موضوع: استشارة بخصوص وسواس المرض والخوف 2016-05-06, 3:48 am
السلام عليكم بصراحة عجبني منتداكم الرائع و حسيت ان المتواجدين هنا عائلة وحدة مو مرضى فحبيت اكون واحد منكم والله يكتب لنا الشفاء العاجل جميعنا قصتي في البداية انا مريض روحي اعاني من بعض الامراض الروحية ولكن قبل تقريبا 8 اشهر بديت اعاني من وسواس الامراض والموت والحمدلله على كل حال بداية وسواسي اصابتني جرثومة المعدة وكان اعراضها متنقلة ومتعبة بيوم من الايام كنت اسوق السيارة ودخلت بزحمة سير اشتغل الوسواس وزادت ضربات القلب وتوجهت الى المستشفى وبعد التحاليل تم تحويلي الى الطبيب النفسي طبعا انا ماقتنعت وجلست اسوي فحوصات وكانت خير الحمدلله ونتائج الفحوصات طلعت مرض المعدة وطلعت القولون ولكن بعد فترة بسيطة عاد الى القلق وعادت نوبات الهلع بس المرة هذي وانا اصلي بالمسجد وحسيت اني راح اطيح ع الارض من شدتها طبعا الاشياء الي صارت بعدا
1- تجنبت قيادة السيارة اول مااسوق السيارة وتجي زحمة تجيني حالة هلع 2- تجنبت الصلاة بالمسجد كل مااصلي بالمسجد تجيني حالة هلع 3- اي شخص بالبيت يمرض تسوء حالتي النفسية بالذات الوالدة الله يعطيها العافية دخلت العناية المركزة بالشهر هذا مرتين
4- استغرب اني متاكد انها وساوس وانها افكار مزعجة بنفس الوقت لما تجي مااقدر اوقفها وتجيني الاعراض كاملة طبعا اعراضها مزعجة جدا والحمدلله
قرات الخطوات في هذا المنتدى لكن وجدت صعوبة في اشياء منها التجاهل ومنها اعتقاد نقيضها والفرح واهمها لاتفكر بمرضك واتوقع ان السبب الاعراض الي احس فيها والصداع والانزعاج من الصوت والضوء وضيق التنفس
اتمنى احد يفيدني ويكون عون لي ويتابعني اول باول
وشكرا لاهتمامكم بهذي الحالات وشكرا لقراءة موضوعي الي مافيه اي نوع من التنسيق
ابومشخص
نائب المشرف العام
معلومات إضافية
عدد المساهمات : 4386
تاريخ التسجيل : 02/08/2014
تعليقك : الحمد لله رب العالمين
قال الله تعالى
(ولا تهنوا ولا تحزنوا وأنتم الأعلون إن كنتم مؤمنين)
(قل لن يصيبنا الا ما كتب الله لنا هو مولانا وعلى الله فليتوكل المؤمنون)
موضوع: رد: استشارة بخصوص وسواس المرض والخوف 2016-05-06, 8:04 am
وعليكم السلام ورحمة الله وبركاته
اخي عليك بقراءة برنامج وسواس الافكار المزعجه وتطبيقه على الافكار التي لديك
بعد البدء بتطبيق البرنامج أرسل لنا تقييمك اليومي هنا مع استفساراتك مع تطبيقك للبرنامج استمر بالرقية الشرعية والعلاجات كزيت الزيتون والماء المقروء فيه وعسل السدر الاصلي هام جدا وبما انك من اهل السعودية انصحك باستخدام خلطة الشيخ الرويس تجدها في السوق في المكتبات الاسلامية اسال الله لك الشفاء والعافية