بسم الله الرحمن الرحيم وبه أستعين
اخى مجدى لو كنت فعلتها فلتتب الى الله وتستغفر وان لم تكن قد فعلتها فسحاول انا اقوم بكتابة بعض المعلومات التى قد تفيدك
1- متسمحش لأى حاجة تزعلك -- لأنك لما بتزعل انت بتقول انك بتضرب عشرة -- وطبعا يشتغل بعدها تأنيب الضمير وجلد الذات
وتقدر تتحكم فى كدة عن طريق -- تحسين رد فعلك تجاه مايحدث بالواقع -- يعنى لو حد عمل حاجة دايقتك وابتدى الناقد الداخلى والشيطان يشتغلوا ويقولولك انت اصلا محدش بيقدرك ومحدش بيحبك وملكش قيمة .. الخ
بناءا على فهمى من المنتدى مفروض متناقش الفكرة بكل بساطة انت عارف ان ربنا سبحانة وتعالى قال (ولقد كرمنا بنى أدم ) كل بنى ادم وانت منهم فمفيش حد هييجى يقلل من قيمتك وقدرك الا لما انت تسمح لنفسك بالاستجابة للافكار الداخلية من الناقد الداخلى او الشيطان .
2- اللى بيحصل لما فكرة تجيلك انك شاذ تقول وماله شاذ شاذ ملكش دعوة ... انت ثقتك بنفسك أعلى من كدة .
تخيل واحد مجنون مفيهوش اى قوة رفيع جدا جلد على عظم وحتى صوتة عامل زى صوت واحد معدى المية سنة (لو نفخت فيه هيطير اصلا ) بيقولك فى الشارع ياشاذ هل هتفكر ترد عليه .. اطلاقا .. عارف ليه لأنك عارف انه مجنون - والناس عارفه انه مجنون .
برضة
تقدر تتخيل الشيطان الاب ومعاه خمس ست شياطين صغيرين وقاعدين حواليك والشيطان الكبير بيقول للشياطين الصغيرة بصووا انا هنعملكوا ايه فى الزبون ده .. وجاى عليك وبيقولك ياشاذ -- طبعا لو انت خفت واتوترت - وخد بالك بيبان على الجسم اصلا انك خايف - الشياطين الصغيرة هيقولوا : الله يبابا - ويستلموك بقى وساوس ويتدربوا فيك كمان
لكن لو انت قلت عادى ومفرقش معاك كلمة زى دى -- الشيطان هيخاف منك اساسا والشياطين الصغيرة هيضحكوا عليه
3- متحاولش تسمع للصوت الداخلى وتناقش فيه كتير وتخليه يخدعك ويقولك عايز نفهم عايز نتاكد لأنك مش هتفهم كل حاجة - مثلا الصوت الداخلى عايزك تتأكد انك سليم وان فتحة الشرج سليمة
-- خليك قوى وعبقرى وبعد منتأكد هل هنترتاح كدة والله عمرك مهترتاح هيهدى شوية وهيرجعلك بشئ تانى تتاكد منه وطبعا بين كل فترة تأكد والتانية ايام وشهور واحيانا سنوات .
انا واثق انى مع ربنا سبحانة وتعالى ... مين اللى شايف وعالم كل شئ دلوقتى (الله سبحانة وتعالى )
4- متعودش نفسك انك تقييم حياتك بناءا على نظرة الناس
بمعنى تكون سعيد لما الناس يمدحوك ويحبوك
اوعى تستمد قيمتك منهم - قيمتك من جواك -خليك متأكد ان ربنا سبحانة وتعالى (اللى العرش بتاعه وسع السموات والارض وركز على السمووات ها ركز)
خلقك لغاية وهدف وانت بتحاول تتكتشفه
بسم الله الرحمن الرحيم
(الذى خلق الموت والحياه ليبلوكم ايكم أحسن عملا )
(انا كل شئ خلقناه بقدر )
(وماخلقناكم عبثا )
صدق الله العظيم
5- ابتعد عن الكمالية (الكمال لله وحدة ) اعمل اللى عليك وسيب النتيجة على ربنا .
6- الشك هيجيب قلق والقلق هيجيب خوف وحزن ---- فقولون فتجاعيد فبلاوى زرقا .
الشك بييجى للانسان اللى مش واثق فى سعيه مثلا او مش واثق فى نفسه .
بسم الله الرحمن الرحيم ( وأن ليس للانسان الا ماسعى وأن سعيه سوف يرى ثم يجزاه الجزاء الاوفى ) صدق الله العظيم
7- اي مقارنة عندك الغيها -- لازم تكون راضى عن نفسك .
واليك هذه الفقرة من كتاب خرافة الكاريزما اوليفيا فوكس
#عدم الرضا ينجم عن المقارنة
المقارنة والتقييم يعوقان قدرتنا على أن نكون حاضرين بشكل كامل .
ومحاولة تحسين كليهما تضعف من حضورنا و تُنشئ القلق نتيجة للضغط في محاولة إيجاد أفضل خيار ممكن. ويمكن للتقييم السلبي أن يضعك في أوضاع نفسية سلبية، مثل عدم الرضا أو الحسد أو الاستياء.
ونظرًا لأن نزعة المقارنة تلك مرتبطة بشكل عميق بعقلنا، فمحاولة مكافحتها قد تتطلب جهدًا كبيرًا. وبدلًا من ذلك، لاحظ متى تعقد المقارنات واستخدم أسلوب نقل المسئولية للتخفيف من أي اضطراب داخلي قد يحدث.
تمرين نقل المسئولية
اجلس باسترخاء القدمين بعيد عن بعض واليدين فوق القدمين وظهرك مستقيما - خذ نفسا عميقا من انفك بحيث يملأ بطنك واكتمه فترة خمس او ست ثوانى وخرجه من فمك بهدووووووء (خمس او ست مرات) - تذكر خالق الكون - تخيل انك تنقل تلك المسئولية وذلك القلق اليه سبحانة وتعالى .
#
##### لست متأكدا اذا كنت سأضيف شيئا ما لاحقا فى المستقبل -- ربما لا اضيف شيئا حيث أننى غير متخصص