مساعدة....بسرعة

انا ما بعرف كيف ابدا وما بعتقد انو عندي اسلوب جيد في الكتابة وبظن اني ممكن اوصل الي انا حاسة في لغيري .
بس انا عنجد بحاجة للمساعدة لاني مليت انا بالوقت الحالي برحلة مع عائلتي اخدنا غرفة بفندق المفروض اكون مسرورة واسبح معهم بس انا قاعدة بكتب مشكلتي والدموع راح تنزل من عيوني .
انا بنت عمري 14 بشهر 8 بصير 15 .
مشكلتي اني بكره كلشي متعلق بالبنات الاشي مالو علاقة بالمراهقة لاني متذكرة اني كنت هيك من زمان كتير .
بفضل  الملابس الولادية بس اهلي ما بسمحولي البسهم فبلبس ملابس بناتية بس مش واضح كتير انها للبنات . بكره نفسي كتير وكل ما اشوف ولد بنقهر ليش انا مش مكانو . انا مش قصة اني بغار لانهم بيروحوا وبيجوا عراحتهم انا ما بحس بانوثتي بالمرة مهما حاولت اتكلم مع نفسي واقنعها اني بنت احاول اني انظر لنفسي كبنت بس ما اقدر . انا بنظر لنفسي نظرة اني ولد .اكره جسدي احيانا اتمنى انصاب بمرض سرطان الثدي لاتخلص من صدري.كرهت كلشي مهما حاولت اسعد نفسي وانسى الموضوع علفاضي علفاضي.
قرات قبل كم اسبوع عن اضرابات الهوية الجنسية حابة اعرف ازا بتصنف منهم علاقل في فتوى للي بيعانوا منو ممكن انهم يحولو . انا للصراحة بكتب بصيغة الانثى وانا مش مرتاحة كتير .
لما اكون برا البيت الناس بتشوفني ولد لانو مظهري اقرب للاولاد لما يجي حد يتكلم معي بكون بقمة السعادة لانو بيبقى يعاملني عاني ولد .بكون احكي مع بنت خالي عالفيس او علواتس اب بيجي عبالي كتير مرات اكتبلهم بصيغة اني ولد .
بيريحني كتير اني ادخل العالم الي بانيتو بعقلي لانو انا في ولد . بس برجع لرشدي وبطلع حوالي وبشوف نفسي و بشوف لون غرفتي الوردي بشوف الملابس الي جايتني هدية بتذكر كلشي سيء بحياتي مهما حاولت اتفائل اخرها برفع راسي وبدرف دموع بشوف السما وبدعي لربي انو يغير الاحوال ويخليني باي طريقة باي طريقة اصير ولد  .
بس سؤالي انا بعاني من اضرابات الهوية الجنسية او لا.حاولت احكي مع امي بس امي عصبت علي و مرة قعدت تفهمني وحكتلي هاي فترة مراهقة وبتروح قلتلي كنت زيك قلتلها تحكيلي كيف كانت تح وقتها وللصراحة ولا اشي من الحكتو صح انا عكن خلصت مراهقتي زمان .بس جد حاسة بخنقة .بعرف انو الفكرة مخربشة وافكار من هون وهون والوضوع مش مركب يمكن منيح بس والله الشغلة هي اني مهما حاولت اقنع نفسي اني بنت واقول ربنا ما بغلط فاكيد المزبوط اني بنت بس عمين اكزب عحالي مانا عارفة من اعماقي اني مش حاسة بالانوثة والمشكلة مالهاش علاقة بالمجتمع انو بفضل الرجل ولا تربيتي خاطئة بالعكس امي من كتر مهي ملتزمة بالدين بتخرسني لما اجي احكيلها انا مش بنت .قرفت حالي وكرهت الناس والمدرسة وما بدي حتى احكي مع حد الا ازا تحولت لولد
والله قعدت ادور على ادعية انها مستجابة ومن هلحكي وكل مرة بجي ادعي فيها بقعد ابكي وللصراحة حاسة انو ربي مش معي . مع اني بصلي كل صلاة بوقتها وبحياتي كلها ما اذيت حد.والله نفسي اعرف ازا انا بعاني من اضرابات الهوية الجنسية ولا انا البحدد اني بعاني منو والله ازا بعاني منو لاعمل المستحيل لاقنع امي اني احول .

مرحبا بك ابنتي الكريمة ـ ـ ـ 
المشكلة يمكن تكون من التربية وانت جئت بين اولاد ـ ــ 
ويمكن تكون خلل بالهرمونات ـ ـ ـ
التحول لا ياتي حسب الرغبة بل لو غلب الجنس الذكوري على الاتثوي مثلا لا يكون عندك رحم ولا مبايض ـ ـ ـ وممكن يكون عيب خلقي ـ ـ ـ 
ولكن لو كل الاحتمالات مستبعدة كلها فالاكيد انه الفكرة كلها غير مقبولة اخلاقيا وشرعا ـــ 
انت فقط يلزمك اعادة تاهيل نفسي وسلوكي ـ ـ ـ 
طبقي البرنامج وان شاء الله يصير خير ـ

مناي كتب:

مرحبا بك ابنتي الكريمة ـ ـ ـ 
المشكلة يمكن تكون من التربية وانت جئت بين اولاد ـ ــ 
ويمكن تكون خلل بالهرمونات ـ ـ ـ
التحول لا ياتي حسب الرغبة بل لو غلب الجنس الذكوري على الاتثوي مثلا لا يكون عندك رحم ولا مبايض ـ ـ ـ وممكن يكون عيب خلقي ـ ـ ـ 
ولكن لو كل الاحتمالات مستبعدة كلها فالاكيد انه الفكرة كلها غير مقبولة اخلاقيا وشرعا ـــ 
انت فقط يلزمك اعادة تاهيل نفسي وسلوكي ـ ـ ـ 
طبقي البرنامج وان شاء الله يصير خير ـ

انا حابة اعمل فحوصات عن الهرمونات بس امي ما بتاخد الموضوع بجدية وكل مرة باجي بحكيلها عني بتعصب 
انا براي مش بالضرورة لانو انا لما اخرج بصيغة ولد بحس بقوة النفس ولما اخرج بصيغة بنت بحس حالي تايهة بحس بالضعف وبكون خجلانة كتير

ابنتي توجذ حالات شفيت تماما ولكن بتوجيه خاص من الطبيب ـ ـ ـ 
زبدون اي تحول المهم انه الانثى تعزز فيها الانوثة والذكر يعزز فيه الجانب الذكوري ـ ـ ـ
كله بالدماغ وانت لو استمريت على هذه الحاله ممكن تصبحي من الشواذ ـ ـ ـ تميلين للانثى وترفضين الزواج ـ ـ ـ 
حا لي ما تستبقي الاحداث طبقي البرنامج ـ ـ 
واي فكرة تقول لك انت ولد طبقي العكس واعتقدي اعتقاد جازم انك بنت وتصرفي على هذا الاساس ـ ـ ـ 
وانت لا تقولي لا احب هذا فالمتشبهات من النساء بالرجال ملعونات ـ ـ ـ 
انت جاهدي حتى تصلي ـ ـ ـ

ابنتي حالتك ليست تحت تصنيف الوسواس القهري وكما وصفتي حالتك التي تندرج تحت اضطراب الهوية والجنس.. كلامي هنا لايعني ان تفقدي الأمل في العلاج ابدا ولكن حتى تبدأي بالعلاج من خلال التشخيص السليم.. ابحثي أكثر عن نوعية مشكلتك وستعرفي انها لاتشخص على انها وسواس قهري وابدأي بالعلاج على بركة الله ولاتخافي

ابنتي حالتك ليست تحت تصنيف الوسواس القهري وكما وصفتي حالتك التي تندرج تحت اضطراب الهوية والجنس.. كلامي هنا لايعني ان تفقدي الأمل في العلاج ابدا ولكن حتى تبدأي بالعلاج من خلال التشخيص السليم.. ابحثي أكثر عن نوعية مشكلتك وستعرفي انها لاتشخص على انها وسواس قهري وابدأي بالعلاج على بركة الله ولاتخافي

ابنتي حالتك ليست تحت تصنيف الوسواس القهري وكما وصفتي حالتك التي تندرج تحت اضطراب الهوية والجنس.. كلامي هنا لايعني ان تفقدي الأمل في العلاج ابدا ولكن حتى تبدأي بالعلاج من خلال التشخيص السليم.. ابحثي أكثر عن نوعية مشكلتك وستعرفي انها لاتشخص على انها وسواس قهري وابدأي بالعلاج على بركة الله ولاتخافي