انا عندي وسواس الطهاره و بيزيد وقت الدوره الشهريه وبعد انتهاءها بحس ان اي حاجه لمستها ساعه الدوره لازم ارميها او اغسلها عشان اتنجست مع ان علي طول بغسل ايدي بس بردو بحس ان الحاجه اتنجست يعني مثلا ادوات المكياج بتاعتي لما بستعملها علي وشي ساعه الدوره اول ما الدوره تخلص بحس ان كل الكريمات و المكياج بدام لمستهم بايدي يبقوا اتنجسوا فابغسلهم يجيلي وسواس يقولي غسلتيهم من بره بس و من جوه جه عليهم ميه ساعه غسيلهم فكده اتنجسوا خلاص و مينفعش تستعمليهم عشان كده ينقضوا الوضوء و الصلاه مش هتتقبل انا بقيت كل شهر ارمي كميه علب زيت شعر و كريمات و مكياج كتير اوي و غاليه و الموضوع دا مازمني نفسيا ايه الحل
هل مش لازم اغسل الحاجه بس انا خلاص غسلتهم هل لازم ارميهم عشان و انا بغسلهم من بره دخلهم نقط مياه من جواهم فالمياه اللي دخلتلهم دي نجستهم من جوه فخلاص كده يترموا ولا ايه ؟؟!