السلام عليكم
أستاذة مناي باستشيرك في موضوع
أنا يوم كنت صغير كان عندي زيادة شحنات و كانت تجيني تشنجات و بعدها تعالجت و الحمد لله شفيت ، لكن الآن تجيني أفكار إن الشحنات زادت مرة أخرى و إن الاختلال بسببها لأني في الفترة الأخيرة قبل الاختلال سويت علاج طبيعي للظهر و كان يستخدم جهاز التدليك اللي يشعرك بلسعات ليرخي العضلات المشدودة و كان هذا هو اليوم اللي قبل الاختلال ، قبل شهر ذهبت لطبيب الأعصاب اللي كان متابع حالتي زمان و قال حتى لو عملنا 99٪ بتطلع سليم لأني عملت تخطيط في 2016 (قبل يجيني الاختلال) و طلع سليم ، على العموم مادري والله أستشيرك هل أعمل تخطيط ولا ماله علاقة بالاختلال لأن اللي شككني هو جهاز التدليك اللي عملوه لي في المستشفى و اليوم اللي بعده جاني الاختلال ، طبعاً هذيك الفترة كنت أعاني من القلق أيضاً و وسواس الأمراض