وساوس عديدة

السلام عليكم
اللي يتأثر بوساوس الناس نصيحة لا يقرأ

انا فيني عدة وساوس اولهم وسواس العقيدة بالبداية كان تشكيك بوجود الله سبحانه وتعالى والاسلام وفي يوم من الايام يوم كانت تجيني هذي الوساوس الكفرية قلت (اعبدي الله زي اهلك وش بيضرك ) ومن بعدها اشك بنية اسلامي يعني هل صادقة ومؤمنة ام فقط بسبب اهلي ؟
ومرات احس اني ادعي على نفسي بالكفر واصير خايفة من المستقبل ! وفيني وسواس السب بعد لكن الحين خف ومرات احس اني ابغى الكفر !

وسواس الطهارة
عرفت ان الموسوس يسوي اشياء كثيرة هي بدع وعرفت وش الاشياء ذي وصرت اتجنبها واذا غسلت يدي المرفق يوصل الماء الى ما بعد المرفق واروح اعيد الوضوء اقول انا زدت على العضو المحدد يعني بس الحين صرت اتجاهله هل هذا يضر ؟ وايضًا الرجل اذا جاء على ساقي ماء اقول زدت على العضو نفسه بس ما اعيد
والاذن اذا مسحت راسي تنشف يدي واعيد الوضوء واذا عدت يصير نفس الشيء وهكذا اطول مرة بالحمام وفي مرة اذكر توضيت ونشفت يدي بس كملت الوضوء هل اعيد الصلوات ؟
وابي اسألكم عن مسح الرأس للمرأة هل نمسح اخر شعرات اللي تكون عند الرقبة بالضبط ؟
وايضًا وسواس قطرات البول بالبداية كنت اعيد الوضوء وبعدين صرت امسح بالمناديل بعد ما اخلص صلاة ولا القى شيء واقول يمكن نشف وصرت اتحفظ وبعد ما القى شيء بس مرات حتى لو هو مو وقت صلاة ودخلت الحمام بعد ما اطلع احس بشيء يطلع واقول اكيد اجل انه مو وسواس قلت لامي قالت ممكن هواء بالرحم يطلع
وبخصوص الافرازات انا تطلع معي افرازات بكل وقت نادرًا تنقطع عني فاذا دخلت استنجي وتبولت ونظفت خلاص بقوم عشان اتوضا القى افرازات واعيد الاستنجاء واطول مرة يمكن اخذ حول الساعة يعني لو جيت استنجي يحتاج انتظر الافرازات تطلع ولا انظف مكان البول وخلاص اكتفي ما تضرني الافرازات اذا طلعت ؟
وبالصلاة احس يدي تكون مائلة اذا جلست بين السجدتين واعيد الصلاة وبالركوع يكون الابهام بجهه والاصابع الباقية بجهه واعيد الصلاة وبخصوص الشعر بالصلاة من وراء يطلع شعر صغير اطراف الشعر فهمتوا لان اقول لامي وما تفهمني وتصارخ وتقول انتي مجنونة ! وصرت احط شيء على راسي بعدين البس شرشف الصلاة واقول يمكن يكون غلو وتشدد فقلت اسألكم
انا قلت ان الافرازات عندي ما تنقطع ولما اخلص صلاة واروح افتش القى افرازات واقول يمكن يكون ودي بس ما اعيد الصلاة هل فعلي صحيح او لا ؟ لاني ما اعرف افرق بين الافرازات ابدًا

تو صليت الفجر وانا دايم يرتفع الحجاب من عند الجبهه ويطلع شعر وصارت حركتي كثيرة بالصلاة عشان اغطيه واقول انا مضطره لاني ابي اغطي شعري مو حركه عبث بس ولما خلصت صلاة لقيت شعره وحدة من الزلف طالعة وقلت انا عرفت بعد ما خلصت الصلاة اجل ما علي شيء لكن احس بتأنيب ضمير فعلي صحيح او لا ؟

السؤال الثاني / صلاتك صحيحه والشعر القليل لا يضر
ولا تتكلفين في تستير شعرك .. هذا من التكلف الزائد
الشعر القليل اذا خرج لا يضر .

السؤال الاول / سأجيبك عليه لاحقا

وعليكم السلام
كل ماتجدينه في نفسك لستي مؤاخذه به .. وسواس العقيدة هي من الشيطان وليست من نفسك . وسأضع لك روابط البرنامج العلاجي لوسواس العقيدة

وبالنسبة لوسواس الوضوء من قال لك ان زيادة الماء بعد المرفق يوجب اعادة الوضوء !!!

وطبيعي انك اذا مسحتي رأسك تنشف يديك لماذا اعادة الوضوء؟؟
هذا من التكلف الذي لا يرضي الله .

وبالنسبة لمسح شعر المرأة فلا يجب مسح الشعر الذي عند الرقبه .

والافرازات التي تخرج من المراة (طااهرة ) ولا تحتاج حتى تستنجين منها .. سواء خرجت قبل الوضوء او بعد الوضوء فهي طاهرة .

وبالنسبة للجلوس بين السجدتين فلا يضر مليان اليد او الاصابع .
فمن قال لك ان المليان يبطل الصلاة ؟؟ وماهو دليلك حتى تعيدين الصلاة بسبب ذلك !!

ارجوك يا اختي توقفي عن جميع السلوكيات التي ذكرتيها .. لا تدعين الشيطان يعببث بك هكذا ..

سارسل لك روابط يجب ان تبدأي فيها من اليوم .

ان شاء الله بتجاهلها شكرًا لك واعتذر على كثرة الكلام والاسئلة
لكن جاوبيني تكفين
1-انا شفت فتوى لابن عثيمين يقول ان المرأة ما تغطي جبهتها في الصلاة ،لكن اذا حاولت ما اغطي جبهتي يغثني شعري واعيد الصلاة او اكمل الصلاة واشك انها بطلت بسبب حركتي وامس واليوم وفي صلوات قبل غطيت جبهتي فيها لان اقعد بالدقايق احاول اغطيه ولا ينفع فهل صلواتي خاطئة واعيدها ؟وايش اسوي بشعري مرة يغثني

2-انتي قلتي طبيعي تنشف اليد اذا مسحنا الرأس طيب احط ماء على اصبع الابهام والسبابة ولا هذا من الزيادة ؟لان سويتها امس واليوم ببعض الصلوات ومارديتي علي بسؤالي ان بعض الصلوات قبل فترة نشفت يدي ولا حطيت ماء على يدي وكملت وضوئي وصليت فيه صلواتي خاطئة ؟ لان اعتبر ما مسحت اذني ؟

3-في الصيام اذا تمضمضت هل يضرني الماء الباقي من المضمضة ؟لان ابي اصوم بس اخاف ابلش بالماء هذا

5-الصلاة وانا بالركوع وخلصت من قول سبحان ربي العظيم وجيت برفع من الركوع اقول سمع الله لمن حمده على طول ؟ واذا قلتها بعد ما رفعت واستقمت تقريبًا تبطل الصلاة ؟
وفي التكبيرات اذا كانت يدي يعني من عند اصابعي نازله شوي تبطل الصلاة ؟
شفت مقطع لعلي عسيري يقول الموسوس يكون متيقن انه ركع لكن الشيطان يجي يشككه انا مرات اسرح بالصلاة واشك واقول وسوسة واسحب هل وسوسة ولا انا فعلاً ما سجدت ؟

س١/ الشعر القليل اذا خرج لا يضر ولا تبطل معه الصلاة

س٢/ هذا من الزيادة .. ولستي مطالبة بوضع الماء .. وصلاتك صحيحه
س٣/ الماء الباقي من المضمضه لا يضر الصيام ويجوز بلعه .

س٤/ لا ماتبطل الصلاة وماياثر سواء قلتي سمع الله لمن حمده اول ما ترفعين على طول او بعد ماترفعين كلها واحد مايأثر .

ولا تبطل الصلاة اذا نزلت اصابعك .

انصحك بالاعراض عن الوسواس فجميع الاسئلة تبين تأثرك بالوسواس ..فارجوك توقفي عن كل هذا .

طيب هل الدعاء يستجاب اللي بحديث النفس ادعي على نفسي في حديث النفس بالكفر والقتل وادعي على اهلي صرت اخاف من المستقبل صدق
ودايم بالصلاة اذا تنرفزت من اصواتهم وعجزت اركز اتخيل اني اسبهم واقول اشياء كفرية هذا من نفسي ولا من الشيطان ؟
اول كنت اكفر نفسي بسبب الوسواس يعني احس بيأس من حالتي واكفر نفسي ومعروف اللي يكفر نفسه يكفر فهل كفرت ؟

حديث النفس لا يؤاخذ عليه المسلم ولم تكفري .
لكن توقفي عن هذه الامور ولا يجوز ان تكفري نفسك فانتي مؤمنه
ابتعدي عن هذه الافكار لانها ستجرك لامور عظيمه .

سأرسل لك روابط مهمه جدا لابد ان تطلعي عليها وتبدأين في تطبيقها .

امس واليوم صرت اتأخر بالحمام عشان شيء ثاني اللي هو اذا حسيت اني ابي اخرج ريح اخرجها قبل لا اتوضا ويكون باقي ماء من الاستنجاء اكيد واذا اخرجت الريح احس شيء يخرج معها لكن ما القى شيء فقط ماء الاستنجاء بس اروح اغسل واستنجي احتياط اتجاهل ذا الشعور اذا حسيته ؟

امس شفت وحدة بالمنتدى تشافت من وسواس سب الله واخذت فترة وبعدين جاها سب وصرت انا خايفة اني اسب الله لان وسواس السب خف مرة لان صرت منشغله بوسواس الطهارة وفعلاً اليوم طول صلواتي اقول انا احب ربي مستحيل اسب واكرر واكرر وما اركز بالصلاة علمًا بأن فعلاً جاء سب واحس انا جبته فهل انا مؤاخذه وايش اسوي بالخوف هذا ان يصير لي زي ما صار للبنت

بالصلاة بعد ما قلتي ان اليد اذا صارت مائلة ما يضر صرت ما اهتم لكن بديت احس رجلي هي المائلة وصرت اقطع الصلاة وارفع الشرشف عشان اشوف اذا هي مائلة ولا لا اتجاهله ؟

انا اعاني من غازات ذي الفترة بس واذا توضيت احس بريح قوي احيانًا اخرجه واحيانًا لا لان ادري حتى لو اخرجته وتوضيت مرة ثانية يجي ريح ثاني وصرت امسك نفسي بالصلاة لانك شفتي الشعور اللي نحسه لما نخرج ريح ؟ نفسه بالضبط يصير لي لكن داخل الجسم احس بحركات واصوات واقول اكيد ما طلع لاني احسه من دخل هل صلواتي صحيحة ؟

انا بديت احس ان كل بيتنا صار نجس بسبب الاطفال يعني واشياء يقين شفتها بعيوني امي تمسحها احيانًا لكن احسها ما نظفت صرت ما اقرأ قران اقول ممكن بكذا اهين القران ولا افتح مقاطع ولا شيء واحس بتأنيب ضمير وانا بسبب الوسواس اذا قرأت قران مستحيل اخلص الوجه الواحد بسرعة اعيد واعيد واعيد واقول ما نطقته صح صرت ما اقرأ استثقل قراءة القران واحيانًا اشوف ايه قدامي بالجوال واصور الشاشة واقول بعدين اسمع مقطع باليوتيوب للايه وتمر الايام وانا ما سمعت مرات اقول انا وصخة لازم اتنظف بعدين اسمع او اقول بيتنا صار نجس ما يصير اشغل قران او اذكر الله هل لو شغلته اعتبر اهين القران او اذا قرأت القران او ذكرت الله ؟

وبصلاة العصر ارتفع الحجاب وغطيته وبعدين بالتشهد الاخير حسيته ارتفع بس ما تحركت ولا غطيته بس ما خلصت صلاة شفت ان مرتفع واذا ناظرته القى شعر باين فهل صلاتي بطلت ؟ لان حسيت انه ارتفع وفعلاً ارتفع يعني انا متعمدة ؟

يا اخت حلم امس قبل لا اتوضا كنت قاعدة اتخيل مواقف (احلام يقظه) وحسيت اني سبيت الله واحس انه تعمد مو احساس الا اكيد بس مدري كفرت او لا
واول يوم كان السب يجيني بكل وقت كنت مرات اشوف السب عن تعمد وبعد ببداية وسواس السب كنت ابكي واجلس باكتئاب بعد فترة حسيت بتبلد ! يعني اذا جاء سب اكون مبتلده ولا ابكي ولا شيء بس احس بضيقة بس مدري شكيت بنفسي كثير بس كنت ابكي بحالة وحدة اذا حسيت السب متعمد علمًا باني يوم كنت احس بتبلد احيانًا اضرب نفسي بس يعتبر ضرب خفيف واشد شعري ابي اسكت ما ابي اسب خلاص ! ومن شدة كرهي لنفسي كان ودي اضرب نفسي الى ان اموت

ليه ما تردين علي
بالصلاة احس ما اعرف انطق ولا شيء !
يعني اذا بقول "رب اغفر لي " بين السجدتين احسني ما انطقها كأني امشيها كذا بسرعة
وبالركوع احسني اقول العضيم بدال العظيم واحس فعلاً لساني يكون ما طلع وابالغ واطلع لساني ويصير نطقي سيء وبسورة الفاتحة ما اشدد على الحروف واذا في تفخيم اشوفني ما فخمت والضاد انطقه ظاء ! ودعاء الاستفتاح عند "سبحانك اللهم وبحمدك" اشوفني اكسرها بزيادة واقطع الصلاة واطول مرة وانا اقطع الصلوات واحيانًا اسحب بس مدري اذا احاسب او لا او انه حقيقة او وهم
وبعد احسني اذا شفت مشكلة لشخص او اي شيء احسني ابي ابتسم بس امسك نفسي واضغط على نفسي واتخيل اني اضحك بصوت عالي وش الحل ؟

اختي رغد اولا انصحك ان لا تقراين في المنتدى بعض المواضيع اذا كنتي ستتأثرين .. مايهمك في هذا المنتدى هو البرنامج العلاجي للخبير ونصحتك به وللاسف الشديد يبدو انك لم تبدأي فيه ..

بالنسبة لاسئلتك .

١/ لايلزمك الانتظار بعد الاستنحاء ولا الغسيل من جديد وتجاهلي ماتشعرين به
٢/ اجبتك عليه .
٣/ ماهذا الغلو !!! لا يضر مليان الرجل ولا يضر مليان ( اي عضو في الصلاة) ولايجوز لك قطع الصلاة لهذا السبب .. لانه من العبث في الصلاة ان تقطعينها هكذا .. لا يجوز يا اختي لا يلعب بك للشيطان بهذا الشكل ..

٤/ نعم صحيحه
٥/ والله يا اختي انني تألمت لما كتبتي !! ارجوك توقفي عن هذه الافكار
بيتكم ليس به نجاسه .. وتشغيلك للقران وقراءتك للقران ليس فيها اهانه
هذا كله وسواس من الشيطان ليصرفك عن القران ويمنعك منه .
إذا كان يجوز للحائض ان تقرا القران وتقرأ الاذكار وتذكر الله فكيف تفسرين ماتفعلين !!

٦/ صلاتك صحيحه وسبق وان قلت لك الشعر القليل لا يضر الصلاة .

٧/ وساواس لا تسترسلين معه انتي مؤمنه وماتشعرين به من الشيطان وليس من نفسك .

٨/لا يضر الصلاة النطق الخاطى .. لو كسرتي حرف او فخمتي او زدتي لا لايضر .. ماتقومين به غلو لم يامرك بالله به .

سورة الفاتحه اسمعيها من شيخ قراته واضحه وصحيحه وطبقيها بدون تدقيق وتعقيد ..

ارجوك ثم ارجوك ثم ارجوك ان تتداركين وضعك وتتبعين البرنامج العلاجي من الان فرغي نفسك يوما كامل لقراءته واستيعابه واستعيني بالله في تطبيقه سأرسل لك الروابط ارجوك لا تهملينها اقرايها كلها وابدأي بعزيمه .

سمعت مقاطع كثير واشوف التشديد سهل بس اذا جيت انطق ما عاد اعرف او اني انطقها نفسهم بس اشوفني نطقت خطأ مدري لان في مرات سجلت نفسي وانا اقرأ وكنت وانا اقرأ اسمع نفسي انطق خطأ وبعدين اسمع المقطع القى اني نطقت صح بس مرات يكون فعلاً غلطت

بخصوص الابتسام اليوم اللي بدأ ذا الشيء واذا ضحكت مع اهلي على موضوع عادي احسني اعوض عن الضحك اللي كنت ماسكته ابي اتجاهله بس خايفة اكون فعلاً تشمت بالناس

واخر شيء بسألك عنه احيانًا القى بالسروال الداخلي رائحة كريهه لكن مو بول او غائط ممكن بسبب الالتهابات هل لو صليت بنفس السروال يعتبر نجاسة لان فيه مشقة لو غيرت عند كل صلاة ؟

اعتذر على كثرة اسئلتي لكن كل ما سألتك عن شيء اتذكر شيء ثاني
1- انا قد جاني وسواس الدعاء على الغير بالشر وفي اول يوم من هذا الوسواس نمت قبل الظهر بساعات قليلة صحيت الظهر وقلت لو قمت اصلي راح ادعي على اهلي طبعًا كنت خايفة ان دعائي يستجاب المهم نمت وصحيت العصر وصليتهم كلهم وانا عرفت ان اللي ينام عن الصلاة تعمدًا يكفر فهل كفرت ؟ علمًا باني قد اغتسلت اكثر من مرة للدخول الى الاسلام بسبب وسواس العقيدة هل تكفي هذي الاغتسالات وانا ما نويت اني اغتسل عن هذا الفعل ؟
2- قبل شوي كنت العب بلعبة وشفت شيء شبيه لعلامة الصليب او هو صليب اساسًا ما اعرف لكن كان كأنه علامة الزائد وصغير ما دققت بزيادة لكن خفت ان ممكن يكون صليب ولو كملت راح يكون رضا بالكفر وراح اكفر هذا اللي جاء ببالي لكن كملت لعب بس ما طولت طلعت بعد كم دقيقة ابحث بقوقل فهل كفرت ؟
3- اليوم يوم كنت اصلي المغرب جدًا طولت عشان اصلي عصبت وانقهرت وابكي وجلست اضرب نفسي واخوي الصغير كان جواله عالي صرخت عليه وسبيته
لكن المكان اللي نصلي فيه موجود فيه لوحة فيها سورة من سور القران وانا سبيته اخوي ثلاث مرات او مرتين وراء بعض اول ما سبيت قلت لنفسي ترا كأنك تهينين القران لكن ما اهتميت وجلست اسب هل هذا كفر ؟
4- بيتنا على الجدران لاحظت قبل فترة كأن فيه علامة صليب ووقتها كنت ابي اصلي العشاء وكانت ذي العلامة قدامي يوم اصلي قلت ترا كأنك تعبدينه ! لكن بديت انكر هذا الشيء واني ما اعبد الصليب وبديت اصلي لكن ضغط علي كثير انتي تعبدين الصليب وانا ارد وانكر وبالغلط قلت انا اعبد الص..... وقلت هذا من ضغط الوسواس بس ما انكر اني جلست خايفة والى الان
وصرت اكره اجلس بالغرفة ذي واذا جلست قدام هذا الجدار اقول كذا كأنك تعظمينه رغم اني ما دققت اصلاً هل هو صليب او لا علمًا اننا صبغنا بيتنا ولا ابي اروح اشوف هل موجودة ذي العلامة للحين ولا لا
وبعد لاحظت بالمكان اللي نصلي فيه بالصالة يعني خط بالطول وخط بالعرض وخفت ولا دققت بس هذا مايل جدًا لكن مدري مدري ممكن تقولين لي ايش اسوي

حلم انا رحت موقع من زمان يمكن قبل شهرين واليوم رحت اشوف ولقيت انهم ردو علي المهم انا سألتهم عن السب المتعمد بس ما ردو بس كاتبين انك دامك موسوسة انتي ما تكفرين بس انا شاكه انك انتي ما فهمتيني يوم اقول سب متعمد ولما اقول لاهلي وللخبير النفسي ولما اسأل اشخاص ويقولون ما كفرتي اشك انهم ما يفهموني ما اصدق اقول شلون وانا متعمدة هل فعلاً ما كفرت وانا مو محاسبة علمًا ان كله حديث نفس
يا ليت تجاوبيني لان الهم اكلني

اختي رغد بسألك أساله وانتي جاوبي عليها وقيمي نفسك ..
هل انتي فرحانه من داخلك للسب المتعمد ؟
هل انتي راضيه فيه ومقتنعه فيه ومتمسكه فيه ؟
هل ودك تكررين الكلام اللي خرج منك مرة اخرى ؟

اذا كانت اجاباتك لا .. فهذا دليل على ايمانك وان ماتشعرين به وسواس لا شك فيها ..

انصحك بالتوقف عن التفكير فيها والاسترسال معها .

شكرًا لك لكن انا اسوي اشياء ما ادري شلون اولها
1-اذا شفت جزمة قدام القبلة او بجهة المسجد اعدل الجزمات واحس بتأنيب ضمير لو تركتها واحيانًا اتركها عادي اقول مو قصدي الاهانه

2- اليوم كنت اقرأ فتوى كنت ابي اعرف الاجابة وافهم بس عقلي مو قادر يستوعب اعيد الكلام واحس ابدًا ما استوعبت المهم قلت راح اقرأ بوقت ثاني بعدين حسيت بضيقة مو طبيعية وفسرت اني اتهرب وبكذا كفرت

3- انا من بعد الوسواس صرت ابدًا ما اعرف انطق اي ايه من القران ادقق بكل شيء ادري ان ما فيها مشكلة لو قريت بالتجويد لكن انا احس بشكل مبالغ يعني قبل ذا الوسواس لو مريت بايه ما عرفت انطقها اشغل مقطع لشيخ وانطقها صح بدون تعب الحين لا ابدًا لو راح اقرأ سورة من اول ايه اشغل مقاطع لشيخ واعيد واعيد واعيد واقول ما نطقته واقول لو ما نطقته صح انا مستهتره

4- انا مو قلت اني ما اعرف انطق ؟ صرت اذا شفت ايه بالجوال او بكتاب اصورها واقول اسمع مقاطع لشيخ يقرأ بعدين وتمر ايام واسابيع وانا ما سمعتها وكلها احط اعذار والى الان ما سمعت الا ربعها فهل ذا فيه استهتار ؟

5-لو كان عندي صورة بالجوال فيها ايه او صورة عادي بس الشخص اللي منزل الصورة ذكر اسم الله اقول لو حذفتها كأنه اهانة هل له دخل او لا ؟

6- اللي بكتبه الحين غير ،
انا لما احاول ما اطول بالحمام وو...الخ اهلي يزيدون علي بكلامهم الجارح وانا من زمان كنت حساسة واي كلمة تأثر فيني عاد بعد كلامهم احس باحباط واني فقدت الامل وادقق بكل كلمة يقولونها واحللها واقول كلام سلبي لنفسي

8- انا قبل كنت احب اطول اظافري وبرمضان اخليها طويلة فهل اعيد الصيام والصلاة من يوم ما بلغت لان الاظافر الطويلة ما توصلها ماء وبكذا صلواتي خاطئة وصيامي خاطئ
وانا اعتذر جدًا يا أخت حلم

لم تكفرين ولم تهينين شئ .. ولا تعيدين صيام ولا صلاة .

الان يارغد اقراي هذه الروابط ..
فرغي نفسك يوما كامل لها .. اقرايها بتركيز واستوعبيها ..
جميع اسألتك توضح استرسالك مع الوسواس بشكل كبير جدا .
اذا أردتي ان تعيشين طبيعيه .. واذا اردتي أن لا تسمعي كلام جارح من اهلك .. فيجب ان تكون لديك العزيمه على تغيير نفسك وعلى محاربه الوسواس .. وإلاَّ فستظلين هكذا ولا تلومي من حولك إذا سمعتي منهم كلام قاسي ..

هذه الروابط استعيني بالله وحده سبحانه وتعالى .

https://www.alkhabeer2.com/t26-topic

https://www.alkhabeer2.com/t60-topic

https://www.alkhabeer2.com/t59-topic

https://www.alkhabeer2.com/t23-topic

https://www.alkhabeer2.com/t505-topic

https://www.alkhabeer2.com/t220-topic

https://www.alkhabeer2.com/t1393-topic

السلام عليكم يا اخت حلم
قبل فترة جاني سؤال هل الملائكة تموت ؟
رحت بحثت وبنفس الفتوى فيه حديث اللي هو :

- وفي السنة حديث طويل يعرف بحديث ( الصور ) يرويه أبو هريرة رضي الله عنه ، وقد أخرجه جماعة من المحدثين بألفاظ فيها تفاوت زيادة ونقصانا ، إلا أنها متفقة على ذكر موت الملائكة العظام : جبريل وميكائيل وإسرافيل وملك الموت ، فقد جاء فيه :
( ثم يجيء ملك الموت إلى الجبار ، فيقول : يا رب ، قد مات حملة العرش ، فيقول الله وهو أعلم : من بقي ؟ ، فيقول : بقيت أنت يا رب ، الحي الذي لا تموت ، وبقي جبريل وميكائيل ، وبقيت أنا ، فيقول الله : فليمت جبريل وميكائيل ، فيموتان ، وينطق الله العرش فيقول : يا رب ، تميت جبريل وميكائيل ؟ فيقول الله له : اسكت ، فإني كتبت الموت على من تحت عرشي ، ثم يجيء ملك الموت إلى الجبار فيقول : يا رب ، مات جبريل وميكائيل ، فيقول الله وهو أعلم : فمن بقي ؟ فيقول : بقيت أنت الحي الذي لا تموت ، وبقيت أنا ، فيقول الله : أنت خلق من خلقي ، خلقتك لما قد ترى ، مت ... ثم قال : أنا الجبار ، ثم ينادي : لمن الملك اليوم ؟ ثم يرد على نفسه : لله الواحد القهار ، يقول ذلك ثم ينادي : ألا من كان لي شريكا فليأت ، فلا يأتيه أحد ، قال ذلك ثلاثا

انا يوم كنت اقرأ الحديث استغربت يوم شفت كلمة ( اسكت ) اظهرت ملامح الاستغراب وحسيت اني ابتسمت بعدها جلست بهم وضيق
واسأل نفسي ( ليش ابتسمتي ؟)
لكن بعدها نسيت هذا اللي صار لي وتذكرته امس هل فيه كفر بهذا الموقف ؟
ويا اخت حلم ممكن تجاوبيني على كلام اللي نمت عن صلاة الظهر واللي يشبه الصليب اللي شفته
لان وصلت حتى السجادة اللي اصلي عليها احس فيها شكل صليب

بنفس الموقع اللي ارسلت لهم الاستشاره قبل شهرين
قلت لهم : أنا يوم كان فيني وسواس العقيدة التشكيك شفت كلام هل شفت كافر يوسوس ! أو أن ابن مسعود أو ابن عباس قالوا له أن اليهود تقول نحن لا نوسوس في صلاتنا وقال لهم (وما يفعل الشيطان بقلب خراب)
 
وقتها اقتنعت وبدأت أسحب على ذا الوسواس التشكيكي لكن جيت عند موقعكم وانصدمت وهنا شكيت أني بس مسلمة بسبب الكلام اللي فوق يعني شفت أنكم تقولون اليهود والنصارى وما أعرف إيش تجيهم ذي الوساوس وانصدمت وتضايقت مرة ورحت أشكي لأختي !
 
وبعدين أنا أدرس مادة التوحيد والدروس عن العقيدة الإسلامية واللي ينكرون وجود الله سبحانه وتعالى واقتنعت وصار كل ما يجيني الشك أتذكر الدروس لين ما راح وجاء حق السب، لكن هل أنا مسلمة فعلاً ؟ لأن كل ما شفت كلام أن اليهود..إلخ توسوس أتوتر وأقلق وأشك
 
قالوا هم : طبعا يوسوس أي بني آدم بغض النظر عن دينه وما يختلف هو شكل الوساوس وهذا لا يتناقض مع الفهم الديني الصحيح للوسواس لأنه عدو للإنسان (كل الإنسان) في دينه ودنياه، فإن كان ملحدا ففي أموره الدنيوية وإن كان مؤمنا بأي دين ففي أمور دينه ودنياه !!
 
سبب فكرتك هو ما أسميه الاستعلاء الإسلامي الدخيل على الإسلام الحق، وهو ليس الاستعلاء المحمود الذي ينبني فقط على الإيمان بأن الدين الخاتم فيه كل الخير للعالمين وأن في كل دين خير، وإنما الاستعلاء المذموم الذي ينكر على الأديان الأخرى أن يكون فيها خير !! ... أظنها أفكارا تحتاج إلى مراجعة حصيفة.

جلست افكر بكلامهم وايش هو الاستعلاء الديني المذموم ممكن تفهميني ما ودي ابحث بقوقل 🥺

رغد هل قراتي الروابط ؟؟

لا الصراحة قلت راح اقرأ بعدين والى الان ، بس انا سألتك عن ذي الاشياء لان اغلبها افعال سويتها

ما تأخرينه أهم بكثير مما تسألين وتبحثين عنه .

السلام عليكم
1- انا قبل كم يوم احتلمت وكنت بالحلم احس بشهوة قوية قمت وكنت متنرفزة وجلست ساعة بعدين رحت فتشت عشان اصلي ما لقيت شيء بس افرازات او ممكن مذي قلت ممكن طلع مني بس نشف لاني جلست ساعة ووو...الخ ما اهتميت ولا اغتلست فعلي صحيح او لا لان انا افرق بان المني لونه اصفر بس

2-الودي هل هو ينزل بشكل دائم ؟ لان كنت اوسوس واحيانًا كل بعد صلاة افتش والقى شيء شفاف وكمية قليلة ولزج لكن ما اعيد الصلوات افرازات عادية ولا لا ؟

3- كنا بالسيارة وتعرفون طريق البر فيه حجر وتراب السيارة ما تمشي بشكل مستقيم تهز وكنت كأني احس بشيء بفرجي لان السيارة تهتز وخفت ينزل مني وبعد بنفس اليوم اخوي الصغير نام وحطيت راسه على كتفي وقلت يمكن احس بشهوه ووو..الخ
علمًا بان علي الدورة ما اقدر اذا فتشت اعرف نزل او لا
5-اذا جاء السب وكنت ابتسم اشك هل ابتسامتي بسبب السب وانا فرحانه بالسب ؟ لان حتى لو جاء السب اكون مستمرة بالابتسامة مثلاً
قبل شوي كنت اتكلم مع اخوي الصغير وملامحي كانت كأني اسلك لاخوي ومبتسمة عشان اخوي يعني حسيت اني سبيت وانا مو كنت مبتسمة قلت ممكن عشان السب ؟ وجلست اراجع الموقف وهل انا متعمدة او لا وووو

5- بالوضوء لما اغسل وجهي اول كنت بس اغسل عادي وامرر من اطراف الوجه وتحت الشفايف كنت اسوي كذا زي لما شفت الشيخ يسوي لكن الحين لازم امرر من عند فتحات الخشم وتحت الخشم والشفايف واعيد على وجهي كله وياخذ وقت لو ما مررت يوصل الماء لتحت الخشم والشفايف ؟

وعليكم السلام
س١/ نعم فعلك صحيح وليس عليك غسل .
س٢/ نعم افرازات عادية لاتؤثر على الوضوء ولا على الصلاة .
س٣/ المني لا ينزل إلا بالجماع .. وماذكرتيه امور عادية لاينزل معها شئ فتوقفي عن هذه الوساوس .
س٤/ توقفي عن الاسترسال مع الوسواس .
س٥/ نعم يصل الماء فلا تتكلفين في غسل الوجه .. فلم يرد عن الرسول صلى الله عليه وسلم انه كان يتكلف في غسل اعضاء الوضوء وهو قدوتنا في العبادات كلها .


انصحك يارغد باتباع الروابط التي ارسلتها لك .. كثيرا ماأحزن عندما اقرأ اسالتك لانك مسترسله مع الوسواس بشكل كبير ..

صدقيني لو بدأتي في التطبيق ستخف هذه التصرفات كثيرا وسترتاحين من المعاناه في كثير من الامور ..