السلام عليكم
جزاكم الله خير على ما تفعلون واتمنى مساعدتي
انا اعاني من الوسواس وخصوصا وسواس العبادات
بالنسبة للصلاة والوضوء تحسنت بنسبة جيدة والحمدالله لكن!!!
وسواس الطهارة والاستنجاء كل ماله في ازدياد عجزت ارتاح كل شيء اخاف منه انه نجس وبعدين اتنجس
مثلا عند الاستنجاء ( نوع حمامنا فرنجي ،،يكرم القارى )
=اذا انتهيت ونهضت ارى قطرات او نقاط ماء على ملابسي ولا اعلم هل هي ماء او بول ؟!!! فاضطر الى تغيير ملابسي الداخلية واحيانا ملابسي كلها وتكرر بشكل كبير ويرجع ذلك انه مره نقطت قطره ولكي اقطع الشك شممت ملابسي فاذا بها رائحه فغيرت ملابسي وبعدها صرت اخاف من هذه القطرات ان تكون نجاسة ،، مره رحت للمستوصف واحتجت دورة المياه وما قدرت اصبر فلقيت دورة المياه نوعها (عربي) وانا من النوع اللي البس شراب دايم
وطوال الوقت احس اني تنجست وجاء البول ع فخذي غسلت ما استطعت بس حسيت انه ما تنظفت زين وانه في رذاذ اكيد جاء على رجولي لكن ما قدرت احس فيه لاني لابسه شراب وبالتالي شرابي تنجس فلما رحت البيت فسخت كل شي وغسلت ولبست ملابس جديدة
= قبل سنة ونصف لا اعلم استقيظت من النوم ورايت انني بللت فراشي وكانت صدمة كبيره لي تكررت لمده يومين فقالت امي يمكن من القلق فاضطررت لغسل الفراش كله ومن ذلك اليوم الى الان صار عندي زي الفوبيا اذا قمت المس واشم ملابسي اخاف اكون بللت نفسي احيانا القى رطوبة فقالت لي اختي عادي هذا عرق والبول ريحته قوية فخفت الحالة قليلا لكن امس استقيظت و وجدت رطوبة فقلت يمكن عرق لكن ما ارتحت قمت ولمست الفراش وشممته و شممت ملابسي بس ما حسيت برائحة البول ورجعت نمت مره ثانيه وقلت هدا وسواس ما ابغى يسيطر علي وقمت والفكره براسي وتجاهلتها وصليت لكن قد بين فتره وفتره اشم الفراش لاتاكد واشوف بنطالي لكن ما فيه ريحه وعجزت ارتاح نفسيا قلت خليني اتجاهل زيادة وكملت باقي الصلوات وطلعت مع الاهل لا اخفيكم نسيت الموضوع شوي لكن يوم رجعت الفكره رجعت قعدت من ١٢ الى ٢ و انا اتاكد من الفراش واشمه وملابسي في النهاية غيرت ملابسي ومفرش السرير غسلته لكن ما اعدت الصلوات والحين احس :-
-احس اني صليت من دون طهارة
- نجست الكنبات اللي اهلي يقعدون عليها وتتوسخ ملابسهم وانا اللي راح اثم
كلمت اختي قالت هذا وسواس والبول حتى لو جف ريحته قويه بس عجزت ارتاح
انا الى الان ما عدت الصلوات لكن للحين افكر فيهم كيف اقابل ربي بصلوات صليتها بدون طهارة :(((
- انا عادتي اقضي ايام رمضان بثاني اوثالث يوم عيد لكن هالسنة هذه تغيرت الظروف شوي فبديت الصوم من اليوم السادس من شوال لكن صار معاي شيء انه عجزت استحضر النية مع أني أقول ف الليل أني راح أصوم الأيام اللي تجي للقضاء لكن اشعر أني صمت من دون نية القضاء يعني من الفجر وانا حالتي حاله بسبب موضوع النية صمت يومين ومع ذلك اشعر أني ما صمتهم صح ..جاء اليوم الثالث بصومه جاني فكرة قلت ليه ما أبدا مع اختي لكني اكملت توضاءت للفجر وصليت و أمسكت عن الطعام والشراب لكن بعد ما خلصت الصلاة قلت لا يكون تغيرت نيتي عشان الفكرة اللي فكرت فيها قبل شوي ف احترت كثير وتركت الصيام ذاك اليوم وبعده قلت لنفسي راح اصوم الايام الجايه للقضاء خمس ايام وكملت بعده ٥ ايام متواصلة وبعد ما انتهيت احاول اتذكر لو شيء بسيط يدل أني صمت او استحضرت نية القضاء احس أني ما أديت واجبي ولا صمتهم صح ،، ،، *والحين أفكر هل أنا كنت صايمه أصلا ؟! *
- الشيء الرابع انه تقريبا الساعه ١١:٣٥ او ١٢ الا شعرت بالالام الحيض و قلت خليني اروح اشوف نزلت ولا لسه( عشان احسب صلاة الظهر قضاء او لا)
رحت ولقيتها نزلت وكان وقت الصلاة مرره قريب طلعت وبعدين فكرت قلت خليني ارجع اتاكد مره ثانية واذن والحين ما اعرف احسبها قضاء او لا
اتعبني التفكييير كثييير ، قريييت ناس تخلصوا من الوسواس وماشالله الله يديم عليهم لكني عجزت قريت البرنامج العلاجي لكن احيانا تحصل معاي اشياء او حالات ما تصير مع احد فا افكر هذا اجل مو وسواس حتى المشايخ ماصاروا يردون علي :ـ(((
منتديات الخبير النفسي 2
موضوع: الرجاء المساعده اشعر ان كل شيء افعله وسواس :(( 
