السلام عليكم
انا صار لي سنه وانا اعاني من الوسواس
بدايته كنت اوسوس في الصلاه والوضوء ومازلت كنت الصلاه الوحده اعيدها 5 او6 مرات
بعدها بديت اوسوس في قفل الابواب ومازلت
بعدها كنت لو اسوي اي شي اوسوس ان احد شافني واحاول اقنع نفسي عادي خل يشوفون بس ماقدرت واقعد اعيد نفس الحركات بحيث الي شافني مايفهمني غلط ، وانا على علم ان محد شافني من الاساس
بعدها بديت ما اقتنع لما اعد الفلوس من اول مره لازم مليون مره اقعد اعد
بعدها بديت اوسوس في اشارة المرور الضوئيه رغم اني اشوفها خضراء رغم ان الي معاي يعيدلي مليون مره ان الاشاره خضراء بس مو قادره اقتنع وفبالي ان الاشاره حمراء وانا مشيت
بعدها وسوست بأني سويت حادث ولا دعمت سياره ومشيت ، واخلي الي معاي يأكدلي ويعطيني جمل بأني ما دعمت احد
بعدها وسوست بأني دعمت الاشخاص الي يمشون في الشارع
بعدها بديت بوسواس اني ما اقدر ارمي شي في الزباله وانتو بكرامه الا لما استغرق تقريبا ساعه وانا اتفقد مثلا الكيس او المنديل او علبة البيبسي او كيس الشبس انه فارغ وليس به شيء مهم بعد ساعه من التفقد واقلب فيه يمين شمال ارميه وامشي لنص الدرب وارجع اشيله مره ثانيه واتفقده
بعدها صرت ماحب اطلع برع البيت لاني اقعد اشوف ايدي يمكن كنت ماسكه شي وطاح عني ، واشوف وراي كل شوي يمكن طاح شي وماحسيت فيه ولو كنت في سوق ماحب المس شي يمكن المسه وايدي فيها شي ويطيح الي كان في ايدي وما احس فيه وافقده ويروح علي .. صرت مانزل ولا شي معاي او اعطي اغراضي حق اختي تشيلهم وانا مايكون عندي شي واكون متأكده بسسس بعععد اقعد اوسوس واشوف ايدي واشوف وراي واقعد اقول يمكن طاح واسأل مليون مره انا معاي شي ؟ انا نسيت شي ؟ طاح عني شي ؟
كل هذي الوساوس وفي غيرهم بعد جوني بالتدريج وكلهم شغالين مع بعض مافي شي منهم راح عني 💔💔
وايد وايد وساوس لو اقولها مابخلص صرت ما اقدر اعيش حياتي ابدن طلعت من شغلي وقفت كل شي كنت اسويه مثل تجارتي والجم ماروحله والناس قاطعتها قمت ما اكل ولا اشرب بسبب ما اقدر ارمي كيس الاكل في الزباله
وانا عارفه ان هذي مجرد وساوس وافكار سلبيه واحاول اقنع نفسي واحاول اقول طزز شو يعني لو رميت الكيس بدون ما اتفقده يمين وشمال طزز شو بيكون فيه مثلا ذهب ؟؟؟ حاولت شقد حاولت بس مافي فايده ما اقدر
شو اسوي عشان ارجع نفس قبل 😭😭😭💔💔💔