تكفون الله يوفقكم ساعدوني

انا عندي وسواس الموت سنين طويله الحين خايفه من الامراض واني اموت اخوي صابته كورونا وانا معي حساسيه جيت مكان فيه مثيرات للغبار احس حلقي يوجعن بعدين احس بطني بعدين انسى ويوم جيت بنام اشتد وخايفه وقبل اتبعت طريقة التجاهل باي وسواس ويروح الا هذا احس حقيقه والحمدلله انزاح الوسواس بس من صار باخوي كورونا وسوست من جديد

حبيبتي ريما اول شي لازم تقتنعين بفكرة ان الموت بيجيك بيجيك تمام وهذا الشي بيخليك ماتحسين بخوف وطبيعي لان كلنا بنموت لكن يصير الموضوع بزياده كل ماجلستي تذكرتي الموت وكل شوي كذا غلط تجاهلي انا قد جاين مافيني الا عافيه له تسع اشهر الحين رايح ومامت ولا شي واذا مت الحمدلله الله يرحمني والله صدق يعني نسوي اللي علينا تجاهه ربنا يعني اذا خايفه من فكرة ان مو مستعده مثلاً للموت مقصره او شي سوي اللي يبيك ربنا والحمدلله وترا دائماً اللي يوسوسن مافيهم الا العافيه الموت اصلن مايحس فيه احد نادر اللي يحسون وممكن يكون بعد بعضهم بسبب ان فيه مرض وكذا وهذا سوء ظن بالله انك تتخيلين انه يجيك كورونا وانك تموتين الرسول عليه السلام قال؛ الطِّيرَةُ مِن التَّطيُّرِ: وهوَ التشاؤمُ بالشَّيْءِ يُرَى أو يُسمَعُ ويُتوهَّم وُقوعُ المَكْروهِ به، فيُظنُّ أنَّ هذا الشَّيءَ هو السَّببُ فيما يَحدُث فيُتظيَّرُ به ويُتشاءَمُ منه، بل كُلُّ شيْءٍ بِقَدَرِ اللهِ عزَّ وجلَّ، "وخيرُها الفَأْلُ يعني تفائلي وابعدي عن سوء الظن بربك وتجاهلي وهذا الوسواس يبي يخرب علينا لكن نتعوذ من ابليس ونتجاهل والحمدلله اذكري الله كثير وتعوذي من ابليس

الحمدلله تعافيت فتره وارجع بس هالمره خايفه من كورونا وان حلقي يوجعني حتى نفسي انسدت عن الاكل ولاتذكرت مغص واحس برجفه برد من الخوف اول مره تجيني هالحاله تعذبت وربي شكله حاله هلع معي وسواس بس الحمدلله ماقد وصلت لحاله الهلع هذي حتى النوم عجزت انام من الخوف

المفروض اللي يخافون من كورونا هم كبار السن واللي عندهم امراض مزمنه

اما وحده صغيره مثلك المفروض ماتخاف لانه تأثيرها عليك بتكون مثل الزكام بس

خوفك ماله معنى في ناس جاتهم مرتين وعادي ماحسو غير بشوي حراره وكحه

غير انك ماخذه اللقاح يعني ارتاحي