انا دلوقتي السنادي كنت في سنه رابعه في الكليه والحمد لله نجحت واتخرجت وكان عندي بحث تخرج مع دكتور اول ما بدات اعمله كنت خايفه ومتوتره كنت بعمل المواضيع واوريها للدكتور وجه الدكتور قال عاوز تجميعه لكل المواضيع عملتهاله بس وانا بجمع هوه كان قايل متجبوش من النت عاوز من كتب بس فانا جبت من النت وكتب ومقولتلهوش اني هجيب من النت علي العلم اني حطاله المراجع اللي واخده منها قولت لو مش عجبه هيقولي وانا فكره اني اتصلت بيه في حكايه النت ديه وقالي ايوه بس بيجلي احساس اني لا مقولتلهوش لدرجه اني خليت صحبتي تكلمه بعد المناقشه بتاعته عشان تقوله وقالها اه عادي بس اللي انا مش مصدقاها وكنت بشيل حاجات من المواضيع واضيف حاجات تانيه في التجميعه ديه اللي هوه بظبط بحثي اللي كنت حطاه ومش فهماه اشيله اللي عجبني حاجات تانيه عن اللي كنت عملاه في الموضوع في الاول احطها واشيل اللي كنت عملاه في الاول كده يعني بس مقولتلهوش ايه اللي انا شيلته وضيفته عطيتهوله كده وخلاص وقولت هوه هيشوف وهوه معلقليش فعلا عليه وعطهولي وقبل اما اسلمله النسخه الاخيره في موضوع اكتشفت اني مكرره الكلام فيه فشيلت الكلام المتكرر وحطيت كلام تاني انا فكره اني في حكايه الكلام المتكرر ده اتصلت بيه وقولتله فيه كلام متكرر هشيله واحط كلا تاني قالي انا مش عاوز كلام متكرر قولتله ماشي بس اللي هوه وانا بسلمه النسخه الاخيره ماكدش عليه او مقولتلهوش انه يبص علي اللي انا شيلته وضيفته وعطتله النسخه الاخيره انا طول ما انا بعمل البحث اللي هوه عادي بعمل واديهوله مبقولهوش حاجه وانا كمان بعمله كنت بتجنب اي معادلات في الموضوع فجه في المره اللي قبل المناقشه الاخيره معاه سالني هوه هنا فيه معادلات ولا لا انا قولتله لا وخلاص سكت واما روحت اكتشفت ان هنا كان في معادله قولت مش هحطها وخلاص وبرده بعد المناقشه اقعد اانب نفسي انا ضحكت عليه وهيبحث ويشوف ان هنا كان فيه معادله وهيسقطني لدرجه اني كنت عاوزه اتصل بيه واقوله و بدات اشك في حاجات كتييير انه هيفتح تاني بحثي ويلقيني حطه من النت وهيسقطني واني مسلمتلهوش النسخه الاخيره اللي معدله فيها كل حاجه وسلمتله نسخه تانيه وان انا مقولتلهوش انا ضيفت ايه وشيلت ايه انا فعلا مقولتلهوش في التجمعيه بس انا فكره اني قولتله ساعت اما لقيت كلام متكرر بس زي مذكرت فوق واني ضحكت عليه وتانيب ضمير وخوف انا مش عارفه اعمل ايه
وافكااار تانيه كتيير في نفس الموضوع بتجيلي زي انا كتبت حاجات غلط في البحث واقعد افكر وادور وابحث عشان اقنع نفسي اني صح
هوه الحل اني اتصل بدكتور البحث واقوله اني اخد من النت واني شيلت حاجات وضيفت حاجات من البحث ومقولتلهوش عشان اريح نفسي
وهوه اللي عندي ده وسواس مع اني مش مقتنعه لان الافكار اللي بتجيلي انا فعلا عملتها يعني انا فعلا ضيفت وشيلت حاجات من البحث ومقولتلهوش وكمان بقعد اول ما الفكره تجيلي ادور وابحث تاني اظني بعمل البحث من اول وجديد عشان اقنع نفسي اني صح تعبت جدااا والله ياااريت حل انا تعبت نفسيااا لدرجه اني بعيط جامد وبقيت افكر هوه انا اتخرجت فعلا ونجحت في الماده ولا لا
انا بحاول ابعد الافكار عندي بس مش عارفه انا عاوزه اوصل اني خلاص انا نجحت ضحكت علي الدكتور بقي مضحكتش هوه ملهوش عندي حاجه انا نجحت بس مش عارفه اوصل لكده
انا خايفه اكون حكايه اني اتصلت بيه عشان الكلام المتكرر ده او عشان اساله اجيب من النت ولا لاء زي مذكرت فوق يكون مخي مخترعاها او حاجه نفسي حد يحللي المشكله ديه انا من شهر 5 وانا تعبانه
هوه انا اللي كنت غلط من البدايه اني مكنتش بقول للدكتور انا بضيف ايه او شيلت ايه من البحث او جبت من النت ؟
المشكله اني بقعد ادور هوه انا ليه ضيفت وشيلت حاجات من البحث وايه اللي شيلته وحاجات كتير مع اني اتخرجت ونجحت في الماده بس مازلت بفكر