استفسار بخصوص وسواس الموت ارجوكم ..

سؤال اخير بس وهو اخر سؤال ماقبل الشفاء التام ان شاء الله ..
يوم حسيت بالراحه بدا يقولي ترا احساسك حقيقي تراك بتموت عشان كذا هديت طبعاً متجاهل انا بس هذي من حيله عشان يرجعن ورى صح ؟

نعم حيلة مفخخة بالحقيقة الان ولانك مرتاح حقيقية
اكيدزهو عنده الاوهام مبطنة .
ياسيدي ليش ماصدق لحد الان في ولو حرف.
صدق فقط في تخويفك واحزانك .
الشيطان لن يعدك الا الخوف والحزن .
فخليك منه .
واثبت احد

اخت مناي انا بتحسن كبير والفضل لله ثم لك ومابقى الا ايام قليله وابشرك بالشفاء التام ان شاء الله
لكن سؤال : الاحلام باشياء ترتبط بالموضوع او رموز معينه طبيعي والنفسيه مستقره ؟

اخوي حمد ممكن تفيدنا عن كيفية التجاهل لاني أجهلها

ابشر بحاول اوضح لك قد ما اقدر ..
التجاهل من تطري عليك الفكرة تعرف معنى ( طنش تعش تنتعش ) ؟
يعني خله تدخل مع اذنك اليمين وتطلع من اذنك اليسار بدون اي تأثر من الفكرة وكنه ولاشي ( لاتاخذ وتعطي مع الفكرة ، لاترد على الفكرة بالرفض ، لاتقنع نفسك انه غلط )
المطلوب منك شي واحد بس .. تجيك الفكرة خله ولاتتفاعل معه بحرف واحد خله زي مايقولون تتمشى بمخك وتطلع من حاله بدون ماتتفاعل معه ، لو تجاهلته بتحس امه معلقه براسك ماراحت عادي تجاهل هالشعور اهم شي لاتتفاعل معه

الاحلام وما فيها من رموز تجاهلها ولا تحاول التفسير خاصة ان كانت مزعجة ربما حديث نفس فقط

ربما ؟ هذي ربما ترجعلي الوسواس 💔

اكيد اذا ركزت معها راح تقع بالفخ .
كل اللي تشك فيه تجاهله فهي حيل

مناي تطري علي الفكرة وما اخاف ، واوسوس واقول ليكون احساس حقيقي عشان كذا ماخفت ؟ ليه ماني مثل قبل اخاف ؟ 💔

لكن رغم هذا وقعت في المناقشة وهذا خطأ .
الحيل كثيرة وقد يستعمل امور اخرى ارجو انك تنتبه لكل الفخاخ .
تاثير الوسواس ماعاد يؤثر فيك هذا جيد ولكن كما قلت لك قد يستعمل الوسواس اسلوب مختلف ويبحث عن نقاط ضعف.

ايه لأني توترت شوي قلت ماعدت اخاف زي قبل ليكون هذا احساس حقيقي ؟
يعني هذي حيله وفخ ؟

نعم فخاخ ولكن ليست بذات تاثير لكنها كفسلة بقلب كل شيئ .... لا نضمن النتيجة الا بالثبات والحيطة.
الحيل ستتنوع وانت راح تكتسب خبرة وتتفطن لكل الحيل دون الاستعانة باحد .

اخت مناي ..
الشيطان او الوسواس يروح لشخص ثاني قريب مني ويخليه يحلم بي عشان اوسوس ثاني مره لو شافن متجاهله ؟؟ لان واحد قال حلمت بك قريب مني مره
وثاني بعد حلم بي 💔

قل لمن يحكي لك حلم خير ان شاء الله ولا تفسره تفسيرا سيئا ولا تشغل به نفسك .
لا تهد اللي بنيته .
لا تقلق ولا تبدي تاثر الشيطان بالمرصاد .
والمواقف بالحياة كثيرة هذا مجرد اختبار رايت نفسك ؟؟؟
اذا استجبت للموقف بتاثر مبالغ فيه فانت مازلت بعد تحتاج للتروي والهدوء رياضة عود نفسك عليها لان الحياة كلها احداث ومواقف لن تجد الارض مفروشة بالورود

شلون اختبار مافهمت الرد ؟ معليش ادري اشغلتك معي

انت سمعت عن الحلم فخفت وتوترت وهنا ردة الفعل هذه تبين مدى قربك للشفاء كانه اختبار .
سؤالك من الاول فيه نبرة وسواس

اي والله توترت وخفت
يعني هذا اختبار او وسواس من الشيطان او وشو بالضبط حلمهم ؟

على حسب الرائي اخي ان كان على دين وليس سفيها .
الرؤيا من الله وقسم اخر من الشيطان اغلبه كوابيس ولا تسمى رؤيا والجزء الاخر حديث نفس .
وأنت قل خير إن شاء الله يحصل خير ولن يصيبك شيئ .
لا تتوتر لا تبقى تركز عليها ستفسد البرنامج .
هكذا الموسزس يجعل من الحية قبة

على دين يعني مطوع وملتزم ؟

ان شاء الله تكون بافضل حال واحسن .
خليك متفائل ولا تفسر الرؤيا على هوى الشيطان لانك لست حرا انت مقيد بالوسواس ولهذا لازم تتجاهل اي حلم قيل لك او اي حلم رايته ولا تبحث بالنت ولا تسالني .
قل خير وانتهى
اهتم بالبرنامج حتى لا تخرج عن المسار .

وانا لم ارى شيئا بالحلم مقلق

ماهو مقلق هو ، الأول يقول حلم تافه جداً
والثاني حلم بشي كنا ناوين نسويه انا وياه بس كنسلنا الفكرة وماسويناه

خلاص اين الخوف هنا ...
اذا كان هذا العمل فيه طاعة فانظر لحالك هل انت مقصر باي طاعة .. صلة رحم صدقة على شخص ميت ...
او اخرج صدقة دفع بلاء كما نقول بالعامية وانوها تدفع عنك السوء .
لا تبالغ اخي ليس هناك مايخيف .

السلام عليكم اخت مناي ..
ابشرك الحمد لله قدرت بشكل كبير اتخلص من وسواس الموت مابقى الا الشي القليل
لكن مناي جتن حاله غريبه ، صرت احس نفسي بحلم صرت مادري شلون
اوضحلك لكن صرت ما احس بالشي اللي اسويه اروح لمكان مثلاً احس اني بحلم
واتسائل وش هالشعور ومن انا وليش تغيرت كأن مالي وجود ياليت انك فهمتي
وش اسوي عشان اتجاهل هالشعور ؟ حتى لو تجاهلت هو احساس دايم معي 💔

نعم اعرفه جيدا لا تشغل بالك ...
ان كان مستجد فهو بيضة تمساح لا تركز معاه ولا تسترسل مع الاسئلة الفلسفية العقيمة ...
مثله مثل اي وسواس جديد افقس بيضته على طول واطمئن ... لا تراجع مهما كان الشعور غريب مفيش مع الوسواس منطق كله غرابة.