الحمد لله فى طريقى للشفاء

انا حبيت افيدكم من تجربتى و حابه اقولكم على طريقه باذن الله تكون طريقه لشفائكم جميعا
اكيد كل واحد فيكم كان فى عنده احلام كان مخطط انه يعملها بس كام مرة قال حعملها بكرة بسبب الكسل الى هو جابلنا الوساوس ليه متقولوش ان الوساوس دى جاتلنا عشان نبص فى حياتنا و نركز فيها و نركز على احلامنا الى ف ايدينا نخليها حقيقه انا بسببه عرفت ان حياتى كانت فوضى مليانه وهم و عرفت ان سبيلى للتخلص من الوساوس هو انى اعمل الحاجات الى كان نفسى اعملها بس بسبب كسلى معملتهاش
انا عايزاكم تركزوا على احلامكم الى كان نفسكم تحققوها و تبداو تمشوا ف طريق تحقيق احلامك و لما تجيلكم الوساوس استعيذوا بالله و اياكم و الياس
وحابه اقولكم انكم مش حتتخلصوا من الوساوس الا لما تحددوا اهدافكم من الحياه ايه الحاجات الى نفسكم تعملوها و تبداو فيها اوعوا تسمحوا للوساوس انها تكون اقوى منكم و اعرفوا ان انتم اقوى منها و بذكر الله وو تركيز على احلامكم حتتخلصوا منها ان شاء الله ومتركزوش على فات و لحظات استسلامنا للوساوس دى عشان دا الشيطان عايز يخوفنا ابداو من دلوقتى و اعرفوا ان الى فات مات و احنا ولاد النهاردة و ربنا يشفينا جميعا يارب

الفشل والكسل من الشيطان هو يحب أن يكون حال المسلم متدمر منقهر مكتئب وحزين ويضحك على المسلم الذي ليس له اهداف في الحياة
فيجب التوكل على الله لأنه الموفق لكل خير وتقوية عزيمتكم مع شوية همة والابتسامة والمشيء قدما نحو تحقيق الأحلام وبإذن الله تتحقق تفائلوا خيرا تجدوه