليه السلام عندما استغل عدو الله حب ادم للملك والخلود وهذا في قوله سبحانه (الا ادلك علي شجرة الخلد وملك لا يبلي) وقوله صلي الله عليه وسلم اخوف ما اخاف عليكم الشهوة الخفيه وفسروها بحب الرياسه
  فكل دي افكار اصلها من النفس فتقول فيها بعد الاستعانه بالله يعني البسمله رب اغفرلي خطيئتي وجهلي واسرافي في امري كله وما انت اعلم به مني اللهم اغفرلي خطايايا وعمدي وجهلي وهزلي وكل ذلك عندي اللهم اغفرلي ما قدمت وما اخرت وما اسررت وما اعلنت
انت المقدم وانت المؤخر وانت علي كل شئ قدير 
الافكار المذدوجه قصدي اللي جيه من النفس والشيطان او العكس وهيا تجمع بين الشهوات والشبهات تقول كل ما سبق غير انه ان فعلت تقول الصيغه قبل الاخيره بسم الله ربي اني ظلمت نفسي الخ اما ان لم تفعل فتقول بسم الله رب اغفرلي وتب علي الخ
في نهاية الموضوع اذا لقيت نفسك صابر علي طاعة الله وبتبعد عن المعصيه وبتعبده بالحب والخوف والرجاءوباللي شرعه هو سبحانه فاعرف ان ربنا اعانك وكل دا تم بفضله لا بحولك ولا بقوتك وانما بحوله وقوته هو سبحانه
واذا ليت نفسك غير كده فاعرف ان دا بعدل ربنا وانه مظلمكش ولا حتي ذره فلوم نفسك واتهمها واعرف ان ليك عدو من الجن ومن الانس وممكن يكون العدو من جواك وهي نفسك الاماره بالسوء انت عبد فقير محتاج لربنا في كل سكنه وكل حركه
استعين بالله عشان تعبده واستعين بالله في دفع العدو واستعين بالله في كل امورك ربنا هو اللي خلق الفاعل والمفعولوهو اللي خلق الاراده والعزيمه والعقل وانت بنيتك علي حسب حبك وكرهك واختيارك بتكسب الفعل خير او شر متحدد بالقدر
 هذا  ما فهمته فأن وفقت فمن الله العلي وان كان غير ذلك فمن نفسي وشيطاني وجهالتي فانا عبد ضعيف فقير حقير مذنب مقصر عاصي اسال الله العفو عني
وفي الختام اسال الله العظيم رب العرش العظيم ان يشفي المؤمنين والمؤمنات والمسلمين والمسلمات والحمد لله رب العالمين

جزاك الله كل خير في ميزان حسناتك بإذن الله