الافرازات

السلام عليكم
تردد حرفيا اكتب هذا الموضوع والتسجيل في المنتدى لكن للاسف قربت انجن بسبب هذا الموضوع

اولا انا مريت بكذا وسواس اولها وسواس العقيده وانتهاء بوسواس الوضوء
لكن حاليا وسواس الطهاره او المذي هو المسيطر على حياتي
اي رطوبه علطول اقول مذي واقوم اغتسل واغسل كل شي لمسته او جلست عليه او اي شي لامسته ملابسي لانها بعض الاحيان تكون رطبه واخاف ان الرطوبه نقلت المذي للاشياء اللي جلست عليها او لمستها .
انا قريت ان الفكره في المنتدى ان الافكار اذا زادت عن 5_6 دقايق اعتبر اللي ينزل منى مذي لكن والله احاول مافكر في الفكره نفسها وانشغل الا انها لا تزال تدور في مخي
صرت اكره ادخل الحمام و اخاف المس ملابسي خوفا ان يدي تتنجس من ملابسي اللي فيها مذي ، انا قبل اكثر من سنه تركت مشاهده المقاطع القذره ولله الحمد وتبت ولا عاد اشوف ولا افتح شي لكن حاليا احس غصب تجيني فكره او مشهد من مقطع انا قد شفته واحاول اني مافكر في الفكره وانشغل لكن برضوا اذا دخلت الحمام اي رطوبه او اي لزوجه احس فيها اقول مذي علطول . بعض الاحيان اطلع من الحمام واذا خلصت استنجاء وانا واثقه اني مافيه افراز او شي يجيني صوت في راسي يقول الا فيه وانتي مانتبهتي او اللي لمستيه ترا مذي ، وفيه فكره حاليا ذي الايام مسيطره علي تقول لي اني انا عاجبتني هذي الافكار لكن والله اني ابكي منها واحاول حاليا اتخلص من هذا الوسواس لاني تعبت وماقدر احس اعيش طبيعي لان كل شي علطول يروح تفكيري لشي قذر مع انه طبيعي جدا ، والله اني احاول اني اتجاهل لكن ماقدر ، عذرا اذا كان كلامي غير مرتب . ماكتبت هذا الموضوع الا اني تعبت من حياتي .

اختي ان شاءالله اقدر أساعدك 
إنتي اعراضك نفسي يوم أصبت بوسواس الإفرازات و الاحتلام كان كل تفكيري أن وضوئي انتقض 
بس الحمدلله يوم طبقت العلاج تحسنت مادام انك لم تتيقني نزوله خلاص طنشيه 
و نفس الشي الاحتلام ترا علاجه سهل بس الشيطان يضخم الوساوس و حنى نساعدة و نبدأ نسوي الي يقوله 
بالحرف الواحد اذا قالك يمين قولي يسار و العكس دائما ودي أساعدك اكثر بس واضح أني أتهرب من المذاكرة 
ادعيلي تكفين 😩❤

والله اني احاول حاليا اتغلب عليه ، الله يوفقك يارب ❤❤

وعليكم السلام ورحمة الله 
ارجوا ان تقرئي الموضوع العلاجي الخاص بحالتك افهميه جيدا وطبقيه حرفيا واي استفسار نحن في الخدمة
علاج وسواس العبادات

قرأت البرنامج وبطبقه لكن اذا نزل مني مذي اغسل واطلع او ارش مويه على مكان المذي او اطنش .

ساعدوني

الوذي يخرج بعد انتهاء خروج البول لما يتوقف البول انتظري تواني قليلة ثم اغسلي المكان ولا تزيدي عن دقيقة واخرجي

اقصد في سؤالي هل اذا خرج المذي اغسل الملابس او لا ؟ هذا اذا اكتشفت المذي وانا في الحمام قبل البول

Sara_mmm كتب:

اقصد في سؤالي هل اذا خرج المذي اغسل الملابس او لا ؟ هذا اذا اكتشفت المذي وانا في الحمام قبل البول

تغسلي مكانه فقط دون غسل كل الملابس 
يعني لو مكانه 5 سم تغسلي الـ 5 سم فقط

احس بنجن طبقت البرنامج يومين والحمدلله حسيت براحه لكن رجعت لي الوساوس اللحين ، الافكار لازالت براسي تعبت وانا اقاومها احس كأني انا افكر فيها تعبت نفسيا ابي اعيش طبيعي :( ، صرت كأني مجنونه والله اضرب نفسي اذا جت لي افكار لاني تعبت وابغاها توقف ،

اختي قسم بالله اني مثلك وخايف حدي مدري متى بسيطر ع الوضع احس تنقصني ثقه في نفسي وعزم وقوه بس بدلك ع امر مستحب وهو اذا توضئتِ وانتهيتِ خذي كفا من ماء وانضحي به فرجك وسراويلك واذا احسستِ ببللا اثناء صلاتك او طهارتك فقولي لعله من الماء الذي رششت وهذا فعله الرسول وامر به عليه الصلاه والسلام والفقهاء قالوا ان هذا الامر مستحب قطعا لدابر الوسواس .. ويارب يمن عليّ وعليك بشفاء من عنده وعلى جميع مرضى المسلمين

احس مافي امل اطنش كل مااحاول اطنش ماقدر :(

سارة كلنا نقدر محد ما يقدر بس لازم تعودين نفسك على التجاهل بالبداية تكون صعبة و ممكن تقولين ان الوساوس اهون 
بس يوم ورا يوم يهون و يصغر و تتعودين و بالعكس تفرحين بالنتيجة و ترتاحين و تعرفين قد ايش هو تااافه 
يارب ان تشرح صدورنا و تيسر امرنا

هل اذا نزل المذي وملابسي مبلله يجب علي تطهير الاماكن اللتي جلست عليها وملابسي مبلله ؟

لا مايحتاج سارة الأصل انها طاهرة الا اذا تيقنتي

لطيفه قولي لي كيف تغلبتي عليه بالضبط لاني وصلت لمرحله اليأس خلاص ابغى ارجع اعيش زي قبل تعبت

أبد اذا قالك يمين قولي يسار في كل شي مثلا شكك انه نزل منك شي ماالتفتله ولا تهتمين ولا تخافين مع الوقت راح تتعودين 
بس إنتي أخطي هو صعب بالبداية بس

السلام ، للاسف ماني قادره اتخلص منه ولاني عارفه كيف ، تقدم لي شخص ووافقت واللحين ندمانه اني وافقت مني عارفه كيف بتعامل مع المذي وقت الزواج خايفه يزيد والله

المذي امره بسيط يخرج من بعد التبول ويزال بالماء في ثواني ولا يستوجب الغسل بل الوضوء لكل صلاة
والمرأة كثيرة الافرازات الطبيعية الطاهرة فتجاهلي لأن المذي لا يخرج كل وقت