شنو علاج هالنوع من الوسواس

بسم الله الرحمن الرحيم
السلام عليكم ورحمة الله وبركاته

انا اعاني من الوسواس القهري الاضطهادي من سنه الفين وسبعه
كانت تجيني علي شكل هلاوس بصريه اشوف اشياء تخرع
او اشوف امي بس جسمها وطولها غير عن الواقع
وما كنت اعرف ساعتها انو وسواس
بعدين صارت تجيني هلاوس سمعيه اسمع حد يقولي ان فيه ورا الستاره حد قاعد
فتحت الستاره ومالقيت حد(خيالي واسع للاسف)
بعدين قالي الا في حد وابتدى خيالي يصورلي ريال
حاط ايده على خده بطريقة المنصت بشكل جيد لي
وكأنه يبيني اقوله عن المعاناه الي انا عانيتها في طفولتي
المهم
وصرت اتكلم معاه وايد قرابة الثلاث ساعات او اكثر
وانا ما كنت اعرف الي الي فيني وسواس

في الفين واحدعش رحت دكتور في الرياض (انا من قطر مو من السعوديه)
وشخص حالتي على اساس انه وسواس قهري

المهم الوسواس الاضطهادي الي اعاني منه اني كله يجيني وسواس ان الناس تقصدني
بالسوء
بمعنى اصح لو اختي مثلا اتكلمني وبعدين لفت ويها تبي اتشوف بنتها الوسواس يوقلي اتصعر خدها لج
انا عارفه بكامل قواي العقليه انها ما اتصعر خدها هي بس تنتبه لبنتها

واشياء وايد مثل جي
ودايما احس ان اختي اجذب علي ومع مرور الوقت اكتشف انها تقول الصج
حاليا احاول احسن الظن بس ماني عارفه شنو العلاج

حاليا هو خف معاي لاني احاول اني ما اعطيه اهميه
احاول اني ما التفت له فعلا خف بس ماراح

ودي يروح وافتك واعيش طبيعيه

وايد مثلا اتخيل ناس مثلا خواتي وامي واتكلم معاهم عن موقف مضحك او موقف حزين صار معاي في طفولتي او ايام الثانويه

ارجو ان القى الله بعد الله عندكم لاني تعبت منه حيل ابي ارجع طبيعيه

فشنو الحل

اي ونسيت اقول ساعات تجيني خيال ان ريلي تتقطع واحس بالخوف والم وتوتر ويضايقني هالشي

اختي الفاضله

هذه كلها وساوس .. لستي الوحيدة تعانين منها فجميع من في المنتدى يعانون اسال الله الشفاء لك ولهم

وأعجبني فيك انك ما تعطيه اهميه وهذا الشي خففه عنك والحمدلله ولاكن اذا قرأتي المواضيع وطبقتي تطبيق صحيح فماذا سيحصل ؟

هاهي المواضيع الثلاثة

https://alkhabeer.yoo7.com/t23-topic

https://alkhabeer.yoo7.com/t73-topic

https://alkhabeer.yoo7.com/t108-topic


اقرأي وطبقي ونحن في انتظارك تبشرينا بصحتك ان شاء الله

السلام عليكم الاخت موني

ان ما نصحكي به الاخ (تحدوه البشر) من قراءة المواضيع وتطبيق ما فيها شئ جميل,ولكن لو قمتي بتسجيل نفسكي في دورة وسواس الافكار المزعجة يكون احسن لضمان علاجكي مائة بالمئة.

وفقكي الله لما فيه الخير.

السلام عليكم اخي ابدا بتطبيق البرنامج الخطوة الاولى مع كل فكرة ترد عليك جميع الافكار الوسواسية ابدا لتجاهلها بمجرد قدومها تستعيذ وتبتسم وتتجاهل لا تفكر بالفكرة ولا ترد عليها ولا تناقشها مع نفسك فقط اشغل نفسك باي امر اخر كلنا كنا مثلك انا كنت اسوا من حالتك بكثير وبحمد الله الان بصحة وعافية فقط قم بالتطبيق. ونحن معك نساعدك والله لو تعزم ما يأخذ معك هالوسواس اكثر من أسبوع الا وقد زال باذن الله لكن شرط ان تطبق. بشكل صحيح ولا تنسى المحافظة على أذكار الصباح والمساء