وسواس الكفر

السلام عليكم

1- كنت قاعدة اشوف سنابات وحدة تصور الربيع وتمدح وانا كنت حاطة يدي على وجهي وحسيت اني مبتسمة ليش ؟ مدري
يمكن لاني شفت ان الربيع مو كثير ؟ فأنا شاكه هل فعلي فيه كفر ؟

2- اخواني الصغار يسوون ذي الحركة واخوي الصغير قال لي افتحي الشباك وسوا ذي الحركة وانا قلت لا وسويت ذي الحركة بعدين على طول خفت وجلست اوسوس يعتبر توسل وهذا محرم او لا...الخ ما حكمها ؟

3- اول قبل كم شهر كان فيني وسواس السب ولما اجي انام واكون مغمضه شوي ويجي سب افز واجلس اشك انا نطقت ولا هو حديث نفس ؟ اتجاهل ؟ لاني جالسة افكر بذا الموقف

وعليكم السلام
كفرتي عشان ايش !! عشان شفتي الربيع مو كثير !!!
انا بسألك هل ترين هذا سبب للكفر ؟؟؟ !!!

هل تظنين ان الكفر سهل .. وكل تصرف نفعله نقول كفرنا !!

جميع ماذكرتي في الاسئلة ليس كفر .. بل وساوس تعبث وتتفنن لانها لم تجد من يوقفها .

هل قرأتي البرنامج الذي ارسلته لك ؟؟

انا ادري ان الموقف عادي لكن شكيت بنيتي وحطيت احتمالات بان نيتي كذا وكذا
وانا قد شفت ربيع قبل وما كان كثير ولا ابتسمت ليش ابتسمت الحين واجلس افكر
اذا بديت اتجاهل كيف افرق ان هذا كفر او لا ؟
زي الحين اخوي الصغير يشغل اناشيد ومقاطع فيها موسيقى واحيانًا تكون وقت صلاة واحيانًا يجلس عند القران واقول معروف ان اللي يشغل بوقت صلاة او عند القران حرام واحاول باخوي ويصيح لانه صغير ما يفهم هل احنا نتحاسب الحين ؟
وهو مرات يشغل قران بجواله ومرات اناشيد فيها موسيقى واحيانًا ننزعج من صوت الجوال واحنا نصلي لانه عالي وقلت ليت معه التاب لان صوته خفيف وجلست شكيت انتي تقصدين عشانه يشغل قران ؟ وووو رغم ان حتى امي اخواتي يقولون كذا ويجلسون يدعون على الجوال واستغرب ليش ما جلسوا يشكون وبعدين اقول اكيد نيتهم مب شينه مثلك

كل ماتفكرين به وساوس

1- يوم ابتسمت لما شفت السنابات احسني كذابة ما وضحت اكثر يعني اقول ممكن ضحكتي على خلق الله وبكذا كفرتي

2- مرات احسني اكذب امس يوم فكرت بذا الموقف لما شفت الربيع قلت ما راح اكل لان لما اكل احس تأنيب ضمير واقول انتي سويتي كذا وكذا وقلت ماراح اكل لكن نادوني اهلي عشان اكل قلت راح اكل شوي بس واكلت شوي وبعدين جلست اقول لنفسي انتي منافقة كذابة وبعد اكلت بوقت ثاني ونفس الشيء حسيت اني منافقة واكذب او لما ادخل الحصص اقول مهتمة بامور الدنيا ولا تهتمين بدينك

3- وسواس الابتسام بعد احسني كذابة وانا اللي ابي اضحك يعني لما اشوف احد مريض او مشكلة لاحد احسني كذابة انا اللي ابي اضحك
في مرة وحدة بس اللي حسيت اني راح اضحك بس جلست ادعي لذا الشخص واقول مو انتي هذا الشيطان
لكن الباقي ؟ واذا ضحكت على شيء يعني موضوع عادي احس هي الضحكة اللي حبستها

4- لما اجلس اعيد الصلاة او الاغتسال او الوضوء احس شيء يجبرني على الكفر لكن ما استجيب واقول مو انتي بس بعدين قلت ممكن اني انوي الكفر من الشيطان اتجاهله ؟ ولا انا انوي الكفر صدق

5- مرات لما اتوضا احس في اماكن ما امسحها براسي بس اتجاهل لكن احس فعلاً ما مسحت على ذي الجهات اكمل تجاهل ؟

6- النجاسة ريحتها تروح مع الايام اذا كانت على الملابس ؟

7- انا احيانًا قبل الصلاة اجلس اشم ملابسي ولا ادري كيف اوقف وما اشم ملابسي لان في مرة كنت ابي اصلي الظهر وشميت ملابسي وحسيت اني شميت ريحة بول لكن ما غيرت لبسي وصليت فيه بعدين قبل العصر بشوي رجعت شميته عشان اتأكد زين ولا لقيت الريحة اللي شميتها شكيت اني ما شميت زين لكن سحبت وصليت فيه
وانا قد صار لي كذا اني اشم لكن تختفي الريحة في مرة كنت جالسة على الكنب وشميت بالكنب ريحة خايسة حسيتها ريحة ريح لكن ما كان احد جالس عندي ولا انا اللي اخرجت الريح واظن كان وقت العصر ناسية الصراحة بعدين جاء المغرب والى الان اشم الريحة قلت لامي جات تشم ما لقت شيء وشميت بعدها وفعلاً ما لقيت شيء
قاعدة ان اليقين لا يزول بالشك هل هو يعني لما اجلس على الارض ولما قمت شفت النجاسة على الارض هنا اروح اشوف اذا لبسي جاه شيء او لا ؟
لان مرات اقول كيف تقولين لبسك مو نجس وما تأكدتي اذا هو فيه شيء او لا رغم اني ما تيقنت اني جالسة على نجاسة انا فاهمة غلط ؟

كلها وساوس تجاهليها من البدايه عشان ماتزيد،تجاااهلي ولاتعيدين شي ولاتفتشين،فتره وتتعودين وتصدقين انه صدق وسواس عشان كذا تجاهلي وارتاحي.

لما كنت اتوضا لصلاة الفجر شفت شيء اسود صغير مرة برجلي حاولت افرك رجلي ما راح قلت اشوف وشو اذا طلعت من الحمام طلعت وحاولت اشيله بيدي ولا راح قلت اكيد جرح لان احيانًا انجرح برجلي ولا احس لكن لما كنت اتوضا لصلاة الظهر لاحظت انه راح هل يعتبر حائل واعيد الصلاة او لا ؟

لاماتعيدين الصلاه ابداً.

https://www.alkhabeer2.com/t26-topic

https://www.alkhabeer2.com/t60-topic

https://www.alkhabeer2.com/t59-topic

https://www.alkhabeer2.com/t23-topic

https://www.alkhabeer2.com/t505-topic

https://www.alkhabeer2.com/t220-topic

https://www.alkhabeer2.com/t1393-topic

لما كنت اصلي يبان شوي من اسفل الذقن غطيته مرتين يعتبر مستمر وتبطل الصلاة ؟
ولما انتهيت من الصلاة بعد لقيته طالع يعتبر من العورة ولا لا واعيد الصلاة ؟ لان حسيت بالتشهد الاخير انه بان مرة ثالثة بس ما غطيته

لا تبطل الصلاة

السلام عليكم
تو بصلاة الفجر انا صحيت متأخر وعلى طول ابي اصلي ما ابي اعيد الصلاة وصليت وكل ما حسيت اني نطقت شيء خطأ سحبت خصوصًا عند "رب اغفر لي " انا اقولها مرتين المرة الاولى اشوفني انطقها صح بس الثانية احسني امشيها على السريع
هل لو مثلاً بالركوع عند الركعة الاولى قلت "سبحان ربي العظيم " ثلات مرات
والركعة الثانية قلتها مرتين يجوز او تبطل الصلاة
ايضًا بنفس الصلاة بوحدة من السجدات حسيت اصبعي ارتفع يوم كنت ابي ارفع من السجود
ولما كنت اقرأ سورة الفاتحة انا دايم اركز عليها هالمرة ما ركزت وشكيت اني ما نطقت صح بس ما عدت صلاتي باطلة ؟
وهل لو صليت قبل الشروق ب 4 دقايق كذا انا لحقت على الوقت علمًا باني يوم انتهيت من الصلاة شفت الساعة 7:08 والشروق 7:07 يضر او لا ؟

أختي كل اسئلتك هذي واستفساراتك لها معنى واحد.. انتي تسترسلين مع الوسواس.. وسامحه له انه يشغلك.. اشغلي بالك عنه ولا تضعفي له.. هذا مراده اساساً تجلسي تعيدي وتزيدي فالموقف والحركه والفكره لين تضيعي وقتك وحياتك وانتي تردي عليه.. تجاهلي كل الافكار والاسئله اللي تجيك في خاطرك وتجنبي الاجابه والبحث عن جواب..

انا بالصلاة اذا خلصت من الركوع وابي اسجد انزل على ركبتي اول شيء واحيانًا احس كأني راح اطيح على وراء بس امسك نفسي الصلاة تبطل ؟

لا ماتبطل ابداً،وليه تبطل اصلاً؟
رغد لاتسترسلين للوسواس الله يصلحك

لان ارجع على وراء بس امسك نفسي عشان ما اطيح كلي

.

أخيتي رغد.. انتي بحاجة لتطبيق برنامج الخبير... التجاهل ثم التجاهل ثم التجاهل.. وضعك الآن استرسال واستجابه للافكار اللامتناهيه.. الوسواس اذا تعاطيتي معاه لن ينتهي واذا خرجتي من فكره دخلتي في أخرى.. اوقفي هذا وتوكلي على الله.. لن يخلصك من الوسواس سوى عزمك لمواجتهه والتصدي له.. دون الابحار في افكاره والرد عليها... شفاكِ الله وعافاكِ

نصحتك يارغد بتطبيق البرنامج ولاحياة لمن تنادي للاسف.
جميع اسألتك فيها استرسال واضح جدا مع الوسواس ..
لن اجيب على اسالتك لان اجااباتها كلها في البرنامج الذي ارسلت لك روابطه ..

صدقيني ابي اطبق لكن خايفة من الافعال وكل يوم تزيد
قبل امس اختي جالسة عندي وحاطه كتبها بعدين مدت رجلها وكان تحتها كتاب يا تفسير يا لغة عربية وقتها جلست افكر شلون بقول لها وترددت بعدين طلبتها قلم عشان تتحرك وتجلس تدوره على اساس توخر رجلها بس ما فاد مرت كم دقيقة وقلت شيلي كتابك على جنب وقالت ليش وقلت شيليه وبس قالت راح اقوم انا وجلست دقايق وراحت والحين افكر لاني سكت ولا قمت وشلت الكتاب بنفسي هل فيه كفر ؟ وكثير تصير كذا مواقف او الموسيقى اللي بوقت الصلاة تو سمعت التلفزيون فيه موسيقى وكان وقت صلاة بس خفت امشي على السيب ويكون البلاط وصخ طبعًا فيه سبب لكن ما تأكدت واشك كثير باشياء تصير زي كذا

طيب يا أخت رغد.. أنتي الآن خائفة وهذا طبيعي مع الحاح الوسواس واستجابتك للأفكار.. لكن هل أنتي مرتاحه لهذا الوضع!!! طبعاً لأ.. إذاً يجب أن تحاولي مره واثنين وعشره وألف حتى تستطيعي الخلاص من الافكار.. القوة من داخلك.. انتي تصنعيها.. هل انتي من الضعف ان تواجهي فكره.. الله وضعك في هذا الوضع ليخرج منك اقوى ما لديك.. ما ابتلاك الله الا ليرفعك.. لتكتشفي نقاط الضعف لديك وتنطلقي في الحياة اقوى وأكثر صلابة.. تحلي بالعزم وتوكلي على الله.. حاولي كل ما تجيك فكرة وسواسية وسلبية تذكري الله وتسبحي عقاباً للفكرة السلبية.. ثم انظري مع الايام التحول الجميل في نفسيتك وسعادتك...

بس مشكلتي مو مع الافكار مع الافعال هذي اللي ذكرتها

والافعال.. مصدرها الفكرة.. تبدأ معك بفكرة ويتبعها الفعل.. تجاهلي الفكرة من البداية..

عزيزتي رغد والله العظيم ان جميع ماتشعرين به وتسألين عنه وتخافين منه جميعها اجاباتها موجودة في البرنامج العلاجي بالتفصيل في الروابط
التي ارسلتها لك ..

وبالنسبة للافعال التي تخافين منها فهي نتيجة افكار تفاعلتي معها واسترسلتي معها ..
الوسواس له طريقتين في التعامل معه صدقيني ليس هناك طريق ثالث ولا حل ثلاث ولا تعامل ثالث .
إما ان تنهينه وتزيلينه من حياتك .. وإما أن ينهيك هو ويحول حياتك لجحيم ..

الصعوبات في بداية تطبيق البرنامج أمر منطقي جدا .. مرض الوسواس كأي مرض لابد ان تكون بداية العلاج فترة مؤلمه ..
فكما يحتاج المريض مثلا لستئصال جزء من جسده ك يده او رجله هل ستكون فترة العلاج سهله منذ البدايه !! بالطبع لا .. فمرض الوسواس مثله تماما لانك تستئصلين افكار وافعال غير منطقية ربما عشتي لسنوات طويلة وانتي تعانين منها ..

لكن بعد فترة الاستئصال ستكون النتائج مريحه وتستاهل التعب والتحمل من اجلها لانك اوقفتي انتشار المرض للابد .

لذلك استعيني بالقوة وتوكلي عليه وطبقي البرنامج واصبري ثم اصبري على البدايات فقط لانها لن تطول ولن تستمر ..
وتذكري ان صبرك على الم البدايات اهون بكثثير من صبرك على المعاناة المستمرة التي ستسرق من عمرك سنوات وسنوات من المعاناة بلا نهاية

السلام عليكم
ممكن ما فهمتيني بسالفة الكتاب لكن الكتاب اذا كان تفسير فهو موجود فيه ايات اكيد واذا عربي غالبًا يكون فيه ايات وكل كتاب بدايته " بسم الله الرحمن الرحيم " لذلك توترت شلون بقول له وجلست افكر اني ممكن كفرت لاني ما اخذت الكتاب
وفيه مرة كنت ابي اصلي وابي استعيذ بالله من الشيطان واتفل عن يساري ثلاث مرات لكن اختي كانت قريبة مني ولا سويتها خفت تشوفني بعدين قلت تستحين من شيء الرسول عليه الصلاة والسلام امر به ؟ والحين افكر اذا فيه كفر
بعد بالصلاة صايرة اسرح كثير ولا ادري كبرت تكبيرات الانتقال او قريت سورة الفاتحة كاملة او قلت" سبحان ربي الاعلى " ثلاث مرات او لا ؟ او قلت "سبحان ربي العظيم " ثلاث مرات المهم اني اذا شكيت بالواجبات اقول راح اسجد سجود سهو لكن اللي يحصل اني اسرح واشك بسجود السهو هل اعيد الصلاة بذي الحالة او لا ؟ وفي مرة حسيت ان بطني قريب من فخذي لكن ما عدت الصلاة اعيدها ؟