استشارة بخصوص بعض الافعال هل فعلي لها صحيح ام لاء

بسم الله الرحمن الرحيم
السلام عليكم اسرة الخبير النفسي
بصراحة من فتره وانا اطلع على بعض المعاناه الي تشابهه حالتي
من وسواس صلاه ريح استنجاء وغيرها من الوساويس
لدرجة اصبحت اسجل صوتي وانا اكبر واتوضاء واصلي لصلاتين فقط
لاتاكد ما مقدار مابلغ مني الوسواس اول تجربه صدمت اني اعيد واكرر كثير واسجد للسهو
فقررت المره الثانيه اسجل واكون على طبيعتي والحمد لله نجحت صليت اعرف انه غلط بس عشان اتاكد من نفسي
فصليت بدون اعاده وتكرار للفاتحه والتشهد والحمد لله انبسطت بشكل...
واخر مره سجلت وانا الحمد لله مسترسله بالصلاه لكن قمت بمخالفه الي دايم اسويه  اني اسمع  ذي المره حذفت التسجيل ..
لان حسيت نفسي مطمئنه لان في شي اقدر اراجع عليه صلاتي فتوقفت..
قبل لا اعرض مشكلتي.. انا قراءت البرنامج وبديت اطبقه والحمد لله
راح اكتب الاجايبات الي حسيتها خلال الاسبوع ذا
صرت اخرج من الحمام اعزكم الله واتوضى ولا التفت
ثم استقبل القبله واكبر واصلي ولا اوسوس بخصوص الريح اذا ماشميت ريحة او صوت لان احيانا مع السجود والركوع تظهر مثل الفقعات الهواء ولكن الحمد لله لي اسبوع على ذا الحال ومرتاحة
لكن في مشكله بعد ما اصلي وانبسط اني انجزت واكتب في الدفتر كلمات مشجعه مثل انا تغلبت على عدوي انا افضل باذن الله انا انسانه طبيعيه راح اكون افضل
بعد فتره صارت تكثر معاي حركة اني بعد ما اصلي اني ماتوضيت ابدا واني صليت بدون وضوء شي يخليني في حيره
.. اخاف ان الوسواس انتقل لمكان اخر حتى يخرب صمودي
اصبح يكثر معاااي لدرجة في اليوم ممكن فرض او فرضين... اقول لنفسي انو انا محال اصلي بدون وضوء مادام اشك بالريح والصلاه فمحال اترك اهم شي الوضوء هل ما افعله صحيح واتجاهل
لان الامر اصبح مربك حقا
المشكله الثانيه  الي مازلت اعاني منها هي تطويلي في الحمام واشطف جسمي لدرجة اخرج من الحمام اعزكم الله ملابسي مبلله. واخاف ان وسخ لمس ملابسي او تحت اضافري
 يا الخبير النفسي جزاك الله خير هل فعلي صحيح  و اكمل وانا حاليا بحاول جاهده في مشكله الاستنجاء بس ياليت تجاوبني بخصوص الوضوء وذا الشعور اني ماتوضيت . للامانه اخر مره ما عدت الصلاه
الا اني متخوفه ....
لان مالقيت وانا اقراء حاله صادفتتها زي المشكله ذي والي عنده تجربه ينصحني .. وجزيتم خير

محد رد علي؟؟؟؟؟؟؟

وعليكم السلام ورحمة الله وبركاته

الرد على المشكلة الأولى" الشك بعدم الوضوء" :

هذه حيلة وسواسية ومرت معي أنا شخصيا وهي تافه كباقي الوسواس كله

عندما وجد الوسواس عدم استجابة في فكرة خروج الريح وإنها لا تجدي نفعاً قرر أن

يجد فكرة أخرى تحدث استجابة لديك وهي الشك بعدم الوضوء، حيث تشعرين بالنسيان

من فعلك للوضوء ويبدأ التفكير والشك يتصاعد عندك.

عليك بالتجاهل لهذه الفكرة وأي فكرة أخرى وهي أفكار وسواسية محض وإياك ثم إياك من الإعادة سوا بالصلاة أو الوضوء.

الرد على المشكلة الثانية " الإطالة بالاستنجاء":

أن الذي تفعلينه ما هو إلا طاعة وتقرب للوسواس، وأعلمي أني قد مررت بهذا الوسواس

والأمر بسيط وبيدك فقط عليك أن تكسري خوفك وتواجهي بقوة.

الحل هو أن تأخذي وقت كوقت الطبيعيين في الاستنجاء كأمك أو أختك


وكذلك اوصيك نظرا للصعوبة التي تعانين منها هو ان تستنجي لكل عضوء ثلاث مرات

فقط ولا تزيدي مهما حصل ولا تبالغي بفتح الماء على آخره ولا تغسلي اي جزء آخر في

جسمك وأخرجي من دورة المياه بسرعة كسرعة أهلك الطبيعيين.

أختي خذي هذه النصيحة من مجرب "والله ثم والله الوسواس سهل جدا وتافه فلا تضيعي وقتك او سنين جميلة من عمرك في هذا العبث كما فعل أخوك ثم ندم.

اخي عبد العزيز جريت خيرا  بالفعل عملت بنصيحتك
والحمد لله خف الامر علي
حابه اقول وش استجد معاي
بعد انقطاع الدورة قراءت في التطبيق الخبير لا اضعف عشان لا يرجع
الوسواس من جديد وفعلا انا الحمد لله معاد افكر اتوضاء عادي
واصلي الا انه عانيت من التكبير والفاتحه الا اني من فتره صرت
اذا كبرت معاد اعيد والفاتحه اقراءها واكمل واذا شكيت اذا سجدت او ركعت صرت اطنش
واقول الحمد لله انا قعلتها واكمل صلاتي
الا ان الشي الي لاحظته لي يومين ان عند الوضوء اسمع صوت
اول مرة جاني الصوت في العشى انا انتعل في المنزل حذاء لان الارض سيراميك
وانا اغسل رجلي سمعت صوت قوي انا ما اشعر بغازات والحمد لله
رجعت دعست على الحذاء طلع عندي انه الحذاء لمن يبتل يطلع صوت
انا رجعت ودعست عشان اتاكد من نفس الصوت فكملت صلاتي
بعد ساعه قلبي ما اتطمن عدت الصلاه وفجاءه فتحت برنامج الخبير
في جزئية شدتني انه كان يسمع صوت من المتواجدين في دورة المياه ويشعر انها منه رغم انه بريئ
صرت ما انتعل الحذاء عشان الشكوك ورد للوسوسه لكن جاني نفس الشي في الصلاه اليوم الثاني
عند السجود صوت خفيف . فقلت لنفسي ذا صوت عضامي لمن اسجد وفعلا جلست بين السجدتين انا تطلع لي اصوات فرقعة العظام
فقلت في نفسي ماراح اعيد . لان بطني خاوي من الغازات وما ابغى ادخل في دوامه اذا بنتبهه لاي صوت لان بجد انا ارتحت من حكاية الريح
وبديت ارتاح في التكبير والقراءه طلعت ذي المشكله...
احتاج توجيهه او احد مر زيي وهل انا امشي تمام .. بالله لحد يطيل في الرد علي وجزاكم ربي خيرا

الحمدالله على هذا التحسن

أختي يجب عليك في داخل نفسك عدم الخوف من الوسواس
كأن تخافي أن يرجع لك وسواس الغازات أو ان تخافي ان يأتيك وسواس آخر.

وعليك أن تشحني نفسك من الداخل بالقوة وان تتيقني أن الشفاء من الوسواس مجرد وقت.

عندما تأتيك فكرة إنكِ لم تسجدي أو لم تركعي، لا تردي عليها بقولكِ"أنا فعلتها"
بل تجاهلي تماماً كما أوصى بذلك البرنامج في ركن التجاهل.

أنتِ طبقتِ قاعدتان في هذا الركن:
عدم الاستجابة صح
عدم التفكير صح
عدم الإقناع. خطأ

وهذا الأمر يفسد التجاهل ولذلك عليك بالتجاهل التام.


مسألة الحذاء أعزكِ الله :

ماهي إلا وسواس محض وإعادتك للصلاة كانت استجابة للوسواس
والذي عليك هو لبس هذا الحذاء نفسه والوضوء به حتى تقهري الوسواس
ومسالة صوت العظام هي وسواس محض.

ملاحظة: مهما سمعتِ من صوت لا تعيدي وضوء أو صلاة
حتى يحصل لكِ اليقين الجازم ،واليقين الجازم مثل" الغازات التي تخرج عند قضاء الحاجة " فهي لا تقبل الشك.

السلام عليكم اخي عبد العزيز
للامانه طبقت الي قلتله لي وربي يسعد قلبك ودعواتي لك في ظهر الغيب
يوم طنشت وتوضيت بيه صار الموضوع عادي والحمد لله
والصوت العظام طنشته والحمد لله الا انه اسمع اصوات خفيفه طنشتها قلت اول مره الحذاء وثاني شي العظام الحين كمان
يخيل الي بصوت ريح ... تجاهلت
لكن للامانه من يومين واعاني من الامساك  وانا اعاني من القولون العصبي والمعوي
فصرت اتوضاء واصلي واسمع صوت خفيف اول مره اعدت الصلاه
لكن صار من يومين نفس الشي وللامانه كثرت عندي الغازات في صلاه او غيرها
اقدر امسك نفسي واحيانا احس تخرج فجاءه خاصة في الصلاه احس ببكي .. واحاول اتمالك نفسي
بالنسبه في فتواى سمعته بخصوص استنى وقت تهداء فيه الغازات واصلي احس صعب راح يدخل وقت الصلاه الثانيه وانا كذا
لان احيانا تشتد بشكل جنوني وفجاءه توقف على فترات ..سمعت فنوى انه سلس ريح اذا يكون تاره وتاره اخرى يخف
بصراحة صرت في حيره .. اتوضاء واذا سمعت صوت دون اردتي اعتبر سلسل ريح او مجرد وهم طراء
لان للامانه مره اختفت مشكله الريح لمدة اسبوعين تقريبا والحين الاشياء الي كنت تعبانه فيها خفت
ولله الحمد ورجعت مشكله الصوت الي مو عارفته .. سامحني اخي على كلامي الكثير بس بجد انا احاول باقوى ماعندي
اكمل كل ما اتخيل اني راح اكون زي اول وافضل باذن الله ينشرح صدري واتشجع
وردك يطمئن ان في احد يحاول يساعدني جزاك ربي الخير

أشكركِ يا أختي على دعائكِ لي، وهذا الشيء أنا بحاجة له.

أختي بارك الله فيكِ يجب أن تعلمي أن هذا الأمر تؤجرين ان شاء الله.

وكذلك مقاومتك للوسواس تؤجرين عليها وتثابين لأنك تحاربين الشيطان.

أول العلاج هو الدعاء الملح لله ان يفرج همك، وعليكِ أن تحرصي عليه.

مسألة كيف يفكر الوسواس :

وجد الوسواس أمر يضغط عليكِ به ويؤثر فيكِ، فالشيطان يبحث لكل شخص عن موضوع يضغط به على الشخص ويضعفه حتى يصبح فريسة له.

تارة شخص يوسوس بالتكبير وأخر بالنجاسات وشخص بالغازات، فهذه الوساوس منبعها واحد وهو الوسواس وتعددت لأن كل شخص له موضوع يؤثر عليه أكثر من الاخر.

أنتِ يا أختي وجدكِ الوسواس تتأثرين بموضوع الغازات ففرح بهذا لأنه وجد مفتاحكِ
فاصبح يأتيكِ بكل طريقة وفكرة عن الغازات.

تارة يوسوس لكِ بصوت الحذاء وتارة بصوت العظام وهكذا حتى يأتيكِ بكل ما أمكن من حيلة بهذا الباب حتى تسقطي وتستسلمي.

مسألة الغازات:
عندما عرفنا أن الوسواس سوف يأتيكِ بكل حيلة حتى يسقطكِ
لزمنا أن نعد له العده ونضع النقاط على الحروف.

أختي الوسواس لن يقف عند مسألة الحذاء والعظام بل سيأتي بطرق أخرى

ولكن أنتِ ستقفين عند مسألة واحدة فقط ولن تتعدينها وهي مهما وسوس الشيطان ومهما جاء بحيل جديدة فأنتِ لا تعيدين وضوء ولا صلاة وتدخلين بالضوء والصلاة مباشرةً حتى لو كانت بطنكِ ستنفجر من الغازات.

وبهذا سيخسى الوسواس وسيتعب ويكل ويمل حتى يذهب، لانه ضعيف لايقدر على المواجهة.

ولكن فقط عليكِ الصبر القليل والتطبيق الصحيح وماهي إلا ايام وأنتِ متعافية.

جزيت خيرا يارب .. كنت انتظر ردك او رد الاخوه من ايام..
بالامانه قبل لا ترد علي باني اطنش طنشت وعاملت نفسي اني مصابه بالسلس
لان الموضوع متكرر.. والحين انا امشي زي ماقولت والحمد لله اختفت
.........
بصراحة قبل فتره من شهور  جاني وسواس البول والحمد لله ارتحت منه
الحين احس بداءات مقدماته.. ترجع راح اقول وش صار معايا وكيف تصرفت
وهل استمر وفعلي صح...
من يومين ثلاث تقريبا بعد ما استنجيت ولبست ملابسي شكيت انه في جزء من جسمي ما نظفته
طبعا لاني معاد اعاني من وسواس البول من فتره رجعت غيرت ملابسي
اليوم الثاني تكرر معاي واليوم الثالث طنشت ماغيرت لاني خفت تكرر معاااي
اليوم حصل شي ثاني انه جلست فتره وحسيت بان جسمي جاف جدا رحت وبللت جسمي عشان الوسواس
وجلست قبل الفجر بساعتين تقريبا جيت بنام  حسيت بان احد يقولي ذا البلل بول ذا البلل بول
وانا في عز النوم طنشت وصحيت اذان الفجر قمت اخذت ملابس ودخلت شطفت جسمي واستنجيت بعد
قضاء الحاجه وبدلت لبس داخلي جديد وصليت بعد فتره جالسه افكر بحركة اني ليش اغير ملابسي مو انا متاكده اني
بللت جسمي وكذا من حديث النفس وكمان شكيت بالمكان الي نمت فيه ممكن البول وسخ المنطقه
.. بعد ساعة جاني الشك مره ثانيه  انه ملابسي مبلله رحت الحمام اكرمك الله
وقضيت حاجتي لبسي الداخلي فيه بلل ولامس قميصي  فقمت بعدتها لاني قلت اغير ملابسي الداخليه من باب ابراء الذمه
بس خفت انه اذا غيرت ملابسي راح يرجع ويقولي االوسواس انه كمان قميصك تبلل يعني صار  وسخ غيريه
استنجيت ولبست ملابسي وقلت اعوذ بالله .. وخرجت من الحمام وانا مقهورة ورجعت جلست مع نفسي وتعوذت بالله من الشيطان الرجيم وقلت  اكيد بيكون في بلل لاني استنجيت وغيرت ملابسي  هذا شي بديهي
وان الي قبل الفجر انا متاكده بنسبه %99.99 انه ماء يوم بللت ملابسي  وفرضا انه %1 بول مازال شك .والقاعده تقول الشك لايزول بشك الا باليقين ومادمت ما تاكدت انه المكان طاهر .. وانه ماراح انظف المكان ولا ابدل ملابسي وتعوذت بالله ..
لان انا صارعت وسواس البول بشكل مؤلم وتخيلت تلك اللحضات..
هل فعلي صحيح.. واستمر لان ما ابغى اخلص من حاجه واتماطل بيها وترجع اسواء من الاول ..
وجزاكم الله خير واسفه على الطاله..

كان عليكِ التجاهل من أول مرة
الذي عليكِ الآن هو الاستمرار بالتجاهل حتى لو شعرتِ ان البول يسري على قدمكِ.
وإياكِ ثم إياكِ من التفتيش.

الحمد لله انه في احد يرد علي الله يوفقك اخوي
بصراحه وسواس الريح كثر وانا اطنش بشكل
واسمع اصوات ريح خفيفه في الصلاه لدرجه اوقف في الصلاه دقايق حتى اتاكد مو صوت قوي لكن اطنش ولا اعيد الصلاه لاني والله العظيم تعبت وكان حاسه السمع عندي صارت شديده التحسس من الأصوات وتذكرت في الصلاه كلامك
لان زي ماخبرتني راح يجيب حيل جديده . قلت انا ما احس بالم أو بطني فيه ريح خاوي وصوت خفيف مو صوت الريح القوي الي اعرفه ..لان ما ابغى يتطور ويتهيء لي بالراءحه ... اعوذ بالله... لان حتى لو صلاتي مرتاحه فيها يتملكني شعور السعاده بس قبل السلام تجي هالحركه شعور خروج الريح مع صوت خيف.. وانا اطنش اقول لأنه شافني مبسوطه بصلاتي بيفسدها علي بالصوت والشعور بخروج شي
وانا معتمده على ذا الاقناع ... وباذن الله القريب العاجل راح اشفى وارجع احسن من الاول

وقوفك بالصلاة للتأكد هذا استجابة للوسواس
عليكِ بالتجاهل التام والاستمرار بالعبادة حتى النهاية

السلام عليكم اخي الخبير
بصراحة تراجعت كثير بعد الدورة الشهرية
اعوذ بالله من اربع ايام وانا تعبانه معاد اكل واشرب الا قليل من التعب والهم...
اول شي ١_البول تعبت تعبت بشكل اغسل اغسل اغسل لين اتعب وتغير ملابسي اكتبلك وانا في قلبي غصه صايره المقاومه عندي اشبهه للانعدام ..كنت استنجي وأخرج وابلل ملابسي رد كيد الشيطان وبعد كذا أخرج بس اشعر بحرقان بعد فتره وببرود وكان البول بينزل اطنش ما اجلس حق ساعة أو ساعتين اغسل واغير ملابسي ولا انام على الفرشه اخاف من بلل ملابس وتوسخ بطانيتي وكمان لمن اخرج من الحمام اشك اني ما غسلت مخرج البول وانا أطيل الوقت بالحمام اقول لا ذا وهم واطنش واجلس أو انام يوم اقوم يرجع لي الشك واغسل ملابسي واغسل جسمي وفراشي والسجاد الي جلست عليه ...اخاف اني ما غسلت مخرج البول والبول مع الملابس اللمبلله انتشر وتوسخت ملابسي... انا في جحيم حسبي الله ونعم الوكيل ..حتى لو جلست على الفراش جلسه مثل وضعية التشهد أشك أن البول مع البلل نجس الارض فما اجلس بالمكان حتى اطهره واذا جلست فيه ناسية ارجع اغير ملابسي.... احس اني بس ابغى اتبول في حرقان وشعور بالضيق هذا بالنسبة للبول.
٢-التكبير تعبت وانا اكبر بالنسبه للقراءه الفاتحه صرت اقراء ولا اعيد أو اوقف بس صرت اخاف من تكبيرات الانتقال اذا نسيتها اسجد للسهو ..يوم صليت مع والدتي جماعه قالت ما تسجدي سهو الانتقال انا اتحملها لاني الامام ...وانا تعبت اعوذ بالله...
ذ٣-لقيت اليوم نقطة حمراء في ظفري وانا اصلا ما احط مناكير ابدا حاولت ازيلها مو راضيه احسها لا فوق الظفر ولا تحته حكيت بالمحد حق الأظافر مو راضي يطلع خفت أنه عازل والمادة ذي مدري عنها اول مره اشوفها كان وقت صلاة العصر خفت صلواتي كلها الي قبل باطله قمت قصيت ظفري مكان البقعة مع أن اظافيري مره قصيره ..وعدت صلاة الظهر وقدرت أنه مثلا كان وقت الظهر وصليت العصر.....
صراحه اول مره احس اني مغلوبه كذا ..اعوذ بالله
ساعدوني مالي غير ربي ثم انتم
تعبت تغير الملابس باليوم اغير سبع ثمان مرات
وذي البقعه الي بالظفر جابتلي وسوسه زيادة وهم غير همي..

٤_ودي اصوم بس اخاف من الافكار الجنسية الي تجيني وقت الصلاه او احيانا باي وقت ما اقدر امنعها احاول اتعوذ بالله أو اسوي اي شي بس تتسلط بشكل اعوذ بالله من الشيطان وخايفه اصوم

يالخبير بالله رد علي .....
لدرجة صرت اخاف من موية غسل المواعين والمغاسل أنه تصيبني واتنجس قبل يومين جلست على مكان كان رطب وبه نجاسه وجلست بمكان ثاني فتذكرت اني جلست على ذيك البقعه وخفت نقلت النجاسه لان ملابسي مبلله ...والله اني تدهورت بشكل كبير

بالله ردو علي بالنسبة للبول احس اني محصورة ابغى الحمام وصاير كثير معاي لدرجة انضح ملابسي بالماء بس لمن انشغل احس يختفي الالم والحرقان واشك أنه نزل البول عشان كذا انا مرتاحه فتغير ملابسي واغتسل صايرة اغير ملابسي بالساعتين لثلاث ساعات اكثر من مره بالله بالله ردو انا احس صار اغلب وقتي على فرشتي مسدوحه والم البول مستمر معاااي ...وكل ماجلست في مكان وانا مبلله لبسي الداخلي واشعر بنزول البول أنه وسخ الارض صرت معاد اجلس باغلب البيت الا في الركنيه ...والله تعبت بتجنن احس اطنش مره مو قادرة المشكله اني إقراء العلاج احس دماغي صاير موقف

بالله ليه محد يرد

يا الخبير يا اخوان بالله ردو علي جعل ربي يريح بالكم

...... بالله لي كم يوم استنى رد

وعليكم السلام اخوي عبد الله
صح انا مو مرتاحه في الاثنين
بس اكيد راح اختار اطنش
وحاليا صابره اطنش والله لان حالي تعب
وامي لاحضتني وعصبت وخبرتها بالمشكلة
صرت اكبر واكمل صلاتي واقراء الفاتحه واكمل واذا سجدت أو ركعتين وجانب وسواس اني ماقراءت الفاتحه او ما كبرت اطنش ولا كان في شك ... وحتى لو سلمت من الصلاه وشككت اطنش واقول بقناعه أن الشك بعد الفراغ من العبادة لا أثر له...
البول من يومين خفت أنه سلس بول لان احس بالم الم
ويختفي فأقول شكله نزل عشان كذا مرتاحه
حطيت فوط نسائية ولا شفت شي ابدا فطنشت
يكفي نضخ الملابس وأخرج ...
ولي يومين تكررت معاي اني ما اغسل مخرج البول
واطلع ويجيني الشك اني ماغسلت ويلح علي بالساعات
ذا الشعور واطنش والله وإذا مره مره اتعوذ بالله من الشيطان واقول للوسواس انا الي ربي يحاسبني مو انت اعوذ بالله منك ... واطنش واليوم الي بعده كمان
قمت من الاستنجاء جاني الوسواس وقال ماغسلتي مخرج البول فقلت اعوذ بالله والله اني غسلته واعوذ بربي منك وصرت عند الاستنجاء اغسل فقط مخرج البول والغاءط ولا تتعدى .....
كنت اخاف اروح الحمام الحين اول ما ادخل ما افكر بشي وبداخلي اقول كنت ادخل عادي ولا افكر بحاجه ...واذا حسيت أنه في شي طار علي اقول لا الا اذا شفت بعيني اغسل كل الناس يتطاير منهم بس علي انا...
بس الي ماقدرت اتعداه وتقاوم فيه الاماكن الي شكيت انها نجسه يوم كنت اقوم من النوم محسوبة واشك اني تبولت فيها حتى مرة كنت بره البيت ومحشورة وطنشت وتلهيت وانا اصلا مبلله ملابسي الداخليه عشان الاستنجاء فحسيت ببروده قفلت شكلي تبولت على نفسي والعبايه شامه فيها ومقعد السيارة وبعض اماكن البيت وبعض البطانيات لدرجة جبت خرقة واغرقها بالموية وتغسل المكان اكثر من مره واشك للحين .واذا امي حطت ملابسي الوسخه مبلله على الكنب معاد أمر منه جنمب المكان
...ذا الي واقف عندي وما قدرت اتعداه.الاماكن الي شكيت فيها ...اسفه طولت بس التصرف الي سويته من يوم حسيت نفسي مره تعبت...
وربي يرفع عني وعن كل مبتلى في ذا اليوم الفضيل

الخطأ الذب تكررينه انت وبعض الموسوسين هو

انك تدخلين مع الوسواس في نقاش وتردين عليه وهذا ينافي التجـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاهل

والشئ الذي تشكين في نجاسته اجلسي عليه واضمن لك بأذن الله الخلاص منه ولا تغسلينه الا اذا قدرتي تحلفين ايمان مغلظه انه تنجس

واكرر لاتردين ولا تدخلين في نقاش مع الوساوس لانها راح تستمر والصحيح دعي الفكره والوسوسه تدور في رأسك بلا مقاومه لكن لاتستجيبن بالفعل

الله يسعدك اخوي عبد الله وسامحيني اذا طفشتك انت والاخوه
بصراحة صرت اطنش كثير وادعس على الأماكن الي اشك فيها ولا اغسل رجلي لاني لو جاني الشك اقول الحلفي بالله واقسمي انك شفتيه توسخ بس بعد ما قاتلي اني اطنش ماراح استخدم اسلوب الحديث مع النفس
ومسألة اني اشك في غسل مكان البول بعد ما اخرج من الحمام صرت اطنش اغسل وأقوم ماعدا اليوم غسلت وقمت ثم رجعت شكيت وغسلت ثم قمت وانقهرت اني استجابت للوسوية بس جاني الشك كمان عند باب الحمام أنه انا غسلت مرة ثانية وبقايا البول نزلت على لبسي الداخلي قمت تعوذت بالله وانصرفت وجلست مع اهلي وقلت توبة اعيد اعوذ بالله ادخل زي الناس العادية تقضي حاجتها وتخرج وما تبالي بذي الاوهام والوساويس
وسامحيني اذا طفشتك بس والله اغلب وقتي اجلس لحالي بالبيت والوحده قاتله تزيد الوسوسة عشان كذا اكتبلكم معاناتي وربي يعطيك العافية انت والاخ عبد العزيز جزيتم خيرا الجزاء على ردكم لي

انا لي كم يوم اغسل مكان البول واستنجي وأقوم على طول . وويجي الوسواس يقولي ماغسلتي مكان البول والنجاسة ..ما اتجادل ولا شي اخرج اكمل انشغالي الي متعوده أسويها
كذا تمام اخي
ما افكر ما اتجادل في الفكره
مجرد الغسل والاستنجاء وأقوم
ولا احاول ارد على الوسواس
او ارجع اغسل من جديد او افتش
واتعوذ بالله من الشيطان
وكل ما طولت بالوقت ورجعت الفكرة من جديد
بعدم غسل مكان البول اتعامل معاها بال٣
تجاهل +صمود+عدم مناقشة
صح أن صدري ضايق بس والله احاول
وانا عارفه أنه الضيقه ذي صوت الشيطان
.......
ان شاء الله اتحسن انا واخواتي واخواتي من ابتلى بذا البلاء

تجاهلي بارك الله فيك
وحتى طرح السؤال في المنتدى يعتبر نوع من الاستجابة للوسواس
لأن ضميرك يعذبك فتكتبين بالمنتدى حتى يرد عليك شخص فيهدى وسواسك
وهذه ليست طريقة الشفاء الصحيحة.

طريقة الشفاء الصحيحة هي التجاهل التام وتحمل تأنيب الضمير