السلام عليكم ورحمة الله وبركاته
أنا عمري 20 سنه وعلى أيام زد رصيدك سمعت عبدالمجيد يتكلم عن هذا الموقع ولكن لم أبدي الإهتمام له لأني ولله الحمد كنت لا أعاني من هذه المشكله ولكن من شهرين تقريبًا حلمت حلم وهو من الشيطان ولم أفسره حتى ومن بعد هالحلم مر علي إسبوع كامل كتمة وضيق تنفس ونوبات هلع وقلق وبكاء وخاصة لما تبدأ الدنيا تظلم يعني من وقت المغرب أبكي وأنكتم ولا آكل ولا أسوي شيء حتى دراستي غبت عن الجامعه اسبوع وكانت بداية الترم الثاني، اهلي قالوا من المعده من الاكل الغير صحّي اكيد قولون ومن هالكلام ورحت المستشفى وقلت فيني كتمه وكشفت علي وقالت لي مافيك أي كتمة تنفسك سليم !
مر الاسبوع والحمدلله ظاهريًا خفّيت جدًا وبديت اداوم و راحت نوبات الضيق والهلع ولكن وسواس الموت يجعلني اشعر بالظلام بكل مكان وكأني في القبر كل مكان أروح له أشعر أنني سأموت فيه حتى بالجامعه اخاف اموت فجأه ولما تكون فيه جمعات أهل تفكيري كله مظلم كله أحس إني على إنتظار وخوف وترقّب حتى لما احد يزورنا بالبيت احس بضيقه داخلي
صرت أفكر بعذاب القبر والظلمة وأخاف جدًا حتى صار تفكيري تجاه كل شيء انه بيسبب لي عذاب او انه ذنب صرت احاسب نفسي بشكل مبالغ فيه واي شيء اشوفه قدامي اخافه أحس إنه بيكون سبب بعذابي والآن أنا نزل مستواي جدًا بالجامعه اخذت حرمان بكم مادّة وعادي عندي ما افكر بالدراسه ابدًا وحتى صرت ابي اترك الدراسه ألزم ماعلي نفسيتي تكون مرتاحه وبرضو مو مرتاحه قريت كثير عن الوسواس ودريت ان اللي فيني وسواس وغلط التفكير فيه ومازلت افكر فيه صرت ما اناقش الافكار وبرضو للحين افكر فيها قللت كثير من الجلسه الوحدانيه وصرت اجلس مع اهلي كثير وبرضو وانا جالسه معهم افكّر كل تفكيري موت حتى الناس لما اشوفهم مبسوطين اقول يا الله كيف مبسوطين ما يخافون يموتون الحين؟ مايخافون فجأه وهم بعز فرحتهم يموتون؟
تفكيري هذا نكّد حياتي والله بشكل مايعلمه الا الله
أنا غيرت فكرتي حتى عن الموت وصرت اشوفه شيء مرد كل كائن وان الله رحمن رحيم سبحانه وان الله ارحم بعبده من الأم حتى ومازال تفكيري أسود ومظلم فأتمنى منك أن تعطيني الحل .
شاكرة لك القراءة .